مملكة الطوبجي من الأول لسادس عشر لأميرة اسامة

مش خطېر بس أكيد هياخد وقت خصوصا ان المكان ده مينفعش يتجبس.
مراد...مفهوم طبعا طيب هي هتفوق امته
مجدي....مش قبل الصبح فا زيارتكم ليها مش مهمه الوقت هي اصلا مش حاسه بحاجه.
مراد...والله يا دكتور هو اصلا مش هينفع الوقت خالص نادر ابن اخويا مسافر تركيا وحصل زلزال د مر الدنيا هناك مش عارف انت معاك خبر ولا لا.
مجدي....ياستر لا انا معرفش حاجه طيب طمني هو كويس
مراد.....منعرفش عنه حاجه لحد الوقت عشان كده مش هنقدر نيجي خالص خلي بس انت عينك عليها وزي ما قولتلك مش هنعمل اي حاجه غير لما هي تفوق وتكرر
مجدي...مفهوم يا مراد اطمن انت ومتشلش هم بس وابقى طمني بس
مراد...حاضر وبجد شكرا يا دكتور تعبناك معانا
مجدي....متقولش كده ده شغلي يلا هسيبك بقى الوقت
مراد....سلام يا دكتور
مجدي....مع الف سلامه.
مشي مراد ناحيه يوسف قعد جمبه بهدوء وبصوت واطي
مراد....ده دكتور مجدي بيطمني ان البنت خرجت من العمليه و كويسه الحمد لله.
يوسف....مراد انا مش هقدر اروح الوقت في اي مكان بلغه يهتم هو بالموضوع بنفسه.
مراد...قولتله كده و فهمته وهو تفهم الموضوع متقلقش انت
يوسف....تمام.
وفجأه قامت فيروز تجري على أقرب حمام.
روح....فيروز مالك
زهره...اي ده في ايه فيروز
راحت روح والبنات كلهم وراها بسرعه.
راجح....في ايه فيروز مالها
زيد....لحظه انا هشوفها.
فضلت فيروز ترجع كل اللي في معدتها وبعد ما خلصت سندت بتعب على الحيطه
فيروز....ااااه ااااه.
روح...مالك يا قلب مامي فيكي ايه
زهره....انتي واخده برد شكلك
فيروز....معرفش مره واحده حسيت اني مش طايقه معدتي
صبا....اكيد اللي حصل خلى القولون بتاعك يتعب
دخل زيد عليهم ووقف جمب صبا
زيد...بقلق مالك يا فيروز مالها ياروح
بعدت صبا عنه بمجرد ما كتفه لمس كتفها وبصتله پغضب 
بصلها زيد بحزن ورجع بص لروح بسرعه
روح....يظهر خدت برد او من كتر العياط هي قولونها عصبي اصلا
زيد....اتصل بالدكتور يا فيروز طيب
فيروز...لا لا مش مستاهله يا حبيبي انا الوقت حاسه اني بقيت
أحسن.
زيد....طيب اطلعي ارتاحي شويه في اوضتك
فيروز....لا خليني معاكم مش هقدر اطلع غير لما نطمن على نادر
زهره...طيب تعالي وانا هخلي حد يعملك حاجه دافيه تريح معدتك
خرجوا مع بعض فيروز كانت سانده على روح وزهره
بمجرد ما
شافها منذر ڠصب عنه اتكلم بلهفه
منذر....مالك يا فيروز انتي كويسه
فيروز.....الحمد لله بخير
راجح....مالك يا حبيبتي
تعالي ارتاحي
زهره...هتبقى زي الفل هروح اجيبلها حاجه دافيه تشربها بس.
فضل منذر عينه عليها لحد ما قعدت وقبل ما يقعد هو كمان جات عينه في عين زيد اللي كان ساند على عمود رخامي و باصصله بتركيز.
بعد منذر عينه بسرعه عن زيد وقعد وكأن بينهم لغه عيون هما بس اللي بيفهموها.
بصت روح على الساعه ورجعت بصت لفوق وهي بتاخد نفس طويل ياااارب.
طبطب راجح على راسها بحنان
بصتله روح بدموع هيبقى كويس يا راجح مش كده.
هز راجح راسه بأبتسامه حزن وباس كف ايدها 
راجح....ربنا مش هيوج عنا في ولادنا ياروح.
روح...يارب سكتت شويه والكل ساكت مفيش كلام في الموقف ده وكأنهم محتاجين اللي يطمنهم
رفعت روح راسها وهي بتبتسم ودموعها نازله.
روح....نادر ده أول ما عيني شافته 
لما قاسم وسالم وزيد أتولدوا مخدونيش معاهم المستشفى.
الوحيد اللي شوفته وهو بيتولد نادر حياه كانت تعبانه فيه اوي و الفتره دي مكنتش بسيبها ولما جالها الطلق كنت معاها وقتها ماما و راجح مكانوش عايزين ياخدوني وطلبوا مني افضل مع قاسم وزيد وسالم بس انا صممت وقولت اني هروح مع اختي مقدروش يعترضوا بس اتفاجئت بزيد جالي ومسك ايدي و كان شبطان فيا عشان اخده معايا
أبتسم زيد بحزن لروح
قولت لراجح اني هاخدهم مكانش راضي في الاول بس اقنعته اني هاخد بالي منهم وكده هنبقى مطمنين عليهم اكتر وفعلا خدتهم
فضلت معاهم طول الوقت 
ودخلت حياه تولد كانوا هما تعبوا ونيمتهم جريت على باب اوضه العمليات فضلت واقفه لحد ما سمعت صوته بيعيط
وم اتت حياه في العمليه وكأن قربي من الولاد بالشكل ده كان مقصود كأن ولاده نادر اللي على ايدي دي كانت سبب اني اتجوز راجح مكنتش قادره اسيبه ولا ابعد عنه اوقات كتير كنت بقول لنفسي اني فرحانه اوي كده عشان اول حد اشوفه بيتولد و لأني بحب الأطفال جدا ده سبب
لكن مع الوقت أكتشفت ان اللي جوايا اكبر من كده بكتير انا أمه فعلا نادر أول فرحتي 
لو جراله حاجه انا هم وت
راجح...بحزن وحدي الله يا روح بعد الش ر عليكي وعليه قرب منها سالم باس راسها بوج ع هيرجع ياروح والله هيرجع
............
في تركيا تحديدا في نفس التوقيت اللي كان بيتكلم نادر فيه مع يوسف.
نادر....ايوه بس فاصل والله من الصبح وانا في الشركه و حاسس اني مصدع.
يوسف...خلاص يلا هبقى رحيم بيك وهسيبك تنام عشان بس تعرف اني قلبي طيب.
حس نادر بحاجه غريبه بتحصل في هزه هو متأكد انه مش دايخ
بص على السقف شاف النجفه المتعلقه بتتهز ورجعت تاني حصلت هزه اقوي شويه
نادر....لا اله الا الله
الله اكبر الله اكبر
وفجأه الاتصال اتق طع يووووسف والهزه بدأت تزيد وصوت ص ريخ بقى في كل مكان حط موبايله في