مملكة الطوبجي من الأول لسادس عشر لأميرة اسامة
المحتويات
مش مقصرين
راجح...عموما انا موجود وكلنا موجودين جمبك
ليلى...ميرسي يا باشا.
بدأوا....يسلموا على ليلى عشان يمشوا
داوود....بصوت هادي شكرا
ابتسم راجح و طبطب على كتفه
خلي بالك منها
داوود...متقلقش عليها و معلش يا حبيبي انا مشغول بس...
قاطعه راجح ملكش دعوه بأي حاجه كلنا موجودين خليك انت بس معاها يا داوود
داوود....حاضر
قرب داوود من ليلى لف ايده عليه و باسها من راسها
داوود....انا جمبك
ابتسمت ليلى من وسط دموعها ومسكت ايده بكل قوتها عشان تحس بالامان اللي مش بتلاقيه غير معاه هو وبس
.....................
مسكت روح في ايد راجح وكانت ماشيه جمبها زهره بيتكلموا
اما زيد وصبا كانوا وراها
كان ماشي زيد باصص قدامه من غير ولا كلمه صبا كانت هتتجنن وتعرف قال ايه لأيمن و باين عليها التوتر.
بصلها زيد بإستغراب.
صبا....قولتله ايه يا زيد
زيد....هو مين
صبا...ايمن يا زيد.
زيد...قولتله ايه في ايه مش فاهم
صبا....زيد هو مزعلنيش على فكره ومحصلش اي حاجه من اللي في دماغك دي.
ابتسم زيد وفضل باصصلها وساكت.
صبا....بتوتر باين على كلامها ااا انا مش بكدب على فكره وكمان اكيد لو في حاجه هقولك ووو كمان يعني ااا.
بصتله صبا قصدك ايه
زيد...بإبتسامه قصدي اني صدقتك يا صبا ومتقلقيش متكلمتش مع ايمن عنك ممكن يلا
بقى عشان سبقونا وعايز اروح اجيب مراد.
فضلت صبا بصاله وهزت راسها بهدوء ومشيت جمبه وهي ساكته.
صري خ و صوت عالي واصوات دوشه
حسين....اه هوريكي يا فاج ره
انا هفضحك وسط الناس يا بنت
حطت ايدها على ودنها وهي سامعه صوت ابن خالتها فاضحها في الشارع وفضلت تص رخ بوج ع وقهر
وللحديث بقيه....
اسفه عالتأخير يا حبايبي
يلا مننساش اللايك قبل القراءه ونرفع مع بعض البارت
البارت السادس...
ملحمه
مملكة_الطوبجى
أميره_أسامه
صاحبة_البطل_الواحد
..............
في قصر الطوبجى.
فرح بحزن
بس أنت وعدتني يا أمير.
أمير....عارف والله يا فرح بس مش هنلحق عشان كده بقولك خليها الأسبوع الجاي أنتى عارفه هما أكيد مش هيطولوا في المستشفى وزيد هيتحرك على طول لازم اقابله عشان نجيب مراد.
أمير....بعصبيه بسيطه شركه ايه ومكتب ايه انتي عبيطه لأ طبعا مستحيل حد غريب يعلمك قولتلك خلاص انا هعلمك
حست فرح بالسعاده بمجرد ما حست انه ممكن تكون عصبيته دي غيره وحاولت متبينش إبتسامتها و تظاهرت بالحزن.
فرح....وفيها ايه عادي يعني ناس كتير بتلجأ للشركات والمكاتب دي
أمير...عشان معندهمش بديل يا فرح
فرح....وأنا فين البديل اللي عندي اخواتي وكلهم مشغولين والوقت اللي فاضين فيه بيسهروا بره وأنت كمان زيهم
أمير....فرح انا قولت اللي عندي خلاص تعليم مع حد غريب مش هينفع.
فرح...هو عند يا أمير وخلاص وبعدين أنت بأي حق مصمم أصلا هو انت فاضيلي وبعدين أنت مش هتفضى غير كل اسبوع مره يوم أجازتك يعني عشان اتعلم فعلا فيها كام شهر.
أمير....كام شهر ليه هو أنتي هتتعلمي سواقة طياره
فرح....لأ بس شيل من الكام شهر دول كام اسبوع كلهم أعذار وانا بصراحه مش هستنى بعد أذنك
مسكها أمير من ايدها پغضب استني هنا
ابتسمت فرح وبسرعه رجعت ملامحها للڠضب نعم.
أمير....أنتي عايزه ايه الوقت
فرح...عيزاك تعلمني السواقه
أمير...ماشي يا فرح هاخدك الوقت
بس لحد ما زيد يتصل مليش فيه بقى كلمني بعد خمس دقايق بعد عشر دقايق هرجعك و أروحله
ابتسمت فرح بسعاده و جريت من غير ولا كلمه على العربيه فتحتها وقعدت
هز أمير راسه بقلة حيله وراح ركب وخرج من القصر وبدأ يمشي حوالين المكان عشان ميبعدش بيها.
أمير....پغضب حاول على قد ما يقدر يخفيه لكن كان بردوا ظاهر
بصي انتي تركزي معايا ومش عايز رغي تسمعي بس اللي هقوله وتركزي فيه
فرح...هو أنت عايزني أتعلم وانت قالب وشك كده
أمير....انا قالب وشي
فرح...ايوه قالب وشك بص في المرايه وانت تعرف
خد نفس طويل وحاول يهدى
أمير...اووووف ماشي يافرح انا هادي اهو ركزي معايا بقى عشان انتي اللي هتيجي تسوقي الوقت بعد ما اخلص كلامي مفهوم
فرح...نعم اجي اسوق انت بتهرج احنا متفقناش على كده
أمير...أمال اتفقنا على ايه انتي مش عابزه تتعلمي السواقه
فرح...أيوه طبعا بس كمان مفيش حد بيبدأ عملي قبل ما يبدأ نظري
أمير...أمال أنا بعمل ايه ما اللي هقوله الوقت هو النظري هتفهمي وهتطبقي مفهووووم
فرح...طيب
بدأ أمير يشرحلها بهدوء ويفهمها الاول كل زرار بيعمل ايه ويشرحلها واحده واحده وهو بيسوق وبعدين رجع وقف
أمير....هاااا فهمتي حاجه
فرح...أنا حاسه اني فهمت
أمير....نعمممم حاسه هي بالأحساس
فرح...امال بايه
أمير....ما هو لا فهمتي يا مفهمتيش
فرح....طيب خلاص هو مبدأيا فهمت أه بس مش حاسه اني هعرف أطبق ده عملي
أمير....أنزلي يا فرح انزلي لفي وتعالي جربي وانا معاكي يلا عشان فاضل ثواني وهتحول
نزلت فرح ونزل أمير بدلوا أماكنهم.
أمير....يلا
متابعة القراءة
