مملكة الطوبجي من الأول لسادس عشر لأميرة اسامة

حته كمان يا مريم و لفيها على وسطي اربطيها
مريم....بس دي لازم تطهر يا نادر كده الج رح هيتلوث هدومك كلها تراب انت مش جايب اي حاجه طيب من الصيدليه
نادر....لا مروحتش الصيدليه جبتلك اكل بس
مريم.....طيب اعمل

اييييييه قولي
نادر....متخ افيش مريم اعملي اللي قولتلك عليه وهنام شويه ولما اصحى هخرج اجيب
مريم...طيب انت لازم تاكل حاجه
نادر....مليش نفس مش حاسس اني جعان اصلا عايز بس انام
نفذت مريم اللي طلبه و أول ما خلصت نام على الكنبه زي ما هو
راحت بسرعه جابتله بطانيه غطته الجو كان تلج مخادش دقايق وكان نام.
بصت على الدفايه جمبها خشب عايزه تولعها عشان تدفي المكان بس مش عارفه قررت تحاول فضلت تدور على اي حاجه تولع بيها الخشب لمحت أزازه صغيره فيها سائل شامته عرفت انه ماده بتساعد على الأشټعال فضلت ترش منه على الخشب وبعدين ولعت وبمجرد ما الڼار مسكت في الخشب فرحت وبدأ المكان يدفي شويه راحت على الحمام خدت منه بورنس لبسته فوق هدومها كانت متلجه وراحت قعدت جمب الدفايه فضلت قاعده شويه وبعدين بدأت تسرح في سبب رحلتها لتركيا
في مصنع الباشا
وصل حسام لما منذر اتصل بيه يجيليه عشان في شغل كتير وهو محتاجه معاه في المصنع
فضل حسام يساعد منذر لكن مكانش في وعيه عقله في اللي حصل مع سما مش لاقي حل ولا عارف يعمل ايه
منذر...حسام بسرعه بسرعه لو على مكنه الضغط دي مع مسعود امسكها بداله لحظه يلا يا حسام العمال مش ملاحقين العربيات على وصول
حسام....هنشتغل بأيدينا يعني يا منذر على المكن
منذر....حسام انجز بقولك مفيش وقت مضطرين نشتغل معاهم حالا ضغط الشغل بوظ مكنتين انهارده لو ماسعدناش مش هنلحق
حسام...طيب طيب رايح مالي انا ومال المصنع ياربي بس 
وقف حسام مع مسعود على المكنه وبدأوا يخلصوا بسرعه
مسعود....معلش يا باشا امسك بس الدراع ده لحظه خليها مرفوعه لحد ما اودي الكميه اللي خلصت دي وخد بالك عشان مولعه خلي بالك من أيدك.
حسام...طيب طيب روح يلا يا مسعود خلينا نخلص
فضل حسام ماسك الدراع و سرحان في كل حاجه حصلت منظر سما وهي ملفوفه بالملايا قدامه ومنظر الد م على السرير و عياطها وشكل الاوضه اللي أتبهدلت مش راضين يفارقوا عينه صوت عياطها في ودنه وكأنها شبح بيطارده وفجأه ص رخ حسام الكل انتبه وجري عليه منذر لقى كف ايده اتحرق
منذر....مسعوووود تعالى بسرعه حسام اتحرق كملوا انتوا شغلكم يلااااا.
حسام....خلاص خلاص بسيطه يا منذر
منذر....بسيطه ايه ايدك اتحرقت لازم تروح لدكتور
حسام...يا منذر متقلقش خلاص كلها عشر دقايق خلص بسرعه ونروح لاي دكتور واحنا ماشيين يلا بس انجز
منذر....طيب مترفعش ايدك من تحت المايه وانا مش هتأخر عليك
حسام...ماشي ماشي.
بعد حوالي نص ساعه كان الشغل خلص والعمال نقلوه بسرعه على العربيات واطمن منذر من كل حاجه وبعدين جري على حسام خدوا وراح بيه على المستشفي يشوف ايده و ساب العمال يكملوا شغلهم.
غير حسام على ايده و رفض انه يرجع مش عايز يشوف سما ولا عايز يفتكر اللي حصل وقرر يفضل مع منذر كان فاكر ان الهروب هو الامان لكن مكانش يعرف المصاېب اللي مستنياه من سما
في شركه الطوبجي.
ملك...الحمد لله انكم أطمنتوا عليه وانه بخير.
ياسين....الحمد لله كان يوم صعب فعلا المهم بس تعدي على خير
ملك...الوضع هناك وحش جدا ياريته ينزل أفضل.
ياسين...المطارات مقفوله هناك والوضع مش مستقر ربنا يستر
ملك...يارب طيب انتوا بتطمنوا عليه.
ياسين....كلمناه مره كمان بعد ما هو كلمنا خير ان شاء الله
ملك...يارب
ياسين....طمنيني ميار كويسه
ملك...بحزن اه الحمد لله
ياسين....بلاش تفضلي زعلانه معاها يا ملك هي اكيد محتجالك الوقت.
ملك....مش عارفه والله خالص ميار لازم تحس ان اللي عملته كان غلط لاني نصحتها كتير
ياسين...مفيش حد فينا ما بيغلطش يا ملك وانا شايف ان ميار

مغلطتش هي وثقت في اللي بتحبه مش اكتر
ملك...وثقت في الشخص الغلط اللي ياما حذرتها منه وهي كانت بتدافع عنه بأستماته و النتيجه ان انا اللي طلعت صح.
ياسين....مكانتش هتصدق يا ملك طول ما هو كان محتويها ومش مبينلها وشه الحقيقي مستحيل كانت هتصدق كلمه عليه
ملك...بس انا اختها والمفروض انها تصدقني
ياسين....وزي ما قولتلك هي شايفه انه بني ادم كويس بيحاول يظهرلها كل الحلو وهي صدقته فعلا واكيد كانت شايفه كمان ان انتي اللي مش عرفاه كويس ولما تعرفيه هتتأكدى انه حد كويس بصي يا ملك اي شخص فينا لما بيكون معمي عن حقيقه اللي قدامه مهما اللي حوالينا ينصحونا مش بنصدقهم عشان كده لازم نجرب لازم نتعرض لمواقف صعبه تخلينا نفوق واظن ان ميار فاقت بجد ومينفعش ابدا بعد ما تفوق تسيبيها لوحدها من غير ما تحس انك معاها ولا حتى ينفع تعاتبيها و تحسسيها بغلطها في الوقت ده بالذات فهماني.
ابتسمت ملك فهماك معاك حق يمكن انا زودتها شويه معاها بس ده من خ وفي عليها مفكرتش بطريقتك دي خالص
ياسين.....خلاص يبقى تتكلمي معاها وتنسي اللي حصل انتي وهي