مملكة الطوبجي من الأول لسادس عشر لأميرة اسامة

هتصرف كفايه عليكي كده انهارده.
مريم...مسكت شنطه الاكل كانت جعانه وبعدين بصتله
نادر...في ايه
مريم...ايه اللي انت جايبه ده جايب حجات ملهاش علاقه ببعض جايب توست وبرجر ونوتيلا طيب هنعمل البرجر ده ازاي
نادر....مكنتش عارف بجيب ايه والله عموما هنصبر نفسنا بالنوتيلا لحد الصبح ماشي
مريم...طيب
عدى الوقت بسرعه الكل مشي من الشركه وفضل زيد لوحده بيفكر في اللي حصل من كام ساعه و بيحاول يلاقي تفسير
واخر ما تعب قرر يقوم يمشي و الصبح يتصرف بص في الساعه لقاها عشره ونص عرف وقتها أن الوقت سرقه وقام على طول

خرج من المجموعه كلها راح على الڤيلا.
عند تقى 
قرر مراد يروح يشوفها و يطمن عليها.
قربت منه تقى وهي معاها كوبايه عصير
تقى...اتفضل
مراد...تعبتي نفسك ليه بس قولتلك مش عايز
تقى...بإبتسامه دي حاجه بسيطه وبعدين كل حاجه بتاعت حضرتك يعني اكيد مش مكسوف مني
مراد....مكسوف ايه بس وحاجه ايه مش قولنا بلاش الكلام ده اولا انا ياستي مش مكسوف والله بس حقيقي مش قادر وثانيا انتي الوقت في بيتك انا هنا ضيف ولو على الحاجه اللي جابوها الامن قولتلك اعتبريها دين عليكي لحد ما تشتغلي يعني كده الحاجه دي بتاعتك انتي.
تقى....بجد من يوم ما شوفت حضرتك وانا كل مره الكلام بيروح مني بجد مش عارفه ازاي هقدر اردلك كل اللي عملته معايا ده
مراد....قولتلك اكتر من مره انتي زي امير ابني وبين الاب وولاده مفيش اي جمايل ولا ايه
تقى...بإبتسامه صح.
مراد....طيب اتفضلي الشنطه دي
تقى...دي فيها ايه
مراد...أفتحي و شوفيها ولا اقولك بعد ما أمشي شوفيها براحتك بس مبدأيا كده دي فيها كام طقم بيت وخروج انا عارف انك لما مشيتي مكانش معاكي حاجه واكيد محتاجه تغيري هدومك
بصتله تقى بأحراج وابتسمت
مراد...مش عايزك تفهميني غلط بس كل اللي هنا مش انا اللي اختارته كل الحكايه اني دخلت على محل كان في بنوته تقريبا نفس مقاسك و طولك وطلبت منها تساعدني انها تجيبلك كام طقم كامل للبيت وبردو الخروج وهي اتصرفت
تقى....بص انا مش هقولك ليه كده وكل الكلام ده احنا اتفقنا اني هرجعلك كل الفلوس دي بس بجد حضرتك أنقذتني انا حاسه اني بقيت معفنه خالص ونفسي اخد شاور من امبارح
ضحك مراد لا لا متقوليش على نفسك كده
تقى....بضحك بجد شكرا
مراد....العفو يا ستي وعموما اللي خلاني عملت كده هو اني بعد بكره بأمر الله هتستلمي شغلك وطبعا مش هينفع تروحي من غير طقم جديد
تقى... بجد حضرتك لاقيتلي شغل
مراد...اه يا ستي حضرتي لقالك شغل و تقدري تستلميه بعد بكره كمان
تقى...طيب وليه مش بكره
مراد...متحمسه اوي
تقى...اوي بجد
مراد...انا قولت تاخدي راحه بكره كمان وعشان انا خاي ف بصراحه اللبس ميبقاش مقاسك فا تقدري بكره تنزلي تشتري اللبس اللي ناقصك يعني اعتبري دول حاجه تمشي نفسك بيها وده ظرف في مبلغ تقدري تجيبي اللي يعجبك
تقى....لا لا بجد اللي في الشنطه ده كفايه انا مش هقدر بجد اخد حاجه كده كتير اوي
مراد...قولنا كله بيتأيد على النوته بقى متتعبينيش شوفي اللي ناقصك عشان لما هتبدأي شغل مش هتلاقي وقت تعملي اللي انتي عيزاه غير يوم اجازتك وتقريبا من التعب مش هتعملي حاجه وهتقضيه نوم.
تقى...طيب ممكن سؤال هو الشغل ده فين
مراد...تسمعي عن مجموعه الطوبجي
بصتله تقى بتفكير
مراد....اكيد بتشوفي اعلانات العقارات بتاعتها و سيراميك الطوبجي و أجهزه كهربائيه بردوا باسم الطوبجي
تقى...ايوه ايوه طبعا بس اسفه هو حضرتك بتهرج ولا بتتكلم جد
مراد....بإبتسامه لا ياستي بتكلم جد
تقى...هو حضرتك تعرف حد فيها حضرتك شكلك حد واصل
مراد...بضحك وهو بيقف لا مش اوي كده بس تقدري تقولي انهم حبايبي يلا هسيبك انا بقى والمهم عايزك ترفعي راسي في الشغل
تقى...بسعاده ربنا يقدرني واكون عند حسن ظن حضرتك
مراد...وانا واثق انك قدها انا همشي بقى ولو احتاجتي اي حاجه موبايلي معاكي اتفقنا
تقى....أتفقنا بس ايه ده حضرتك ماشي مشربتش العصير
مراد....لما ازورك المره الجايه يبقى ليا عندك فنجان قهوه مظبوط
تقى...بإبتسامه بس كده احلى فنجان قهوه
مراد...بإبتسامه يلا تصبحي على خير
تقى...وحضرتك من اهل الخير.
مشي مراد وحطت تقى ايدها على قلبها بسعاده و حست ان الدنيا خلاص هتضحكلها وتقدر تثبت نفسها و يرجعلها من تاني الامل

في الحياه
..................
وصل زيد الڤيلا دماغه هتن فجر من كتر التفكير بيفكر في كل حاجه لكن اكتر حاجه كانت واخده حيز كبير من تفكيره هي صبا..
وطلع يلبس
دخل منذر وقفل وراه من غير اي كلام ودخل قعد على البار بتاع المطبخ حط كوبايه مايه وفضل يشربها وهو شارد
منذر من بعد ما سمع خبر حمل فيروز خرج وبقى يلف بالعربيه اكتر من اربع ساعات حاسس انه بيتخ نق المفروض انه كان هيتقابل هو و زيد لكن زيد قاله انه مش هيقدر يخرج وعرفه انه في الڤيلا لو حب يجيله اي وقت.
لبس زيد بسرعه ونزل على تحت من غير اي كلام راح على المطبخ وبصله
زيد....تشرب قهوه
هز منذر راسه بأيوه
وقف زيد يعمل القهوه وهو ساكت عارف ان صاحبه بيتأل م ومين
يحس بيه أكتر منه هو
عمل زيد القهوه وحطها قدامه ووقف من وراء الرخامه ۏلع سېجار خد نفس طويل وبصله.
زيد....بإبتسامه واضح كده انك مقدرتش تجرب وتحاول زي ما نصحتني.
بس تعرف يا منذر انا كنت بفكر في كلامك وكنت هحاول بس كالعاده ملحقتش
بصله منذر بحزن
زيد...اه والله بنت لذيذه ومحترمه وشكلها شاطره قولت احاول يمكن بس ياسين شكله كده سبقني او ناوي يسبقني قولت اخدها من قاصرها وابعد
منذر....أحسن بردوا
زيد....أصلها كده او كده مكانتش هتظبط مستحيل كانت هتظبط يامنذر و شاور على قلبه بوج ع

أصل ده كتب عليه الشقى ومستحيل اقدر اقنعه بسهوله
منذر....واضح كده يا صاحبي ان الشقى اتكتب علينا احنا الأتنين زي ما طول عمرك بتقول احنا شبه بعض في كل حاجه حتى يوم ما قررنا نهرب من الواقع هربنا مع بعض وادينا اهو مع بعض الوقت
بصله زيد بوج ع أشرب قهوتك قبل ما تبرد
هز منذر راسه من غير كلام ومسك في ايده الفنجان وخانته دمعه وهو بيشرب مسحها بسرعه
...............
وللحديث بقيه....