مملكة الطوبجي من الأول لسادس عشر لأميرة اسامة

أتجنن عليك
جلال....يابت عيب على فرق السن اللي بينا أحترميني شويه هو انا هيبتي ضايعه في البيت ده من شويه 
جنه...متعيشش الدور يا جلال مكانوش سبع سنين عمي اللي بيني وبينك 
جلال....أنتي عندك حق عارفه العيب على ابويا
بصتله جنه وهي رافعه حاجبها
جلال...اه والله اسمعي مني يعني ابنه الكبير كان شاب على وش جواز وراح لعب بديله مع روح 
و جابني 
ماهمهوش بقى انه هيجبلي انا العاړ لما أكبر وبنت أخويا تبقى قريبه من سني وبدل ما يتقالى ياعمى أتهزق
ضحكت جنه ڠصب عنها وبصتله تصدق بالله لو مروحتش تقول لزيد اللي قولتهولك الوقت يا جلال هروح أقول لجدوا إنك بتقل أدبك عليه
جلال...لا وعلى ايه نازل يا بنت اخويا
جنه...شكرا يا عمو جلال
جلال...بأبتسامه ثقه اهو كده شايفه الهيبه حلوه ازاي
نزل جلال وفضلت جنه تضحك عليه وتراقب من فوق
جنه...يارب يا جلال متبوظش الدنيا و بابي يسمعك
نزل جلال كانوا كلهم بيتكلموا مع بعض ومش مركزين معاه.
قرب جلال من زيد.
زيد....كل ده سنه
جلال...بصوت واطي بقولك ايه
زيد...ادام بتتكلم بصوت واطي تبقى عامل مصېبه.
جلال....لا وربنا ما انا دي البت جنه
بصله زيد بأستفهام جنه في ايه
جلال....قالتلي روح نادي لزيد عيزاك تطلعلها ضروي فوق قبل ما تمشي ومكانتش عيزاني اقولك قدام قاسم اسمع مني انا بقولك اهو البت دي عامله مصېبه وكمان بتقل ادبها عليا ومبتقوليش عمي
بصله زيد برفعه حاجب طب أمشي اتلهي 
جلال...تصدق بالله هطفش من البيت ده بسببكم وأجبلكم العاړ
زيد...والله ياريت عالأقل نرتاح من لسانك غور يالا
انسحب زيد بهدوء وطلع على فوق لمح جنه واقفه مستنياه وبتشاورله يطلع بسرعه.
زيد...في ايه يا جنه
جنه...مش هينفع هنا تعالى على اوضتي.
خدته جنه ودخلوا أوضتها بسرعه
بصلها زيد بقلق في ايه انتي عامله مصېبه زي ما جلال بيقول
جنه...بذمتك في حد يمشي وراء كلام جلال بردوا
زيد....أكيد لأ بس قولي في ايه قلقتيني
جنه....بحزن وتوسل زيد انا ليا عندك طلب ومفيش حد هيقدر يساعدني غيرك
زيد...في ايه قولي على طول
جنه....أنا عيزاك تقنع بابي هو بيحبك و بيسمع كلامك
زيد...أقنعه بايه طيب فهميني
جنه...زيد انا عايزه أدرس مسرح و بابي لما عرف اتعصب ورفض رفض تام وقاللي كلام غريب كده اللي هو بنات الطوبجي مينفعش يدخلوا

المجال ده والعيله والناس 
وملهاش مستقبل بعد كده
وحاجات انا فعلا مش فهماها وأنا مش هقدر أدرس حاجه تانيه غير مسرح.
زيد...اممم طيب وليه مش حابه تدرسي حاجه تانيه
جنه...عشان انا عارفه انا عايزه ايه يا زيد صدقني انا مش هقدر أدرس حاجه انا مبحبهاش
زيد....طيب وليه مثلا متدرسيش حاجه يكون ليها مستقبل زي ما قاسم قال وفنفس الوقت تدرسي الحاجه اللي انتي بتحبيها
جنه...مينفعش يا زيد لأني بأختصار لو دخلت حاجه من اللي بابي عايزني ادخلها مش هنجح فيها واكيد انا مش هقدر اوفق بين حاجه بحبها وبين اللي بابي عايزني ادرسه و كمان هو العمر فيه كام سنه عشان أضيعه في حاجه ملهاش لازمه.
زيد....على اساس انك كبرتي وعجزتي مثلا انتي لسه قدامك العمر طويل يا حبيبتي
جنه...يا زيد انا مش هقضى عمري في الدراسه ولو فرضنا درست حاجه بابي عايزني ادخلها انا ضامنه هتخرج منها امته وانا لا بحبها ولا بفهمها اكيد مش هخرج منها بسهوله وهبقى بضيع سنين على امل اني انجح واتخرج منها وخلاص من غير اي فايده في الوقت اللي ممكن ادرس الحاجه اللي انا حباها واتخرج منها بسرعه وأبدأ المشوار اللي انا عيزاه بدري وأحقق نفسي
زيد...بإبتسامه واضح انك فعلا عارفه انتي عايزه ايه
جنه...جدا والله يا زيد
زيد...طيب وزهره رأيها ايه
جنه...مامي موافقه شايفه اني اكون مبسوطه بالحاجه اللي هعملها اهم حاجه عندها بس بابي مش شايف كده.
زيد...بصي يا جنه انا هتكلم معاه بس لازم تعرفي ان بابي كمان بيحبك وأكيد هو من وجهه نظره شايف ان ده في مصلحتك اكتر
جنه...عارفه والله بس كمان لازم يعرف اني لو عملت اللي هو عايزه عشان بس أرضيه وخلاص صدقني عمري ما هقدر أقدمله اكتر من كده و هفشل ومش هقدر أخليه فخور بيا لأني بأختصار انا مش هكون راضيه من جوايا ومش هقدر اتقدم في المجال اللي هو عايزه.
الإنسان عمره ما هيكون مبسوط وراضي في حياته يا زيد طول ماهو مش قادر يوصل للحاجه اللي بيحبها وقلبه اختارها ولو محاربش عشانها هيفضل طول عمره حاسس بالحزن و شايف ان حياته مش كامله.
شرد زيد في كلام جنه وبصلها بإبتسامه حزن معاكي حق يا جنه انتي صح ولازم توصلي للي بتحبيه عشان تكوني راضيه عن حياتك.
جنه...بترقب يعني هتساعدني وتقنع بابي.
زيد....بحب هساعدك يا جنه وهتعملي اللي بتحبيه بس تطولي رقبتي
جنه ..بسعاده اطمن من الناحيه دي انا هخليك تفتخر بيا وبسرعه قربت منه و حضنته بفرحه
نزل زيد بعد ما خلص كلامه مع جنه.
..........
خرج أمير في الجنينه يستناهم لحد ما يجوا ويش
لقى فرح واقفه لوحدها مربعه ايدها وسرحانه.
أمير....أخبار التلميذه بتاعتي النجيبه اللي كانت هتشلني ايه
لسه فاكره أول درس سواقه ولا نسيتيه
أبتسمت فرح نص