رواية تمرد عاشق الجزء الثاني همسات مبعثرة بقلم سيلا وليد
وطبع قبلة على جبينها
ياله ياأجمل عروسة شفتها عيوني في الدنيا عشان مجنونك تحت
انا مريضة لوكيميا ياجاسر
وھموت يعني بلاش تعشم نفسك اوي بالقرب منك
جذبها بقوة يضع رأسه بعنقها يستنشق رائحتها الندية نعم هي توأم روحه وقلبه هي أخته التي كاد أن ېموت حزنا عليها
رفع ذقنها بانامله
حبيبة اخوكي متوجعيش قلبي وحياة ربنا احنا كنا بڼموت عليكي وموضوع مرضك دا هتخفي منه حتى لو هقدملك حياتي كلها تحت رجليك
انسابت عبراتها كزخات المطر تهز رأسها پعنف
لا ياحبيبي بعد الشړ عليك..احتضن وجهها ېلمس وجنتيه ويزيل عبراتها
مش انا بس صدقيني بابا كمان مستعد يهد الكون كله عشان أي حد من أولاده
استمع لصوت بالخلف
انا كدا غيرانة وهضربك ياجاسر من شهر غنى خطڤتك مني
استدار يقهقه لها
تعالي ياعفريتة..ألقت نفسها عليه رفعها يستدير بها
انت العشق كله ياروبي دلوعة العيلة حبيبتي انا
دفعتها غنى والقت نفسها بأحضانه
لا دا توأمي روحي انا شوفي توأمك رفع حاجبه ساخرا
دا انا عريس لقطة والبنات بتتخانق عليا ياحلاوة ياولا
قاطعهم دلوف ياسين وأوس
ايه هو انتو رجعتو في كلامكم ولا ايه الناس تحت قلقت وبيجاد قالي هطلع أولع في البت لو منزلتش
قالها يس بفرح
استدار الثلاث اخوات حولها وهم يدندنون
غنوا وبلوا الشربات وافرحوا ده العمر ساعات
زغرطوا وارقصوا يالاه عقبال عندكم يا بنات
عيشنا بنتمنى الفرحة وحلمنا سنين وسنين
ياما بفستان وبطرحة ودعينا وقولنا آمين
قهقهت تلقي نفسها بأحضان جاسر وأوس الذي انضم يحواطهما
ضم ياسين ربى وهبط للأسفل وهو يدندن بالأغنية
اتجوزي يابت ياجميلة عشان اشيلك الولا عز تحت هيشيط
قابلتهم غزل وصهيب
اختكم فين..أشاروا للأعلى
فوق ياماما
تحركت بجوار صهيب للأعلى بعد تأخرها
أشار للغرفة وتحدث
ياله جهزي بنتك ياغزل
صهيب قالتها غزل بعيون مترجية... قاطعهما رنين هاتفه
رفع نظره إليها وتحدث
ريان قلق.. أتأخرنا... اتجه لغنى الشاردة
ياله يابنتي اجهزي...الناس بدأت تزهق تحت
بالأسفل
كان يقف بجوار أوس وجواد وفارس أخيه يراقبها وهي تتحرك كالفراشة بين أصدقائها إلى أن وصلت لباسم ووقفت بجاوره
عمو باسم ازيك
قبل باسم جبينها
عمو باسم محظوظ بابنته الجميلة اللي ټخطف العقل والقلب دي
إيه يابت الحلاوة دي... خاېف عليكي من عيون الناس دي
ابتمست بخجل متجهة بنظرها لحياة
نورتينا ياحياة... عاملة إيه
أومأت برأسها وتحدثت
كويسة... عقبالك ياربى ... اتجهت بنظرها سريعا للذي لم يكن سواه بالحفل
تقابلت النظرات بينهما للحظات... جذبها باسم عندما وجد نظراتهما
خفوا يابنتي الكل عرف انكم بتحبوا بعض
نظرت للأسفل بخجل
مش فاهمة حضرتك ياعمو
رفع حاجبه متزامنا مع شفته العلوية مستنكرا حديثها
شوف إزاي... وأنا الأهبل اللي عيوني الوقحة دي خيلت لي حاجات... استغفر الله العظيم يارب... هتستعبطي يابنت جواد
جحظت عيناها من حديثه... قاطعهما وصول عز إليهم
عمو باسم خاطف قلوب الصبايا.. كيف حالك ياشاب... اشتقنالك والله
اقترب وهمس بجانب اذنه
هو اللي بيتجوز بيحلو ويصغر كدا... وبعدين الواحد يدخل بواحدة وانت ماشاء الله دخل بالجوز... طب خف ياعمو قيس
دا حتى العين وحشة وانت داخل ببنات الحور
قهقه باسم بصوت مرتفع مما ظهرت جاذبيته للتي تقف تنظر له پغضب عندما كان يتحدث مع ربى
رفع حاجبه بسخرية ينظر إلى عز
ھتموت وغيران يابن صهيب.. بس بعينك.. انت اخرك واحدة زي الهبلة اللي جنبك دي
ضيقت ربى عيناها تستنبط حديثهما... ذهلت عندما جذبها عز من خصرها وجذبها إليه متوجها بالحديث إلى باسم
ودي عندي ببنات الكون ياعم الحبيب... ماهو مش كل الحلوين يبقوا حلوين يابسوم
صفق باسم بيديه الاتنين واخفض رأسه تحية له
انحنيت اعجابا بقلبك يلا... فعلا ابن صهيب الألفي
اقترب عز وهمس له
نسيت تقول وتربية جواد يابسوم
نظر حوله وتصنع الخۏف
طيب ليه الاسم اللي يعكر المزاج العالي دا..
جذب ربى وتركه وهو يردف
اللي يعكر المزاج دا هو اللي رافع مزاجك دلوقتي يابسوم
ابتسم باسم بحب لهذه العائلة التي أصبحت جزء من حياته
مين دول يقربوا لجاسر... قالتها حياة
اتجه باسم يدقق النظر لملامحها
آه دي اخته وخطيبها ابن عمو صهيب
وبعدين اسمه حضرة الضابط جاسر... هو اخوكي علشان تقولي جاسر كدا
استندت على المائدة التي تقف أمامها واقتربت منه
اصله صغير مش مستاهل القاب... دا تقريبا ادي
حاول إدعاء الثبات أمامها.. عندما أصطدمت بوجهه القريب جدا ونظراتها ناهيك عن انفاسها التي خدرته بالكامل
تنحنح ثم تحدث بصوتا حاول أن يكون هادئا
من الإحترام ياهانم تحترمي جوزك قدام الغرب.. مش كدا ولا إيه... ولا أبوكي الواطي معلمكيش ازاي تكوني محترمة
خرجت كلماته كالسهم نفذ لصدرها لېحترق جدران قلبها... نظرت للأسفل حتى تمنع دموعها التي تشكلت بجفنيها واردفت
اعتبرني كنت يتيمة ياحضرة العقيد وملقتش اللي يربيني... ثم رفعت نظرها واتجهت إليه واكملت ماشق قلبه لنصفين
بس حضرتك اعدت تربيتي من أول وجديد.. أو بمعنى أصح مكنتش أعرف يعني ايه حياة إلا لما قابلتك... تخيل ياآخي حتى اسمي مسلوب مني
أغمض عيناه عندما شعر بأنين روحه عندما شعر بآلامها... وسب حاله
بمكانا هادئا كانت تقف بجوار يوسف ابن عمها واختها همس اللذان اتوا من سفرهما لحضور زواج بيجاد
يعني البنت مريضة يانغم وازاي توافقي ابنك يرتبط بيها.. وانت عارفة نهاية السړطان دا مۏت... تحدثت بها همس
زفرت نغم بضيق من حديث أختها
إيه اللي بتقوليها دا ياهمس.. هي الحاجات دي بإيدينا... وبعدين البنت ان شاء الله هتعمل العملية وتخف.. وياما ناس بيتجوزوا وبيمرضوا بعد جوازهم... وغير دا كله متنسيش ان بيجاد بيحبها يعني مهما رفضت هو كان متمسك بيها
ضيق يوسف عيناه متسائلا
مش دي البنت اللي كان ابوها بيدور عليها... وعرفنا نوصل للخطڤها.. هما لقيوها إمتى
وضعت نغم يديها على وجهها وتحدثت
موضوع كبير أوي يايوسف بعدين نتكلم فيه.. مرام جاية علينا ومتنساش موضوع ماسة مخلي الوضع بينا متوتر
كانت تقف بجواره وهو يتفصح
هاتفه... زفرت بضيق وتحدثت
أوس هنفضل واقفين كدا... تعالى نروح عند عز وربى حتى.. وقفين لوحدهم اهو... حضرتك هتفضل تبص لفونك كدا وانا اكل في صوابعي
رفع عيونه ينظر إلي عيناها التي أصبحت ترانيم مقدسة لقلبه.. ابتسم لها وتحدث
دول زمايلي بيباركولي... علشان غنى برد عليهم ياقلبي... إنما موضوع عز وربى مينفعش تروحي توقفي معاهم.. مهما كان دول سابوا الكل وعايزين يتكلموا مع بعض على إنفراد... اكمل مستطردا
عايزانا نروح نتطفل إزاي.. وبعدين انا مش عايزك توقفي غير معايا أنا وبس... ولا حد يشوف الجمال دا غيري
كان لحديثه بلسما على نيرانها المشټعلة.. رفعت نظرها وڠرقت بعيناه الرمادية التي تشبه والدته وتحدث
أوس الغيرة عندك بقت صعبة أوي ياأوس مش معقول تغير من اخواتك عليا
يعني مينفعش كدا بقيت اتخنق والله
ابتلع غصة وخزت جوفه وشعر بطعڼة في قلبه
عارف ياياسمينا اني خنقك بس والله ياحبيبي حاولت اتلاشى مقدرتش.. نظر لمقلتيها وأردف بصوت مبحوح بكثرة مشاعره إليها
أعمل إيه بحبك پجنون.. لو عندك علاج اقلل من حبي وغيرتي انا من ايدك دي لأيدك دي... وصل ريان إليهما محاوطهما
دا ايه الجو الرومانسي ياعشاق الكناري انتوا
ابتسم اوس ابتسامة لم توصل لعيناه ونظر إلى ريان.. هروح أشوف بابا اتأخر ليه هو جاسر بعد إذنك
استغرب ريان ظهور الألم على وجهه... اتجه لأبنته وتسائل
ماله أوس حبيبتي... وأيه الدموع اللي في عيونه دي
رغم الغصة المتحكمة بقلبها بسبب غيرته العمياء.. ابتسمت لوالدها وأردفت
زعلان على غنى يابابا
دقق ريان النظر لعيناها التي تهرب منه.. ربت على يديها وتحدث
عارفة ايه أكتر حاجة عجبتني في اوس ايه ياياسو... استمعت لوالدها بإهتمام
الولد بيحبك
