مملكة الطوبجي من الأول لسادس عشر لأميرة اسامة

وحشني اوي وبصراحه ما صدقت انه جه.
زيد...خلاص هنبقى مع بعض على الموبايل.
أمير....أشطا
جلال...وانا هنام شويه عشان لما تيجوا اكون فوقت واعرف اقعد معاه وحشني اوي.
راجح...الحق ناملك شويه عشان من بكره هتنزل معانا الشركه.
جلال....مصمم يعني
راجح.....اه في أعتراض
جلال...و أنا هعترض ليه أنا مالي لاحقوا انتوا بقى على الخساير اللي هسببهالكم
راجح....وريني كده لو تقدر وعموما انت هتبقى تحت عين زيد من بكره ابقى خسر الشركه بقى
جلال...لا والنبي زيد لأ.
زيد....كمان انت اللي رافض بقولك ايه يا باشا أبعدني عن جلال لو خاي ف عليه عشان انا مبهزرش في الشغل وجلال مش هيستحملني.
راجح...ماهو ده المطلوب
زيد....معلش يا باشا لما يعقل ويركز شويه ابقى احط عيني عليه.
بص راجح لقاسم.
قاسم...بضحك لا بقول ايه يا باشا كله إلا جلال.
جلال....مش فاهم انا يعني هو أنا جربان
ضحكوا كلهم عليه.
روح....سمعتك سبقاك.
فرح...بضحك نفسي أشوف حد طايقك في القصر ده
جلال....بلاش أنتي هااا
راجح ....خلاص يبقى شغلك من بكره مع ياسين.
ياسين.... الله وانا نطقت.
ضحك سالم ونادر على ياسين
يوسف....البسسسس
راجح....ايه يا سي ياسين انت كمان
ياسين....مفيش يا باشا بس هو انا الحيطه المايله صدقني معايا انا بالذات مش هينفع انا وجلال دونت ميكس خالص من بكره هتلاقي وشه كله بايظ من اللي هعمله فيه.
راجح....ليه يا خويا مش بتسهر معاه واصحاب اوي اشرب بقى بقول أيه انا قولت كلمتي خلاص جلال هيبقى تحت عينك.
جلال....بضحك ياعيني عليك يا ياسين كان طيب
ياسين...الحقي ودعيه يا روح
روح...بضحك في ايه يا ولاد هي حرب ده جلال ده قمر وكيوت
جلال....امي اوي أقسم بالله
زبد...كيوت
جلال...اه كيوت مالك انت.
زيد...طب أظبط يا كيوت بدل ما أفضحك
جلال...بضحك أخويا اوي اقسم بالله
فضلوا يضحكوا مع بعض
بعد وقت بسيط خلص زيد اكل وقام وقف.
زيد....انا هخرج اقعد بره شويه و أشرب القهوه تكونوا انتوا جهزتوا
روح...ماشي يا حبيبي.
زيد....أيمن لو فطرت تعالى معايا عايزك شويه.
رفعت صبا عينها بسرعه على زيد بتوتر.
لكن زيد محاولش يبصلها خالص
ايمن....انا كلت خلاص جاي معاك
زيد...طيب يلا.
سالم...أيه اسرار
زيد....خليك في حالك
يلا يا أيمن.
سالم...اعوذ بالله
..............
خرج أيمن وزيد مع بعض قعدوا في الجنينه طلع زيد السجاير حط واحده بين شفايفه وقرب من ايمن العلبه وخد سېجاره هو كمان.
أيمن...في ايه شكلك وراك حاجه
زيد....انا نفسي اعرف حاجه واحده بس انتوا ليه ديما شايفين ان ورايا مصېبه
أيمن...بضحك ياباشا لا

مصېبه ولا حاجه بس زي ما تقول كده شكلك يقلق 
زيد...انا ليه مكتوب على وشي شكل للبيع
أيمن...مش بالظبط
زيد.....بضحك هستنى ايه من ولاد راجح الطوبجي قال وانا اللي بقول عليك شبههي
أيمن...ياعم وانا أتكلمت
زيد....ماشي يا سيدي عموما انا لا جاي بمشك له ولا مصېبه كل الحكايه اني حابب أدردش معاك مش أكتر.
أيمن...بحب يا باشا احنا نطول زيد راجح الطوبجي بنفسه يدردش معايا.
زيد...بضحك طب والنبي سيب الطبله اللي داخل تطبلى بيها دي على جنب
أيمن...انا غلطان مش كفايه اني بمجد فيك
زيد....لا وحيات ابوك من غير تمجيد.
أيمن...ماشي يا عم يلا قول انا سامعك.
زيد...مفيش حاجه مهمه كل الحكايه اني كنت عايز أعرف ايه اخبارك مع صبا.
بصله ايمن باستغراب من سؤاله
أيمن...صبا مش فاهم يعنى ايه
زيد...هو أيه اللي مش مفهوم من سؤالي بسألك عن أحوالكم مع بعض خصوصا اني حاسس ان خلقتك مقلوبه
أيمن....بإبتسامه حزن متقلقش يا زيد أحنا تمام
زيد....مشك لتي إني لا بحب ولا بفهم كلمة تمام دى
أيمن....تمام يا زيد كويسين أصلي بصراحه مش فاهم سؤالك و حاسس ان وراه حاجه خصوصا يعني أنك اول مره من يوم ما أتجوزت انا وصبا تسألني السؤال ده.
زيد....لو سؤالي ضايقك اعتبرني مسالتهوش يا أيمن.
أيمن...ايه اللي أنت بتقوله يا زيد 
لا طبعا أكيد مضايقتش أضايق ان أخويا الكبير بيطمن عليا بس حقيقي مفهمتش سؤالك وحاسس ان وراه سؤال تاني أهم
زيد...هو من ناحيه في هو في بص أنت عارف اني مليش في اللف والدوران كل الحكايه ان انا وأخواتك رجعنا على الفجر كده لقينا صبا قاعده لوحدها في الجنينه وكان باين عليها انها زعلانه هي متكلمتش في اي حاجه على فكره بس ملامح صبا بتفضحها انت عارف هي مبتعرفش تداري بس فا حسيت ان في مشك له بينكم عشان كده قولت اسألك وخد بالك أنت عارف ان انا لا شخص فضولي ولا عمري إتدخلت في حيات أي حد زي ما أنت قولت انك مستغرب لاني عمري ما سألت يمكن عملتها مره واحده بس مع قاسم في بدايه جوازه من زهره زمان وكنت وقتها لسه صغير وحصل تاتش بسيط بينهم ومحبتش اشوفه مزعلها وكانت المره الأولي والأخيره والحمد لله قاسم وزهره بيتض رب بيهم المثل في حياتهم مع بعض 
أكيد بقى لما اشوف اخويا الصغير وبنت عمتي في بينهم حاجه لازم أسألك
أيمن....أنت عارف يا زيد اني بحب صبا.
زيد...عارف وعارف كمان ان هي بتحبك زي ما بتحبها عشان كده قولت اشوف في ايه خصوصا اني عارف انك شخص كتوم يا ايمن ومش سهل تعبر عاللي جواك.
ايمن...بابتسامه بسيطه طالعلك
زيد....بضحكه هاديه عارف وعارف كمان ان ده شعور وحش اوي انك تبقي شايل