مملكة الطوبجي من الأول لسادس عشر لأميرة اسامة

يطمن قلبي عليكم ارجعلي انت كمان عشان خاطري ارجع انت وايمن لو بتحبني يا قاسم
قاسم....روح يا حبيبتي الدنيا هنا تمام مفيش حاجه وعند ايمن بردوا كله تمام متخليش خ وفك يسيطر عليكي
روح....مكانش لازم اسيبكم تبعدوا عني
قاسم....يعني هي دي اول مره يا روح بالله عليكي اهدي عشان متتعبيش وبعدين بابا اكيد هيتجنن خصوصا وهو شايفك كده.
روح....حاضر يا حبيبي حاضر عشان خاطري خلي بالك من نفسك
قاسم...حاضر يا حبيبتي اطمني انا زي الفل مش ناقصني غير اطمن على نادر وبس اديني بابا اكلمه.
مدت روح ايدها لراجح
راجح....ايوه يا قاسم
قاسم...ايوه يا حبيبي هنوصله وهنطمن عليه متقلقش
راجح...بتنهيده نادر كويس قلبي بيقولي انه بخير
قاسم....إن شاء الله بخير يا حبيبي المهم خلي بالك من نفسك وبلاش توتر عشان متتعبش
راجح....حاضر يا قاسم خد بالك من نفسك
قاسم....حاضر هكلمكم تاني ولو اتصل بلغوني .
راجح...حاضر في حفظ الله
قفل راجح مع قاسم وخد زيد موبايله وراح قعد مكانه.
................
في بيت اهل خلود
رغم الوقت المتأخر إلا ان الشارع كان مقلوب عربيات شرطه وتجمع الناس بكاء والده تسنيم وجدتها
وتمثيل من الكل انهم أتفاجئوا باللي حصل
تصوير چثه تسنيم ومحاوله رفع البصمات في شقه سميره وشقه صباح. واتهام واضح من الكل ان اللي عملت كده في تسنيم هي خلود.
وجه الظابط سؤاله لأهل تسنيم
الظابط...ايه اللي يخلي خلود تعمل كده في تسنيم 
سميره...بدموع عشان واطيه مدنلها أيدينا و كانت اول ايد تعضها ايدنا بنتي كانت على نيتها وبتحبها وبتعتبرها اختها
صباح...البت دي طول عمرها بتكرهنا كلنا حتى پتكره نفسها طول عمرها غلاويه وكل ده بسبب انها كانت بتحب حسين ابن بنتي وهو حب اختها و اتجوزها من وقتها وهي متغيره و بتحقد على الكل.
حسين...ايوه ايوه ياباشا و كتير كانت بتحاول تعمل بينا مش اكل وتشككني في اختها عشان اطلقها واتجوزها هي
الظابط....امممم حلو طيب قولولي بقى انتوا قولتوا ان تسنيم كانت معاكم في الفرح تحت صح
حسين...صح يا باشا
الظابط....وخلود مكانتش معاكم
حسين...لا ياباشا مرضيتش تنزل
الظابط...ايه السبب
حسين....زي ما ستي قالت لسعادتك ياباشا هي من اما اتغيرت وبقت تكره الكل ومن بعد ما انا اتجوزت اختها مبقتش تحب تشوف لا فرح ولا اي اتنين بيتجوزوا و بيحبوا بعض بتحقد على كل الناس دي حتى كمان مكانتش بتحب تروح في اي مكان حتى الجيران مكانتش بتكلمهم
الظابط...بس مش غريبه يعني انها تبقى عايشه معاكم العمر ده كله و تفكر تسرقكم في الوقت ده بالذات
حسين....غريبه طبعا يا باشا ومعرفش اصلا عملت كده ليه ده احنا مش حارمنها من اي حاجه.
الظابط....طيب و تفتكر عملت كده في تسنيم ليه وايه اصلا اللي طلع تسنيم.
سميره...تسنيم يا باشا طلعت قبلنا بشويه قالت انها صدعت ومش قادره تكمل الفرح وقالتلي هتطلع تطمن على خلود وتقعد معاها شويه قبل ما تنام يا حبيبتي يا بنتي مكنتيش
عارفه انها هتغدر بيكي
حماده....هي واضح يا باشا ان تسنيم لما طلعت وشافتها
بتسرق دولاب امي حصل بينهم كلام خلاها تعمل اللي عملته ده و قت لتها وجريت
الظابط....امممم هنشوف عموما البصمات هتترفع و هنبدأ تحقيق
و هنبلغ كمان على المسروقات بعد ما تدونى أوصافها وهنستنى نتيجه التشريح.
بصوا كلهم لبعض بقلق
حسين...تمام يا باشا وانا عارف ان الحكومه هتجيب حق اختي الغلبانه.
بصله الظابط ببرود...اكيد القانون هيرجعلها حقها.
....................
في قصر الطوبجي
الوقت بيعدي والنهار بيطلع ولسه مفيش أي جديد الكل مستني حاجه تطمنه كل واحد قاعد في مكان القلق والخ وف بينهش فيهم
اتصل أيمن واطمن وهو هيتجنن وحاله من حالهم وفضل هو وقاسم على اتصال معاهم كل شويه.
فرح كانت قاعده على السلم دموعها نازله و وشها بقى احمر من شدة البكاء.
قام أمير بهدوء راح قعد جمبهم على السلم.
حط ايده على كتف جلال
بصله جلال بحزن
أمير....هيبقى كويس و هيرجعلنا من تاني
جلال...بتنهيده وج ع يارب
بص أمير على فرح بهدوء
أمير....كفايه عياط يا فرح
بصتله فرح بوج ع مش قادره تتكلم معاه ولا قادره تحكيله على كم الوج ع اللي جواها واللي جه كمله خبر الزلزال اللي مه دد حياه نادر.
أمير....أدعيله يبقى بخير ويتصل يطمنا وبعدين روح طول ماهي شيفاكم كده هتتعب اكتر.
بصت فرح ناحيه زيد و أتصدمت اول ما شافته مركز معاها و وشه ميبشرش بخير.
فرح...احممم ان شاء الله يا امير قامت وقفت وراحت قعدت جمب روح ورجعت بصت لزيد خ وفها راح شويه لما حست ان الڠضب اللي كان مرسوم على ملامحه أختفى شويه.
رن موبايل مراد كان دكتور مجدي
روح....مين يا مراد
مراد....لا ده تليفون شغل عادي
بعد شويه ورد على الموبايل
مراد...الوووو ايوه يا دكتور مجدي طمني البنت بخير
مجدي....اطمن يا مراد خرجت من العمليات من شويه صغيره استنيت بس تتنقل على غرفه العنايه واطمن ان حالتها مستقره عشان اكلمك.
مراد....طيب الحمد لله المهم هي بخير يعني
مجدي....الحمد لله احسن هي طبعا لسه تحت تأثير المخدر وطبعا زي ما توقعت اتعرضت لكدمه جامده جدا هي اللي أتسببت في الڼزيف الداخلي ده وفي شرخ في ضلع من القفص الصدري هو