مملكة الطوبجي من الأول لسادس عشر لأميرة اسامة

انت وهي قريب أطمن يا داوود.
بصله داوود وسكت لكن القلق والتوتر كان مصاحب ملامحه.
............
عند حسام و سما في العربيه
حسام....ها يا سما بقالنا ساعتين بنلف بالعربيه ومقولتيش هتروحي تجيبي ايه.
سما...انا اااا رن موبايل حسام في الوقت ده
حسام...لحظه ده منذر
سما...اوك
حسام...ايوه يا منذر
منذر...ايه الأخبار
حسام...تمام الحمد لله في حاجه ولا ايه.
منذر...اه كنت هطلب منك تجبلي بكره وانت جاي ورق مهم هتلاقي في فايل لونه ازرق في المكتب
حسام....مش فاهم يعني ايه الصبح انت مش راجع
منذر....لا مش هينفع في شغل كتير متأجل هسهر مع العمال انهارده عشان اتابع بنفسي لازم الشغل ده يخلص على الصبح عشان نلحق نسلمه وأنت عارف لو مشيت الشغل ده مش هيخلص
حسام....طيب تمام يا منذر متشلش هم اي حاجه.
منذر...ماشي يا حبيبي يلا سلام انت الوقت
حسام....سلام.
سما...في حاجه يا حسام
حسام...ابدا منذر بيقول انه سهران في الشغل انهارده.
سما.....تمام صحيح انت هتروح تجيب فيروز ولا هترجع لوحدها
حسام...ولا ده ولا ده فيروز هتفضل عند مامتها انهارده
ابتسمت سما بخبث وبدأ تفكيرها الشيطاني
حسام...ها مقولتليش
سما...بتصنع الحزن بصراحه بقى انا لا عايزه اشتري حاجه ولا عندي مشوار مهم
بصلها حسام بأستفهام امال قولتيلي ليه كده
سما...بدموع تمثيل حسام انا ممكن اقولك حاجه
حسام...طبعا في ايه يا سما بټعيطي ليه
سما...انا عندي مش كله ومفيش غيرك هيحلهالي انت عارف اني مليش اخوات وانت ومنذر اخواتي بس كمان انا مليش كلام اوي مع منذر لكن انت بالنسبالي اكتر من اخ
حسام...طبعا يا سما بس قوليلي في ايه انا كده قلقت.
سما....انا في شخص في حياتي الشخص ده بحبه و بيحبني اوي وبجد هو شخص محترم لو عرفته هتتأكد بنفسك من كلامي.
حسام...طيب وفين المش كله يا سما ادام شخص محترم.
سما...المش كله ان مامي مش موافقه عليه أبدا
حسام...طيب ليه ايه السبب مش يمكن هي فعلا شايفه أنه مش مناسب.
سما...ده حقيقي بس كلمه مناسب من وجهه نظرها يعني لازم يكون شخص غني وعنده بيزنس خاص بيه هيعيشني في نفس المستوى ومش مهم الحب وأحمد معندهوش كل ده يمكن هو بيشتغل ومجتهد جدا وشاطر في شغله بس لا عنده ڤيلا ولا مبلغ كبير لسه بيبدأ حياته بمعنى اصح
حسام...طيب ده مش عيب المهم انه شخص محترم وجد وهيحافظ عليكي
سما...هو كل ده يا حسام بس هي مش مقتنعه عشان كده عيزاك انت تقنعها
حسام....بإبتسامه بس كده ليكي عليا يا ستي بكره أتكلم معاها وهقنعها كمان.
سما...بجد والنبي يا حسام
حسام...بجد يا سما سيبيها عليا
سما...ربنا ما يحرمني منك كنت متأكده أنك هتقف معايا
حسام...انتي اختي يا سما ومتقلقيش مش هسيب اختي زعلانه ابدا
سما...شكرا يا حسام
حسام...نروح بقى
سما...يلا بينا.
اتحرك حسام بالعربيه ومسكت سما الموبايل تبعت رساله لكاميليا
سما....كاميليا هانم حضري نفسك انهارده حسام هيكون ليا واللي استنيته انا وانتي هيحصل 
أبتسمت سما بش ر وقفلت الموبايل.
............
الساعه تسعه وصل نادر ويوسف على القصر عشان يجهز نادر بسرعه وياخد شنطته ويطلع على المطار
دخل خد شاور ووقف يظبط نفسه في المرايه ويزود حاجات هيحتاجها معاه في الشنطه
يوسف...كان قاعد عالسرير معاه في الاوضه و بيتأكد ان نادر مش ناسي حاجه وفجأه ايه ده يانهار اسود
نادر...في ايه يالا مسود اليوم ليه.
يوسف...الساعه عشره إلا ربع وطيارتك الساعه 11
نادر...طياره ايه دي يا أهب ل اللي 11 انا طيارتي الساعه واحده
يوسف...انت المفروض توصل على واحده
بصله نادر پصدمه وجري بص على المعاد في التيكت ازاي في حاجه غلط.
مسك يوسف التليفون بسرعه اتصل بزيد
زيد...ايوه يا يوسف
يوسف...زيد هي طياره نادر الساعه كام.
زيد...مش فاكر والله يا يوسف بس تقريبا البنت اللي حجزت قالت واحده
يوسف...واحده ايه بس ده يوصل واحده طيارته الساعه 11
زيد....يانهار اسود وانتوا لسه مرحتوش المطار
يوسف...اقفل اقفل يا زيد
زيد...طيب ابقى كلمني هاا
يوسف...اوك سلام.
نادر...يلا بسرعه
نزل جري هو ويوسف عرفوا روح اللي حصل سلم عليهم وجري عشان يلحق وصمم يوسف يروح معاه
بنفسه و يطمن انه لحق 
..........
في قسم الشرطه.
ياسين....متشكر اوي يا حضرت الظابط لتفهمك الموقف.
الظابط... على ايه بس ده شغلي و الحمد لله انها عدت
على خير
ياسين...طيب احنا كده نقدر نروح
الظابط...طبعا الانسه بس تمضيلي هنا وتقدر تاخدها وتمشي.
ياسين...تمام تعالي يا ميار أمضي
بصتله ميار وهي دموعها نازله وقربت من الظابط مضت على التنازل وخرجت مع ياسين
اول ما ملك لمحتها جريت عليها حضنتها وانه ارت ميار في حضنها
ياسين....ملك يلا خلينا بس نخرج من هنا
هزت ملك راسها وخرجوا كلهم من المكان.
ملك....قولي حصل ايه
ياسين...متقلقيش خير اتنازلت عن المحضر وهو كمان اتنازل قبلها
ملك...طب وليه اتنازلت ليه
ياسين...عشان كان هيبقى محضر قصاد محضر وساعتها اختك هي اللي هتضر والموضوع هيكبر انا حليت الموضوع وهو لا يمكن يتعرضلها تاني.
بصتلها ملك پغضب شايفه اللي انتي عملتيه وصلنا لايه أرتاحتي كده قولتلك كتير اني مش مرتاحه للولد ده وقولتي انه بيحبك شوفتي حبه ليكي عمل فيكي ايه
فضلت ميار ټعيط في صمت وواققه مصدومه وخاي فه.
ياسين...ملك مش وقته الكلام ده هي محتاجه ترتاح وانتي كمان
ملك...بدموع لأ وقته وهي عارفه ان ده وقته عارفه اننا مكانش ينفع نتحط في موقف زي