مملكة الطوبجي من الأول لسادس عشر لأميرة اسامة

كأنه محصلش وتبدأوا من جديد ولازم تعرفي ان اللي حصل ده مش وحش بالعكس ده هيفيد ميار في حياتها جدا التجربه دي هتعلمها حجات كتير اوي.
ملك...يارب أتمنى
ياسين...ان شاء الله خير
ملك...بإبتسامه شكرا
ياسين....على ايه بس
ملك...على كل حاجه على وقفتك معايا انا واختي على كلامك مع اني يعني ....
ياسين...بضحك مكنتيش طيقاني صح
ملك...مش للدرجادي يعني بس بجد متخيلتش انك تقف معايا كده.
ياسين....انا معملتش اي حاجه واكيد هتلاقيني ديما موجود كفايه يعني انك جايه بتوصيه من روح
ملك...بإبتسامه أيوه طبعا
ياسين....طيب يا ستي خلينا بقى في المهم قولتيلي انك عيزاني في حاجه مهمه بخصوص الشغل.
ملك...ده حقيقي والحقيقه هما حاجتين مش حاجه واحده
ياسين....طيب تمام كلي آذان صاغيه في ايه.
ملك....اول حاجه كنت عايزه افرحك وأقولك ان التطبيق جاهز
ياسين....خلصتيه
ملك...ايوه بس المفروض اننا نجربه و نشوفه مع بعض كلنا قبل ما نبدأ نعتمده في الشغل .
ياسين....خلاص نعمل بكره الصبح اول ما نيجي اجتماع ونشوف التطبيق مع بعض انتي عارفه ان اغلبنا انهارده جه بعد الضهر مفيش وقت.
ملك....طيب تمام يبقى بكره واكون انا اتأكدت تاني ان كل حاجه تمام.
ياسين...تمام اتفقنا طيب ثانيا
ملك بصتله بترقب بص هو مش حاجه حلوه ومش عارفه انا غلطانه ولا لأ هو مجرد شك
ياسين....خير يا ملك في ايه.
ملك....مصنع السيراميك
ياسين...ماله
ملك....المفروض ان التطبيق اللي انا شغاله عليه فكرته أصلا انه يجمع كل حاجه بتخص كل البيزنس الخاص بمجموعه الطوبجي سواء الاجهزه الكهربائيه او العقارات او مصانع السيراميك والمفروض ان التطبيق ده بيتسجل عليه كل ورقه خرجت او دخلت المجموعه.
ياسين...جميل فين المش كله
ملك...المش كله اني لما جيت ادخل الداتا الخاصه بمصانع السيراميك المفروض انك بتدخل عليه اللي اتباع والمطلوب واللي لسه موجود و بيتسجل عليه الفرز الاول والتاني و التالت و التوالف وطبعا كل ده بالارقام في الحقيقه انا خدت وقت طويل كل مره بوصل للنهايه بلاقي حاجه غلط في الارقام اللي المفروض في الاخر توصلني لرقم معين من جمله المبيعات والرقم ده ناقص عشرين مليون جنيه.
ياسين...نعمممم لا طبعا مستحيل في حاجه غلط.
ملك...صدقني انا جربت كتير بقالي يومين بحاول بتطلعلي نفس الارقام بص هو في حاجه من اتنين يا اما الورق اللي معايا ناقص وفي ورق مش معايا يا اما.....
ياسين....بشرود يا اما في حد بيستغفلنا وبيسرقنا
ملك....المش كله مش في كده بس المش كله ان المفروض

انتوا بتراجعوا كل حاجه وبتمضوا عليها ازاي محدش خد باله من النقص الكبير ده.
ياسين.... في حاجه انتي مش واخده بالك منها
ملك...ايه هي
ياسين....هو اه كل بيزنس هنا خاص بنفسه بس كمان في النهايه كله بيروح لرصيد المجموعه يعني مش معروف الربح اللي وصل كان من انهي بيزنس فيهم.
ملك...وده أكبر غلط اسفه يعني اني اقول كده بس دي غلطه كبيره متنفعش ابدا حتى لو كله هيروح لرصيد المجموعه المفروض تبقوا عارفين كل بيزنس لوحده بيدخل ايه و بيخرج ايه بيكسب ايه و بيخسر ايه.
ياسين....في ورق لكل حاجه يا ملك اكيد طبعا كل حاجه ليها مستند خاص بيها في الأرشيف تحت.
ملك....طيب كويس جدا يبقى زي ما قولت يا اما الورق اللي وصلي ناقص يا اما في حد للأسف بيسرق وطبعا الورق اللي كان معايا وبدخل الداتا بتاعته في التطبيق من سنه بس! يعني لو في سرقه فعلا اكيد مش من سنه بس ولو أكتشفنا انها سرقه فعلا يبقى السرقه دي موجوده من زمان ولو راجعنا ورق السنين اللي فاتت اكيد هنكتشف بلاوي.
ياسين...بتفكير يبقى كده لازم نتأكد الاول من الورق اللي معاكي قبل ما نظ لم اي حد واتمنى يكون الورق اللي معاكي ناقص
ملك....خلاص انا هتأكد تاني من الشهور اللي معايا كل حاجه مكتوب عليها تاريخ والتواريخ هتسهل علينا نعرف ايه الورق الناقص
ياسين...براڤو عليكي يا ملك طيب تقدري تروحي تجيبي كل الورق اللي معاكي وخلي جلال يجي و هنراجع مع بعض احنا التلاته والاهم مش عايز اي حد يعرف حاجه الوقت مش ناقصين توتر ولا عايزين الدنيا تقوم خصوصا زيد لو عرف الوقت هيبوظ الدنيا انا عارفه.
ملك...اطمن محدش هيعرف حاجه يلا هقوم اجيب الورق وهنادي جلال وهرجع بسرعه.
ياسين....تمام مستنيكم.
عدى وقت بسيط ودخلت ملك وجلال وبدأوا يجيبوا في مستندات كتير في مكتب ياسين عشان يبدأوا يراجعوا مع بعض
عدى وقت طويل حوالي ساعتين
بص ياسين ليهم وملامحه كلها ڠضب
ملك....اتأكدت من كلامي
جلال...دي مصېبه مين اللي عمل كده و هيحصل ايه
ياسين....كل اللي انا واثق منه ان الدنيا هتول ع
ملك...طيب مفيش حاجه نعملها احنا من غير ما نكبر الموضوع
ياسين....مينفعش لازم الكل يعرف عشرين مليون مسروقين في سنه ومحدش حس بيهم امال لو راجعنا باقي السنين هنكتشف ايه
جلال...مش فاهم يعني دي غلطه مين المفروض سالم و زيد وداوود اللي بترجعلهم اي مراجعه ماليه ازاي ده حصل
ياسين...الورق يبان يا جلال انه مفيهوش غلطه الارقام ملعوب فيها بحرفنه مستحيل حد يكتشفه وعشان المشاريع دي والمبيعات كانت بتحصل طول السنه