مملكة الطوبجي من الأول لسادس عشر لأميرة اسامة

أحكيلهم عند دوري البطولي في العمليه دي و عرفيهم انا كنت بعمل ايه عشان انقذهم 
ملك...طيب و متحكيش انت ليه هو انت هتستشهد مثلا
جلال....مين عالم حاسس ان حاج توفيق هيقفشني و ياكلني حتت علقھ
ملك....بضحك اسكت بقى والله ما قادره من الضحك حاسه اني هبوظ الدنيا معاك
جلال...بسسس ومن أول قلم نعترف على أبو لهب اللي قاعد فوق مرتاح و مخلينا أحنا بنواجه الخطړ
ملك....اخلص يلا 
جلال....طيب متزقيش مستعجله تلبسي عليا الأسود
ملك...بضحك والله هطلع اقول لأخوك
جلال...لا لا خلاص وسعي كده و أتعلمي دخلت رجال الأعمال
وقفت ملك على جمب وهي مي ته من الضحك.
جلال....سلام عليكم يا حاج توفيق.
توفيق...عليكم السلام أهلا يا مستر جلال
جلال...مستر ايه يا عم توفيق الله يرضى عنك انا لسه رجل اعمال على قد حالي بلاش مستر دي
توفيق...بضحك طيب بقولك ايه انا هطلع اشوف مستر ياسين وانت جيتلي من السما لو فاضي خليك مكاني لحظه مش هتأخر عليك.
جلال...لحظه ايه بس يا راجل يا طيب ده انا جايلك مخصوص هو اللي باعتني ليك
توفيق....والله طيب هروح و بردوا مش هتأخر عليك.
جلال...براحتك يا حاج توفيق متخ افش على الفرشه بتاعتك في ايد امينه هترجع تلاقيني بايعلك كل الورق اللي على الرف ده
توفيق....بضحك طمنتني كده ضمنت ان انا وانت هنترمي بره الشركه دي يلا هطلع ومش هتأخر
جلال...ماشي يا حاج توفيق وكمل بصوت واطي عيني عليه كان راجل طيب
لمحت ملك حاج توفيق راح على الأسنسير وركب جريت على جلال ودخلت الاوضه.
جلال....براءه انا كده سلمتك الفرشه بتاعت الراجل الطيب ده اسړقي يلا برااااحتك
ملك....نهاااار اسود وطي صوتك ويلا بره
جلال...بتطرديني بقى دي اخرتها ده احنا حتى ولاد كار واحد
ملك ..
جلال...أبو لهب بهت عليكي ولا ايه انا خارج خلاص
ملك...اخلص يلا
خرج جلال وقف بره وبدأت ملك تبص بعينها بسرعه وأول ما لمحت المستندات والورق مكتوب عليه السنين اللي محتاجها بدأت تشيلهم بسرعه على المكتب وتحطهم فوق بعض
جلال من بره....كله تمام 
ملك...بهمس الله يخربيتك هتفضحنا
جلال....متكتريش هاااا
ملك....هو انا بعزم عليك تاكل 
خلصت بسرعه وراحت خبطت بهدوء على الباب فتح جلال بسرعه
ملك.....يلا

خلصت.
جلال..أحيه ايه كل ده احنا كده عايزين لوري
ملك... ايه لوري د
جلال...مش عارفه اللوري
دي عربيه نقل كبيره بتنقل البضايع عارفه انتي فكرتيني بمثل كده بيقول ما شافوهمش 
وهما بيسرقوا شافوهم وهما بيتحاسبوا احنا هنخرج ازاي بكل ده
ملك....وانا ايش عرفني اتصرف
جلال....الوقت انا اللي اتصرف مش كنتي عامله فيها زعيمه عصابه من شويه
ملك....بطل رغي وفكر في حل
هنعمل ايه
جلال....ولا يهمك جلجل عنده كل الحلول
ملك...جلجل
جلال....يعني مستغربه جلجل ومش مستغربه اني أسمي جلال
ملك...بضحك والله انا هتشاهد لما المصېبه اللي احنا فيها دي تخلص يلا انجز
جلال....استني مفيش قدامي غير حل واحد بس ويارب أبو لهب ما يتعصبش عليا
مسك جلال موبايله وأتصل على امير
أمير...عايز ايه يا زفت
جلال...بصوت واطي ولا يا أمير انت فين
أمير...في المكتب مالك بتتكلم بصوت واطي كده ليه انت عامل مصېبه شكلك
جلال....صاحبي اللي عارفني اكتر من نفسي صراحه اه وعايزك بسرعه تخرجني منها
أمير...في ايه طيب انجز هببت ايه
جلال....عايزك تقول ليوسف براحه ومن غير ما حد ياخد باله و انزلولي تحت في أوضه الارشيف عشان انا وملك جوه اخلص قبل ما نتفضح
ملك...بصوت واطي ضړبته على كتفه يخربيتك 
أمير....احيه بتعملوا ايه في الارشيف يا صايع
جلال...بص لملك بترقب لا لا مش اللي في بالك
ملك...عاجبك كده
أمير....قول في ايه اخلص
جلال...وطي صوتك يا حيوان هتفضحنا بص انا محتاج شنطتين كبار بسرعه اللي هما بتوع الورق دول عارفهم او حتى اكياس زباله مش هتفرق
أمير...انتوا قت لتوا عم توفيق
جلال...بضحك ماشاء الله العيله كلها عندها أحساس بالجري مه عالي ياض اخلص هفهمكم بعدين امير بالله عليك مش عايز اي حد يعرف حاجه بسرعه وقول ليوسف ما ينطقش مش عايز اي حد خالص غيركم يعرف بالذات زيد وخد بالك لو معملتش اللي قولت عليه هقول لياسين
أمير...أبو لهب طب اقفل اقفل ربنا ينت قم منك انت وهو وأخلص من العيله دي على خير
جلال...حبيبي الجدع
قفل معاه جلال وبص لملك
ملك...
جلال...ايه مكانش في حل اعمل ايه
ملك...يقول عليا ايه الوقت يارب ما يكونش فهم غلط
جلال...لا لا اطمني هو فهم غلط فعلا
ملك...حسبي الله
............
في مكتب ياسين كان سايب حاج توفيق قاعد وعامل نفسه بيعمل حاجه مهمه على اللاب توب
حاج توفيق.....قولي يا أبني محتاج ايه تحت أمرك.
ياسين....ثواني يا راجل يا طيب هكون معاك 
قفل اللاب توب وبصله معلش يا حاج توفيق هتعبك معايا شويه
توفيق...تحت امرك يا ابني قول عايز ايه
ياسين بارتباك مش لاقي حاجه يقولها
بص يا حاج توفيق الفايل ده المفروض بيكون في منه نسختين انا مش معايا غير نسخه واحده متعرفش التاني فين
بصله توفيق بأستغراب اكيد معايا تحت في الارشيف يا ابني طيب مسألتنيش على طول ليه وعرفتني عايز ايه وانا كنت دورتلك عليه وريني كده التاريخ واسم المشروع وانا هنزل حالا اطلعهولك.
ياسين...لا لا استني هو النسختين اصلا معايا بس انا مش لاقي غير نسخه واحده.
توفيق....اكيد النسخه دي تحت سبني بس انزل اطلعهالك
ياسين...ياحاج