مملكة الطوبجي من الأول لسادس عشر لأميرة اسامة

المكتب.
ودخل وراها أمير ويوسف وجلال.
بصت عليهم ملك وأتص ډم ياسين من وجودهم.
يوسف....كله تمام يا زعيم الماڤيا العمليه تمت بنجاح
بصت ملك لياسين...بص أترفد أتطرد أقعد في البيت ومشتغلش تاني أبدا أشحت في الشارع عشان أعرف أعيش معنديش أي مش كله
ياسين...
ملك....بس اني أتجمع بيهم في مكان واحد تاني لا يمكن يحصل أبدا
ياسين....أنتوا عملتولها ايه
ملك...عملولي ايه قول معملوش ايه.
يوسف....يا عم احنا جينا جمبها ده احنا اللي انقذناهم مش كفايه أشتركنا معاها في الجري مه
ياسين...انتوا اصلا عرفتوا ازاي وايه اللي وداكم هناك.
أمير....هما اللي طلبوا المساعده اخوك كلمني و قاللي اروح انقذه هو وآنسه ملك من الڤضيحه
ياسين....ڤضيحه ايه
ملك.....شايف انا اتبهدل كده
جلال....الورق كان كتير اوي مستحيل نعرف نخرج بيه بسهوله ومستحيل نعرف نشيله اصلا كان لازم عامل مساعد كلمت أمير وقولتله يجيب معاه يوسف عشان نخلص العمليه بسرعه
ياسين...عمليه ايه انتوا رايحين تفج روا إسرائيل وبعدين فين الورق الكتير ده مش عارف يالا تشيل حتت شنطه
يوسف....اهو دي بقى غلطه الاستاذه ملك اللي قاعده تقطم فينا كانت واخده الفايلات الكبيره من غير ما تطلع منها الورق وانا اللي قولتلها ناخد الورق بس
ياسين...بص لملك هو انتي كنتي هتجيبي المستندات الكبيره طيب بعيدا عن ان حد يشوفكم وانتوا خارجين مفكرتيش لما حاج توفيق يكتشف المكان الفاضي ده هيعمل ايه
ملك...بقولك ايه لا مفكرتش جلال طير عقلي من مكانه اصلا انا عايزه أهدأ حاسه اني هيجيلي جلطه ذبحه حاجه هتم وتني من الاخر.
يوسف....ما قولنا أتكلي على الله
ملك....لا لا انتوا اكيد مش حقيقين انا محتاجه أشرب ليمون
خرجت بسرعه من المكتب وبمجرد ما خرجت الاربعه وقعوا من الضحك
ياسين.....طب والله كانت عاقله وكان عندي أمل فيها 
أمير....والله صعبت عليا
ياسين....بقول ايه اللي حصل ده مش عايز مخلوق يعرفه تمام.
يوسف....طيب ما تفهمنا في ايه.
ياسين...للأسف مضطر أفهمكم مع اني مكنتش عايز حد غيرنا احنا التلاته يعرف على الأقل الوقت
يوسف...الله في ايه يا جدع متصغرناش امال مش واثق فينا ولا ايه
ياسين....تصدق بالله انا معنديش بجنيه ثقه فيكم بس مفيش حل قدامي غير اني اقولكم
................
في ڤيلا الباشا.
وصل منذر بأقصى سرعه هو وحسام بمجرد ما عرفوا ان فيروز أغم عليها دخلوا بسرعه على الڤيلا.
حسام...فيروووز مالها يا ماما
منذر...فيروو فيروز
كاريمان...جت من بره شكلها مش طبيعي وقالت انها من بدري تعبانه واغم عليها ومن وقت ما كلمتكم مش راضيه تفوق خالص شممتها برفيوم عشان تصحى فضلت تتحرك وتهز في راسها بس مافاقتش بردوا والدكتور قال جاي ولسه مجاش شيلناها من الارض طلعناها عالكنبه طلعوها فوق عشان الدكتور زمانه جاي
قرب حسام منها عشان يشيلها معرفش بسبب كف ايده اللي اتحرق
بسرعه قرب منها منذر شالها وبص لحسام أستعجل الدكتور بسرعه.
حسام....حاضر حاضر.
طلعها منذر في اوضتها نيمها على

السرير وكلهم وراه
سما في دنيا تانيه هي و كاميليا واقفين ساكتين كأنهم متفرجين
دقايق بسيطه ووصل الدكتور
خرجوا كلهم وفضل معاها في الأوضه حسام و كاريمان.
منذر كان واقف هيتجنن بره عليها بس مش قادر يبين
سما بصت لوالدتها في صمت
رفعت كاميليا كتفها بمعنى انها مش فاهمه حاجه.
عدي وقت بسيط وفجأه سمعوا صوت كاريمان بتنادي
كاريمان....يا منذر يا كاميليا تعالوا بسرعه
فتح منذر الباب بسرعه وهو مخضوض مش عارف في ايه
كاريمان بسعاده لا توصف...فيرووز حامل فيروو حامل يا منذر
أبتسم منذر إبتسامه باهته وعينه بتلمع بالدموع قلبه بيدق بسرعه حاسس انه مش قادر يقف على رجله مش عارف يفرح ولا يزعل
حسام....حاله كان من حال منذر دموعه نازله عينه مره على فيروز ومره على سما مش عارف يفرح 
ولا يحزن ولا يعمل ايه
كاميليا...بأرتباك رسمت ابتسامه على وشها مبروك يا كاريمان مبروك يا فيروز يا حبيبتي ربنا يكملها على خير.
فيروز....كانت طايره من الفرح دموعها نازله و أيدها على بطنها
قربت منها كاريمان حضنتها بعد ما حضنت حسام وفضلت تحسس على شعرها انتي كويسه الوقت يا حبيبتي
فيروز....الحمد لله
كاريمان...طيب حاسه بحاجه محتاجه تروحي المستشفى نفسك في اكله معينه.
الدكتور بضحك وهو بيكتب الروشته يا كاريمان قولنا مي ت مره بلاش التسرع هي زي الفل مش محتاجه تروح مستشفيات وبعدين لسه بدري على الوحم هي لسه في البدايه محتاجين بس شويه التحاليل دي وتاخد الڤيتامينات في مواعيدها واهم حاجه التغذيه والراحه ثم الراحه ثم الراحه انتي عارفه يا مدام فيروز ان الحركه في البدايه غلط عليكي
كاريمان....اطمن يا دكتور حتى التحاليل هتعملها وهي على سريرها هجيبلها حد ياخد منها العينات.
الدكتور....هو ده الصح انا عايزها تدلع هي والبيبي على الأخر
كاريمان....أطمن هيدلعوا احلى دلع
بصتلها فيروز بأستغراب ازاي في لحظه اتحولت بالشكل ده
مشي الدكتور وراح يوصله منذر
كاريمان....مش هتقول لمراتك مبروك مالك واقف كده ليه انت مش فرحان أنك هتبقى اب
حسام...بإبتسامه بسيطه أبدا يا امي انا بس متفاجئ بس انا طاير من الفرحه أكيد قرب منها باس راسها وقعد جمبها مبروك يا حبيبتي
فيروز...بسعاده الله يبارك فيك يا حسام
كاميليا....مبروك عليكم يا حبايبي يتربى في عزكم
حسام....الله يبارك فيكي يا كاميليا.
فيروز....ميرسي يا طنط
كاريمان....عقبال يارب