مملكة الطوبجي من الأول لسادس عشر لأميرة اسامة

خاي فه خالص اللي يقف مع واحده ميعرفهاش وكمان يجي يطمن عليها ويبقى عنده استعداد يرجع الشنطه وهو ميعرفش فيها ايه ميعملش كده.
يوسف....بطريقه مضحكه بصي انا كنت ناوي أعملها بصراحه بس بعد الكلمتين دول خلاص ضميري صحي
خلود....بإبتسامه بجد شكرا لحضرتك أوي
يوسف....مفيش شكر ولا اي حاجه انا والله معملتش حاجه حتى الفلوس انتي عايزه تدفعيها يعني كده شكلي وحش ومعملتش حاجه 
خلود....هو في حاجه انا محتجاها جدا لو قدرت تساعدني فيها تبقى خدمتني خدمه كبيره بجد
يوسف....طبعا أتفضلي.
خلود....لو تقدر تشوفلي شقه وتكون مش كبيره يعني حتى لو اوضه وصاله ويكون سعرها مش كبير عارفه ان طلبي غريب بس انا مش محتاجه غير اربع حيطان ومش هتكسف يعني منك واقول اني لازم احافظ على الفلوس اللي معايا هو لو مش هتقدر خلاص والله انا عارفه اني بطلب اصلا طلبات غريبه بس أعذرني انا معرفش اي مكان هنا ومعرفش اروح فين او أسأل مين على شقق
يوسف....طبعا هساعدك ومتحمليش هم لحد ما الدكتور يكتبلك على خروج اكون شوفتلك بس قوليلي هو انتي مش من القاهره أقصد يعني من محافظه تانيه.
خلود...لا انا من القاهره وعمري ما روحت اي محافظه بس تقدر تقول كده اني معرفش اي حاجه في القاهره ولا اعرف اي مكان ولو خرجت لوحدي أتوه انا اصلا معرفش المكان اللي شوفتني فيه
يوسف....ازاي محپوسه يعني طول عمرك
خلود...بإبتسامه حزن تقدر تقول كده تخيل بقى واحده محپوسه اول مره تخرج
يوسف....واضح ان حكايتك حكايه
عموما انا مش حابب أتعبك اكتر من كده موضوع الشقه أعتبريه محلول تقومي بس بالسلامه الاول وانا هفضل معاكي لحد ما اطمن انك تمام واه رقمي هسيبه مع الدكتور لو احتاجتي اي حاجه قوليلهم يكلموني هتلاقيني عندك فورا
خلود.....بجد شكرا يا استاذ يوسف انت جدع اوي ومحترم
يوسف...بإبتسامه قام وقف قولنا بلاش شكرا دي يلا هسيبك ترتاحي والف سلامه عليكي
خلود...الله يسلمك مع الف سلامه
يوسف...سلام
.............
تعب فيروز وحملها
........
في إنجلترا
نزل ايمن من الفندق يتمشي شويه بعد ما أرتاح انه أطمن على نادر يمكن خ وفه على نادر أداله فرصه بسيطه يفصل من التفكير عن مشك لته الأساسيه لكن بعد كلام صبا معاه وصوتها الحزين ودموعها اللي كان شايفها رغم المسافات خلوه يرجع تاني لتفكيره.
و أحساسه إن صبا محتجاه وبتقوله انه واحشها رغم كل التعب اللي شافته معاه طول ال سنين
خلوه لأول مره يفكر فيها بجد و يتخلي عن تفكيره الغلط وقرر أيمن يروح فورا للدكتور وحاول انه ميفكرش كتير عشان ما يحسش بأي تردد أو إنه يرجع من تاني في كلامه وفعلا راح للدكتور
فضل مستني حوالي ربع ساعه وبعد كده دخل كان في البدايه محرج مش قادر يتكلم جواه صوتين مختلفين تماما واحد منهم 
بيقوله قوم امشي والتاني بيقوله استنى وكمل عشانك انت وصبا
وبدأ فعلا بتجرأ ويحكي للدكتور عن حالته حكاله كل حاجه من بدايه جوازه لحد اللحظه اللي هو قاعد فيها.
الدكتور كان بيسمعه بأهتمام و بيحاول يفهم منه حالته.
أيمن....بحزن في الحقيقه انا عارف ان الخطوه دي انا أخرتها كتير اوي وعارف ان مراتي اتحملت كتير فوق طاقتها
ويمكن ظل متها اكتر ما ظل مت
نفسي وكنت ديما عشان احاول اكون احسن كنت بجيب اللوم عليها كتير حسستها ان هي مش ست ان العيب فيها بس الحقيقه دي ستاره بخبي وراها ضعفي هي ست كامله ويمكن اللي تاعبني ان طول الوقت بحس اني محتاج اقرب لها وبحس بالإثاره ولما بقرب منها كل حاجه بتنتهي في لحظه كأني جماد لا بيحس ولا بيشعر جوايا حجات محتاج اخرجها بس هي محپوسه مش راضيه تخرج
فضل الدكتور يسمعه و حاول يطمنه ويقوله ان كل حاجه هتبقى كويسه وهيقدر يعيش حياته و يمارسها بشكل طبيعي
حس ايمن براحه وان في أمل أخيرا
طلب منه الدكتور يعمل شويه فحوصات طبيه عشان يبدأوا خطه العلاج و يعرفوا إذا كان الموضوع سهل محتاج شويه ادويه او محتاج تدخل جراحي
في الحالتين أيمن كان مقرر يلتزم بكل حاجه عشان خاطر صبا
وفعلا بدأ يعمل الفحوصات المطلوبه كلها وبعدها مشي لان النتيجه كانت هتظهر بعد يوم
........
دخلت صبا اوضه فرح تطمن عليها
صبا...ممكن ادخل يا فروحه
فرح...تعالي يا صبا
قعدت صبا جمبها معلش يا فروحه انا معرفتش اطمن عليكي امبارح عشان اللي حصل
فرح...بحزن ولا يهمك يا صبا انا عارفه اللي حصل ده اصلا خلانا كلنا أعصابنا باظت بس الحمد لله عدت على خير و أطمنا على نادر
صبا...الحمد لله طيب يلا طمنيني عليكي انتي كويسه
بصتلها فرح ودموعها في عينها زيد زعل مني يا صبا وحاسه اني مش هقدر احط عيني في عينه تاني 
صبا....پغضب بسيط ليه هو اصلا مش من حقه يزعل انتي معملتيش حاجه غلط
فرح....مش عارفه بس انا ضايقته وأول مره في حياتي اشوف زيد بالطريقه دي يمكن كتير شوفته عصبي بس لما بيتكلم في الموبايل للشغل طول عمره حنين عليا وعلى الكل