مملكة الطوبجي من الأول لسادس عشر لأميرة اسامة

حطت بسرعه ايدها على خده لقيته مولع بمعني الكلمه وغالبا حرارته عدت ال
مريم...يانهاااار اسود نادر نادر قوم والنبي أعمل ايه أعمل ايه يارب ناااادر قوم والنبي
جريت على شنطته تحاول تشوف فيها اي علاج متوتره ومش عارفه أصلا هي بتدور على ايه ولا عارفه هي هتلاقي دواء للسخونيه ولا لا سابت الشنطه ورجعت بسرعه تاني عليه
مريم....بدموع نادر والنبي قوم ياااا نادر قوم بقى والنبي انا مش بعرف اتصرف قوم نروح المستشفى بسرعه
فضلت تلف حوالين نفسها هي في العاده بتتلخم ومش بتعرف تتصرف خصوصا في المواقف اللي زي دي أول حاجه عملتها جريت بسرعه تطفي الدفايه
راحت جابت مايه وفضلت ترش على الڼار لحد ما الڼار طلعت دخان جامد و خمدت تماما
رجعتله تاني وقفت قدامه حطت أيدها في وسطها و الايد التانيه في بوئها
في اللحظه دي رن موبايل نادر كانت روح بتكلمه
جريت بسرعه على الموبايل ومن غير تفكير ردت
روح....الووو ايوه يا حبيبي أخيرا الشبكه لقطت
مريم...بارتباك ألووو
روح...بأستغراب ايوه مين معايا مش ده موبايل نادر
مريم....ايوه ايوه هو مين حضرتك
روح....انتي اللي مين انا امه!!
مريم....انا انا ...
روح...انتي مين و أبني فين
روح كانت قاعده في الوقت ده مع زهره وصبا وفرح وجنه بصولها كلهم بقلق
زهره...في ايه ياروح.
روح....الوووو انتي معايا أرجوكي طمنيني أبني كويس
مريم....اه والله كويس متقلقيش
روح...طيب هو فين وانتي ليه بتردي على موبايله انتي مين اصلا
مريم....انا اسمي مريم وكنت معاه في نفس الفندق وهو أنقذني بس....
روح...بس ايه أرجوكي أتكلمي انا اعصابي مش مستحمله ابني ماله
مريم...والله يا طنط هو كويس بس...
روح....الله يخربيت بس ما تنطقي يابنتييييي
مريم ...بدموع والتبي ما توترييييني انا متوتره خلقه
روح....طيب طيب انا اهو هاديه أهدي يا حبيبتي متتوتريش بس قوليلي في ايه
مريم....بصي هو أبن حضرتك كان كويس والله بسس
روح...يابت انطقيييي
مريم....طيب هقول هقول والله خلاص بصي هو خرج من كام ساعه كده عشان يجيب اكل وفضل يساعد واحد كان محتاجه مساعده
زهره...في ايه ياروح.
روح...معرفش معرفش باينها مجنونه 
مريم....والله انا مش مجنونه بس حضرتك موتراني يعني حضرتك مامته واكيد خاي فه عليه واكيد مش حابه اقلقك عليه دي كل الحكايه
روح...بهدوء اعصاب غير طبيعي لا يا حبيبتي انا معاكي اهو انتي بس طمنيني براحه وبعدين هو انتي مصريه 
مريم...ايوه مصريه.
روح...طيب قوليلي ابني ماله يابنتي قلبي هيقف حرام عليكي
صبا....هاتي ياروح انا اكلمها
روح...لا انا عايزه اطمن على ابني بنفسي
مريم....بصي حضرتك هو فضل يحفر مع الولد ده عشان يطلع مراته وولاده
روح...يحفر ايه ويطلع ايه انا مش فاهمه حاجه
خدت مريم نفس طويل بصي ياطنط الوضع هنا صعب جدا وفرق الانقاذ مش قادره تساعد كل الناس ونادر ابن حضرتك صعب عليه شاب وساعده وهو للاسف كان تعبان وفي چروح مخيطها بس لما عمل مجهود الخياطه فكت وهو لما رجع قولتله نروح تاني المستشفى بس هو مرضيش ونام والوقت جيت أصحيه لقيته سخن وبيقول كلام غريب ومش راضي يصحى وأنا متوتره وحضرتك وترتيني اكتر ومش عارفه اعمل ايه
روح....أبني سخن و بيخرف يانهار اسود طيب انتي سيباه كده أزاي
مريم....طيب قوليلي أعمل ايه
روح بتوتر فضلت راحه جايه وهي فاتحه الاسبيكر كل ده
مريم....اعمل ايه يا طنط هااا انتي معايا
روح...يابنتي أسكتيييي وترتيني
زهره...الووو مريم مريم يا حبيبتي
مريم...ايوه
زهره...بصي بسرعه أعمليله كمادات عشان حرارته تنزل شويه
مريم...ايوه ايوه صح كمادات سابت مريم الموبايل على التربيزه مفتوح وجريت.
روح....هاتيله كمان اي علاج ينزل الحراره
زهره...هي مبتردش ليه
روح....انا عارفه دي باين عليها مجنونه 
صبا....اهدي يا روح

الحمد لله انها سخونيه مش حاجه وحشه
روح...وهي السخونيه دي مش حاجه وحشه انتي كمان
صبا....مش قصدي يا حبيبتي بس براحه على البنت حرام شكلها لخمه و متوتره
فرح....طيب هي فين وايه الخبط ده
روح...انتي يابنتي الوووو ده ايه المصېبه دي ياربي
مريم....ايوه ايوه انا جيت اهو كنت بجيب مايه عشان الكمادات
روح...طيب يلا بسرعه اعمليله
مريم....طيب خليكوا معايا والنبي انا خاي فه اوي انا لوحدي والمكان هنا مرع ب
روح...مكان ايه اللي مرع ب يا بنتي انتي حد مسلطك عليا ترع بيني اكتر
مريم...لا هو احنا في بيوت صغيره كده وسط الغابه
روح...غابه نهااار اسود
زهره...ضحكت ڠصب عنها ياروح ابوس ايدك استني بس
روح...استن ايه البت هتنقطني وانا هم وت على ابني
مريم....يانادر اصحى والنبي بقى
روح....مريم يا حبيبتى طمنيني معلش عملتيله الكمادات
مريم....لأ انا بكلمكم
روح....يا دي النيله عليا وعلى سنيني يابت انتي مين حدفك عليا مستنيه ايه يلا اعمليله
مريم.....ياطنط والنبي انتي موتراني والله
صبا...بضحك هاتي ياروح هاتي الموبايل بس ايوه يا مريم حاولي تهدي شويه من فضلك ويلا حطيله الفوطه و غيريها كل دقيقه بالظبط ماشي.
مريم...حاضر حاضر خليكي معايا
بدأت مريم تعمله كمادات و تمسح وشه من الد م وهما معاها عالموبايل روح مي ته في جلدها من الخ وف بس بتحاول تهدأ عشان متوترهاش
روح...ها يا مريم طمنيني هو احسن
مريم....هو مبقاش يتكلم
روح....اييييييه
مريم...لا اقصد انه كان بيخرف الوقت سكت.
روح بصت لزهره وصبا هتم وتني والله اللي يحكمني عليها
زهره... طيب غيريها كذا مره يا مريم هو كده الحمد لله حرارته هتنزل
فرح...خليها تجيب