مملكة الطوبجي من الأول لسادس عشر لأميرة اسامة

السفر في الجو ده عموما.
راجح...لا يا حبيبتي هو برد اه وفي مطر بس مطر خفيف يعني عادي أطمني انتي بس و بطلي تاخدي كل حاجه على أعصابك
روح....انا مش قلقانه على أيمن بس انا قلقانه على قاسم ونادر كمان يعني ملاقتوش يوم غير ده تسفروا فيه ولادي.
راجح...بضحك مكنتش أعرف اني لازم اشتغل في الارصاد الجويه
روح...بأبتسامه أفضل انت أتريق عليا كده.
راجح....انا اقدر بردو يا روح قلب راجح. يلا خلي بالك من نفسك لما قاسم يمشي بعد شويه طمنيني عليه.
روح...حاضر يا حبييي خلي بالك من نفسك سلام.
راجح....سلام يا حبيبتي.
...........
سالم....خير يا باشا مالها روح
راجح....العادي بتاع روح يا سيدي قلقانه على اخواتك من السفر في الجو ده.
سالم....ليه بس الشمس طلعت بره أهي هي روح كده ديما مش بتريح نفسها.
راجح...خلينا في المهم بعد ما تخلص الشغل انهارده وراك حاجه
سالم...اشمعني
راجح....أبدا كنت بشوفك لو مش وراك حاجه تيجي معايا نروح نشوف ليلى و نطمن على والدتها.
سالم...بإبتسامه شايفك يعني بتحاول تعمل كل حاجه في أيدك يا باشا.
راجح....عشان خاطر داوود كل حاجه تهون.
سالم....وليلى كمان يا بابا تستاهل
الأتنين تعبوا و أستحملوا كتير
راجح....عارف ومش هرتاح غير لو شوفتهم مع بعض
سالم...ان شاء الله قريب اوي تطمن بس ليلى على والدتها
راجح...ان شاء الله المهم هتيجي ولا ايه.
سالم....للاسف مش هقدر يا باشا عندي مشوار مهم جدا
راجح...مشوار ايه شغل
سالم...لأ مش شغل بس ليا واحد صحبي معرفه يعني شوفته من حوالي أسبوع وطلب مني أغيرله عمله 50 ألف دولار فا هروح انهارده اديله الفلوس وأخد منه الدولارات يعني مصلحه في السريع كده
راجح....طيب تمام خلاص هبقى اروح انا
سالم...طيب ما تاخد معاك يوسف او ياسين ولا حتى مراد.
راجح....والله مراد مش فاكر قالي رايح مع امير ابنه مشوار ايه
ويوسف طبعا مصمم يروح يوصل نادر بليل انت عارف هما مش بيسيبوا بعض الأتنين
سالم...خلاص يبقى خد ياسين اكيد مش هقولك جلال يعني هيروح يقلب المستشفى فرح
راجح....لا جلال ايه عموما انا هتصرف لو زيد مش وراه حاجه هاخده معايا
سالم...تمام يا باشا انا هروح اشوف الشغل محتاج مني حاجه
راجح...لا يا حبيبي روح انت على مكتبك.
سالم...بعد أذنك يا باشا
هز راجح راسه وخرج سالم على مكتبه.
...........
بعد حوالي نص ساعه جه وقت البريك.
نزلت ملك وجلال مع بعض تحت
طلبت ملك قهوه وطلب جلال نسكافيه.
جلال....قوليلي صحيح يا آنسه ملك هو انتي عندك اخوات.
ملك...هجاوبك بس بلاش آنسه ملك دي انا ملك وبس
جلال...بإبتسامه ماشي يا ملك
ملك....انا عندي أخت واحده بس أسمها ميار
جلال....أوباااا يعني كده في نسخه تانيه شبهك حلوه كده 
ملك..صراحه لا هي أحلى طبعا
جلال...أحلى من كده لأ مصدقش
فتحت ملك إضاءه الشاشه بتاعت موبايلها و قربت منه الشاشه وهي مبتسمه بحب شوف بنفسك
جلال...بإبتسامه انتوا الأتنين زي القمر هي الصغيره صح
ملك....أيوه عندها 22 سنه خريجه ألسن ألماني
جلال...ايه ده أصغر مني بسنه يعني دي قد فرح اختي
ملك....هو انت و اختك فرق بينكم سنه
جلال...بضحك اه اصل الباشا طول عمره شقي
ضحكت ملك انت مصي به
بس بجد انتوا عشره اخوات
جلال...اه والله العظيم
ملك...بتحلف ليه مصدقاك بس أقصد يعني بصراحه اول مره أشوف ست تجيب عشره يمكن شوفتها كتير بس في الأرياف والصعيد الناس دي بتحب الخلفه الكتير وبعدين مامتك في الصور مع راجح باشا
شكلها زي القمر وماشاء الله يعني ميبانش خالص
انها تجيبكم.
جلال....لأ استني انتي دماغك راحت لبعيد هو انتي فاكره ان روح مخلفه عشره
ملك...روح مين مامتك
جلال...اه احنا كلنا من أكبرنا لأصغرنا بنقولها روح ممنوع نقول مامي ولا بنت قاسم بتقولها نناه كله روح وإلا تعلن علينا الح رب
ملك...بضحك صراحه حقها هي زي القمر طيب ايه حوار ان مش كل دول ولادها هو مش انتوا اخوات.
جلال...انا هفهمك بصي ياستي بابا كان متجوز قبل روح أختها
بصتله ملك پصدمه اختها
جلال...اه والله العظيم وكان مخلف منها اربعه 
قاسم و سالم و زيد ونادر كان اسمها حياه ودي المفروض تبقى خالتي يعني
ملك...روح وحياه اسمهم حلو اوي
جلال...سبينا من أسمهم الوقت عشان أفهمك قبل ما انسى العيله الملغبطه دي
ملك....بضحك طيب أديني سكت
جلال....بابا اتجوز حياه وهو عنده 24 سنه وحياه كانت 22 سنه وقتها روح كانت عندها 14 سنه 
المهم أتجوزوا وبعد 11 شهر بالظبط شرف قاسم وبعدها بثلاث سنين كمان شرف سالم وبعدها بأربع سنين شرف زيد و بعدها بسنتين كمان شرف نادر
ملك...دول يعتبروا جم ورا بعض طب ليه كده.
جلال....مش اكل عائليه ملناش دعوه بيها تقريبا الباشا كان داخل سباق مبيضيعش وقت
ضحكت ملك على طريقته
جلال...المهم ان بابا خلف قاسم وهو عنده 25 سنه وختم بنادر وهو عنده 34 سنه يعني الفرقه دي جات كلها في تسع سنين اربع صبيان وكلهم فوق روس بعض زي ما بيقولوا كده بعد ولاده نادر بشهر تعبت حياه كان عندها الزايده ودخلت تعمل عمليه عاديه جدا زي أي حد بس للأسف أتوف ت 
ومحدش عرف ده بنج زياده ولا حصل مضاعفات في العمليه بس المش كله انها سابت اربع صبيان
أكبرهم قاسم كان عنده