مملكة الطوبجي من الأول لسادس عشر لأميرة اسامة

ايه اصل مش بعاده تصحي بدري بقالك كام يوم بتصحي متأخر ولو صحيتي بدري بتفضلي في الأوضه لحد ما يجي حسام.
فيروز...بنفاذ صبر مفيش حاجه يا طنط أطمني هما بخير انا رايحه اقعد معاهم عادي ولو على اليومين اللي حضرتك بتقولي عليهم بصحى فيهم متأخر ده عشان بنام متأخر والأهم بقى من كل ده أظن يعني حتى لو صحيت بدري مش هيفرق معاكي أوي اني أفضل في الأوضه لحد ما جوزي يجي عشان بأختصار مظنش اننا متفقين اوي عشان نقعد مع بعض
كاريمان...بإبتسامه والله كويس أوي انك عارفه أنك ضيفه غير مرغوب فيها و وجودك هنا تقيل على قلبي مضطره أتحمله بس عشان أبني.
فيروز...بإبتسامه والله حضرتك لو مضطره براحتك لكن انا مش مضطره ابدا أسمع كلام يضايقني عشان كده افضل ليا اني احبس نفسي في اوضتي عن اني انزل اقعد مع حضرتك
بصتلها كاريمان پغضب
وقبل ما فيروز تمشي وقفت ثواني وهي مبتسمه اااه نسيت اقول لحضرتك طول ما أنا على ذمه حسام فا انا مش ضيفه أنا صاحبه بيت باي
بصت كاريمان لأختها ولسما وهي 
عفاريت الدنيا بتتنطت في وشها
كاريمان...استني عندك هنا
فيروز....ببرود في حاجه نسيتي تقوليها يا طنط
كاريمان.....انتي قولتي لجوزك أنك رايحه لمامتك.
فيروز...ببرود لأ
كاريمان....وازاي خارجه من غير ما تقوليله
فيروز....والله يا طنط انا شايفه
إن دي حاجه تخصني أنا و جوزي متشغليش بالك انتي بيها..
كاريمان..... فيرووووز انتي بتردي عليا وتقصدي ايه بحاجه تخصني انا وجوزي قصدك اني مليش دعوه.
فيروز...بعيدا يعني عن المعنى وصلك ازاي بس الحقيقه عمرها ما بتزعل يا طنط فعلا هي دي حاجه تخصني انا وجوزي مش من حقك ولا من حق اي حد يدخل فيها
كاريمان...انتي قليله الادب
فيروز...بإبتسامه برود ميرسي اوي يا طنط
بس ياريت تشوفي حاجه جديده اصل الكلمه سمعتها منك كتير اوي.
سما....انتي شكلك كده أتجننتي 
و
محتاجه حد يعرفك حدودك كويس
فيروز...بإبتسامه فيروز الطوبجي ملهاش حدود ااااه و بالمناسبه يا سما بلاش تدخلي حبيبتي في اللي ملكيش فيه انتي هنا ضيفه والمفروض أنك تتعلمي لما تكوني موجوده في بيت حد ضيفه تلزمي حدودك ومتدخليش نفسك في اللي ملكيش فيه
سما....انا ضيفه انتي نسيتي نفسك ولا ايه
كاريمان....ده بيت خالتها
فيروز...امممم يبقى تدخل في اللي يخص خالتها لكن لحد عندي ومسمعش صوتها لأنه بيزعجني اوي يلا باي بقى عشان وقتي ميضعش اكتر من كده.
مشيت فيروز وهي من جواها مبسوطه انها قدرت تتمالك نفسها وتكلمهم ببرود الاعصاب ده
اما كاريمان وكاميليا وسما كانوا مصډومين من ردها
كاريمان...بتتح ديني يا بنت روح 
مبقاش كاريمان الباشا ان ما ندمتك
سما...انتي هتسيبيها تتكلم بالطريقه دي معاكي يا خالتوا
كاريمان....اسيب مين يا سما وديني لا هربيها و انا بقى هشوف جوزها هيرضى باللي هي عملته فيا ده ولا لا.
كاميليا...بخبث انا رأيي يا كاريمان تسكتي البت دي مش سهله كفايه اللي عملته فيكي وبعدين ابنك بيحبها لا يمكن ينصفك عليها
كاريمان....پغضب اسكت انا هوريكي هعمل ايه واما اشوف بقى سي حسام هيتصرف ازاي.
ابتسمت كاميليا لسما وسكتت.
................
قامت سما بهدوء خرجت بره وأتصلت بحسام بكل خبث
حسام...اهلا يا سما ايه الاخبار
سما....بإبتسامه الحمد لله يا حسام كله تمام انت اخبارك ايه طمني عليك
حسام....زي الفل في حاجه ولا ايه
سما...اه كنت عايزه اشوف لو ينفع تيجي معايا محتاجه اشتري حاجه ومش هقدر اروح لوحدي فا قولت اشوفك هتخلص امته و لو كده نروح سوا لو مش هعطلك طبعا
حسام....طبعا مش هتعطليني بس تمام هتصل الاول بفيروز لو مش وراها حاجه ونروح سوا
سما...اه بس فيروز مش هتنفع تيجي معانا هي اصلا مش هنا
حسام...باستغراب امال هي فين
سما....راحت عند مامتها قالت هتقضي معاهم اليوم انت متعرفش ولا ايه
حسام....لا انا كلمتها من شويه بس مقالتش انها خارجه عموما اقفلي يا سما الوقت
سما...حسام بقولك ايه بلاش تقولها انك عرفت مني احسن تزعل انت عارف ان علاقتي انا وفيروز مش اوي يعني .
حسام...ماشي يا سما يلا سلام الوقت.
قفل حسام مع سما وبسرعه اتصل بفيروز 
............
فيروز....ايوه يا حسام
حسام....انتي فين يا فيروز
فيروز...في الطريق رايحه لمامي
حسام...طيب ومقولتيش ليه انا كلمتك من شويه ومجبتليش سيره يعني.
فيروز....يعني عادي هو المفروض استأذن عشان اروح اشوف مامي
حسام....لا يا حبيبتي مقصدش انا عمري ما قولتلك متروحيش
فيروز...طيب مش فاهمه فين المش كله
حسام...مفيش مش كله يا فيروز بس عالأقل ابقى عارف مراتي فين ولا مش من حقي
فيروز....بلاش نتكلم على الحقوق يا حسام عشان لو اتكلمنا انت اللي هتزعل
حسام...انا مش فاهم انتي فيكي ايه من امبارح وانتي غريبه مع اننا خرجنا وكل حاجه كانت تمام.
فيروز....والله دي تقدر تسأل فيها مامتك بلاش انا اتكلم لأنك مبتصدقنيش ولو صدقتني مامتك بتعرف تخليك أزاي متصدقش
حسام...تاني يا فيروز ماما عملتلك ايه بس
فيروز....المش كله مش في مامتك يا حسام المشكله الكبيره فيك أنت اللي بتسمع بودنك كلام يضايقني وعمرك ما بترد عليه زي اللي حصل أمبارح و أنا واقفه وسطكم زي الغريبه حتى انت كأني معرفكش سبتهم يتكلموا معايا بالطريقه دي وفالاخر قعدت