مملكة الطوبجي من الأول لسادس عشر لأميرة اسامة

إبتسامه الحمد لله لسه فاكره أطمن.
أمير...اما نشوف والمره الجايه قبل ما اقولك على كام ملحوظه كده لازم أختبرك واشوفك فاكره النظري ولا لأ
بصتله فرح...لأ ماهو لا في مره تانيه ولا تالته
أمير...بضحك أكيد طبعا قوليها في وشي متتكسفيش محتاجه يجي عشرين خمسين مره كده صح
فرح...لأ يا سيدي انا صرفت نظر خالص
أمير....أه يبقى اكيد نسيتي اللي علمتهولك وخ ايفه تقولي وقولتي أخدها من قصيرها بدل ما أمير يطبق في زماره رقبتي صح
عموما متقلقيش يا ستي حتى لو نسيتي هعلمك تاني أختي الصغيره بقى و مضطر أتحملها
بصتله فرح بوج ع
وحست ان في غصه في حلقها وحاولت تخفي الدموع اللي لمعت في عينها فجأه.
فرح...لأ انا فعلا مش عيزاك تعلمني تاني ومش عيزاك

تشيل همي كمان انا أقدر أتصرف لوحدي انا خلاص مبقتش صغيره وانت مش مضطر تعمل أي حاجه يا أمير بعد أذنك
مسكها أمير من أيدها وقفها
أمير...استني هنا أنتي بتتكلمي جد بقى مالك يافرح في ايه شكلك مش طبيعي في حد زعلك
فرح...لأ خالص وبعدين انا مالي يعني انا كويسه جدا
أمير...لأ طبعا انتي مش كويسه هو انا هتوه عنك ولا ايه لا ده صوتك ولا ده شكلك ولا حتى طريقه كلامك وبعدين احنا متربين مع بعض في بيت واحد وأكيد مش هتوه عن اختي
فرح....بعصبيه بسيطه قولتلك مفيش حاجه يا أمير
أمير....هو انتي زعلانه مني في حاجه وبعدين ياستي لو كلمه مضطر دي زعلتك فا انا اكيد مقصدش انا اصلا بضحك معاكي
انتي عرفاني عمري ما هعمل حاجه ڠصب عني انا بعمل كده وانا مبسوط على فكره وبعدين انا لو معملتش كده معاكي انتي يا فرح هعمله مع مين
فرح....انت لا مضطر تعمله معايا ولا مع غيري و زي ما قولتلك انا مش عايزه عادي يعني مكبر الموضوع ليه.
أمير....لأ هو الموضوع شكله كبير فعلا
فرح....لا كبير ولا حاجه اطمن وأنا تمام متقلقش يلا انا هطلع اوضتي بعد أذنك.
مشيت فرح و سابته واقف لوحده مستغرب كلامها وطريقتها
أمير....هي البت دي مالها
............
خرجوا الشباب راحوا على مكانهم الخاص عشان يبدأوا سهرتهم .
اما في منزل الباشا رجع حسام
و طلع على أوضته ياخد حمام وينزلوا عشان يتعشوا مع بعض.
دخل حسام لقى فيروز قاعده على كرسي بتقرأ روايه.
قرب منها باسها من راسها
حسام....مساء النور على حبيبي عامله ايه.
فيروز....الحمد لله حمدالله على السلامه.
حسام...الله يسلمك يا حبيبتي انا هدخل اخد شاور عشان مش قادر
هزت فيروز راسها ودخل حسام غاب شويه وبعدين خرج ووقف يتسرح قدام المرايه.
فضلت فيروز في مكانها فاتحه الروايه لكن مش باصه عليها شارده في عالمها اللي بقي حزين
حسام...يلا يا حبيبي
فيروز....يلا ايه
حسام...ننزل عشان نتعشى سوا
فيروز....اااه لا معلش يا حبيبي انزل انت مليش نفس
حسام....ليه بقى هو انتي أتعشيتي
فيروز....لأ بس مش جعانه صدقني
حسام....لا يلا عشان خاطري ماما مستنيانا هي وكاميليا وسما.
فيروز....قولتلك مش عايزه ياحسام
حسام...في ايه يافيروز مالك وبعدين مټعصبه ليه انا سايبك الصبح كويسه
فيروز...بتنهيده يا حبيبي مفيش حاجه كل الحكايه اني مش جعانه
حسام...كلي حاجه بسيطه يعني ينفع نسيب كاميليا وسما لوحدهم مش حلوه يعني
فيروز....يعني هو انا لو منزلتش مش هياكلوا
حسام...لا مش كده بس انتي اكيد عرفتي انهم هيقعدوا معانا كام يوم فا مش حلوه متبقيش موجوده معاهم على العشاء يلا بقى عشان خاطري.
نزلت معاه فيروز بقله حيله
اتجمعوا كلهم على السفره
كانت فيروز قاعده ڠصب عنها حاسه بغربه فظيعه حتى وهو حسام جمبها كأنها قاعده مع ناس أغراب عنها هو مندمج وبيضحك معاهم وصوتهم جايب اخر الدنيا
ومش حاسس انها مش معاهم ولا حتى بتاكل كانت حاسه پخنقه حتى صوت ضحكهم كان مضايقها
خلصوا أكل وقعدوا مع بعض
فضلت سما تفكر حسام بذكريات الطفوله واللي كانوا بيعملوه وهو يضحك من قلبه
وقفت فيروز مره واحده وأبتسمت لحسام حبيبي انا هطلع انام مش هتيجي
حسام....اه طبعا يلا يا حبيبتي
مسكت سما في ايده بجرأه ومنعته من الوقوف
سما....اخس عليك يا حسام خليك شويه دي السهره لسه في أولها وبعدين معقول اول يوم لينا معاكم هنا تسيبني وتطلع ده احنا حتى بقالنا كتير اوي منمناش مع بعض أقصد يعني في نفس المكان
كاريمان....خليك يا حبيبي مع خالتك وبنت خالتك مش كفايه منذر خرج بصت لفيروز بإبتسامه تحدي وبعدين هي عايزه تنام تطلع هي مع انها يعني صاحيه على المغرب يظهر

ان فيروز مبقتش تفكر غير في النوم.
كاميليا....يمكن تكون حامل
كاريمان....بضحكه سخريه مين دي فيروز لأ من الناحيه دي مظنش
بص حسام لفيروز بترقب وعينه رايحه جايه بينها هي وامه.
كاريمان...بقولك يا حسام كان في فيلم حلو اوي انت شغلته من كام يوم ما تشغله نتفرج عليه مع بعض
حسام...اللي نمتي في نصه ده
كاريمان....بضحك لا شغله والمرادي مش هنام هنسهر سوا
كانت واقفه فيروز تتفرج عليهم وخاصتا على حسام اللي أكتفى بنظره سريعه ليها وعدى الكلام كأن مفيش حاجه أتقالت بصالهم بذهول مش قادره تصدق ان في ناس بالشكل ده كانت حاسه انها بتحلم و هيجرالها حاجه من