في قبضة الأقدار لنورهان العشري
المحتويات
تعالي معايا .
أشهد أن امرأة أتقنت اللعبة إلا أنت . و احتملت حماقتي عشرة أعواما كما احتملت. واصطبرت علي چنوني مثلما صبرت وقلمت أظافري ورتبت دفاتري. وأدخلتني روضة الأطفال. إلا أنت
تناثر اللؤلؤ من عينيها على هيئه عبرات تابعه من قلب لم يعد يسع تلك الفرحة التي يشعر بها الآن فامتدت يده الحانية تزيل عبراتها بحنو نبع من عينيه العاشقه و تجلي في نبرته حين قال بصدق
انا بعشقك يا يوسف. انا الي مش لاقيه كلام يوصف قد ايه احساس بيك
يوسف بعشق
من غير ما تقولي انا شايف في عنيك . انا ماحبتش نفسي غير فيهم. و مش عايز من دنيتي غيرهم .
تنهدت سما بهيام وهي تقول بوله
يارب واحد زي يوسف الحسيني دا و مش عاوزه حاجه تاني من الدنيا والله
اه والله شفتي حلاوته و لا رقته و لا حبه ليها
زجرها مروان مؤنبا
ايه يا بت المحڼ دا. ما تتعدلي.
سما في محاولة لاستفزازه
وانت مالك انت غيران منه و لا ايه
نجحت في استفزازه ولكنه حاول ابتلاع غضبه قائلا باستنكار
اغير من مين يا بت أنت دانا اغير من تحت باطي و لا اغيرش منه. دا كفايه انك بتحبيه دا لوحده سبب كافي اني أكرهه.
عشان معقد.
مروان بتهكم
حوش مين بيتكلم . السيدة الأولي في النكد. دانتي من كتر مانتي مكشرة شويه و هيطبعوا صورتك علي علب السجاير و يقولوا الي هيشرب سجاير هنجبله سما.
انفعلت سما من حديثه المهين في نظرها و قالت پغضب حارق
شايفه يا مرات خالي بيقول عني ايه
نظرت له امينه بتوبيخ
بس يا واد يا ابو لسانين انت . و بعدين ما الواد حلو و يتحب هما جابوا حاجه من عندهم يعني.
ايوا و عشان كدا غيران منه. ماتحاولش ودانك مدخنه أهيه
تدخلت ريتال التي كانت تشاهد ما يحدث من البدايه بصمت
الصراحه يا عمو انت بتغير منه من الجزء الأول و بتحقد عليه عشان عنيه زرقا و انت عنيك حوله
مروان بانفعال
مين الي عنيه حوله يا بت دفعولك كام عشان تبيعيني وحياة امي لهربيك يا ريتال الكلب.
الغيرة هتنط من عينه يا عيني.
مروان بتهكم
بس يا بت يالي مش لاقينلك قطع غيار انت . و بعدين انا مبغيرش انا پحقد بس. شايفين الفرسة الي معاه عامله ازاي قال و عايزين واحد زيه
متابعة القراءة
