ابن ليل لأميرة اسامة

لقوا سونه في وشهم
سونه الله دره وكرم كمان
دره وهي بتجز علي سنانها كملت يلا خلي اليوم يكمل خير
كرم في ايه يا سونه ايه اللي جايبك هنا السعادي
سونه كويس يا سيد المعلمين انك عارف ان الوقت متأخر
كرم سوووونه
سونه الله وانا قولت حاجه غلط انا كنت بنتمشي ولما لاقيت ابن ليل مش موجود عرفت انك طلعت بيه ولما شوفت البحر هايج قلقت عليك اتصلت بيك بس انت مردتش فا فضلت واقفه مستنياك بس مكنتش نعرفوا ان انت ودره لوحدكم في وسط البحر

دره بصتله وبعدين بصتلها پغضب
لمي لسانك يا سونه عشان منقطعهوش وبلاش تلميحاتك دي عشان منفرجوش عليكي الخلق
سونه بشهقه عاليه وهي رافعه حاجبها وتفرجي عليا انا الخلق ليه هو انا اللي كنت مع كرم 
كرم سوووونه لمي لسانك وخدي بالك من كلامك عشان منتحولش عليكي
دره وانت متعصب ليه هاااا ما انت السبب في القرف اللي بيحصل خليت واحده زي دي تقف قدامي وتسمعني انا كلمتين ملهمش اي لازمه
سونه ومالها دي يا عنيا منشبهش ولا منشبهش
دره انتي تشبهي بلد يا سونه
سونه قطع لسانك انا اشرف من الف واحده زيك علي الاقل يا اختي مبنقرطسش ابويا واخويا وراحه مع راجل غريب في وسط البحر والدنيا مفيهاش صړيخ ابن يومين ولا هو خدك ڠصب عنك
كرم من ايدها پغضب
كرم كلمه كمان ودين محمد يا سونه لا هنحدفك في البحر 
سونه بنظره حزن انت بتتعصب عليا عشان دي يا كرم عشان واحده بياعه ومعندهاش اصل ضحكت علي قلبك بكلمتين اوعي تفكر انها بتحبك انت بس حليت في عينها لما جوزها رماها هي وبناتها بس لا يا كرم ده انا نولعلك فيها هي وبنااااتها
كرم سوووووونه لولا اني مبنمدش ايدي علي مره كان زماني دافنك مطرحك
دره بصتلها پغضب وهي الدموع في عينها اسمعيني كويس يا سونه عشان الكلمتين اللي هنقولهم الوقت دول مش هنعيدوهم تاني ولو فكرتي تخليني أتجبر اني أعيدهم متلوميش غير روحك عشان وقتها واللي خلقني وخلقك هتلاقي قدامك دره
تانيه خالص غير اللي تعرفيها
كرم خلاص يا دره
دره بدموع انت تسكت خاااالص وتسمع انت كمان الكلمتين دول كويس
بصت لسونه وجودي مع كرم في البحر مكانش عشان القرف اللي في دماغك ده انا مش مجبره اني ابررلك اصلا بس عشان مديش فرصه لواحده زيك تفهمني غلط هبررلك من يوم ما جيت وانتي ومها وكرم حاطني في دماغكم كل واحد فيكم عايز ينتقم مني عشان حاجه جواه مها عشان اتوجعت مني لما سيبتها فجأه وعشان اخوها كرم وعشان كان فاكر اني خاينه وسيبته في وسط الطريق وانتي عشان بتحبي كرم فا طبيعي مش هتبقي طيقاني ومن وقتها وكل واحد فيكم متفق مع التاني علي طريقه يطفشني بيها اتفقتي مع مها عليا عشان تطفشوني بمقالبكم وكرم اتفق مع مها ومستكفاش بكده هو شغال تطفيش فيا لوحده وطبيعي اني اردلكم مقالبكم بمقالب اۏسخ هنمشيها هزار لعب عيال هقبل منكم اي حاجه وهعديها واقول حقكم وهخدها كنان بكل صدر رحب لكن توسخي سمعتي انت او هنا هقطع لسانكم هتمسوا ولادي بسوء همحيكوا من علي وش الدنيا
هتفكري توجعيني بطليقي اللي رماني انا وبناتي و تحاولي تفكري كرم بأني سيبته و اختارته هو عشان تزودي غضبه من ناحيتي و يكرهني اكتر ماهو كارهني كل ده ولا يهمني واوعي تفكري اني ممكن اتوجع علي يوسف لان مش ده الشخص اللي ممكن يوجعني او أتعاير بيه 
يوسف ميفرقش كتير عن اي حد وجعني وظلمني
كرم كان باصصلها بحزن وحاسس انها صعبانه عليه وقلبه واجعه عشانها وعارف ان هو اللي حطها في الموقف ده والهزار قلب جد ودره اتوجعت من سونه 
دره لو بتعملي معايا كل ده عشان خاطر كرم فا بطمنك يا سونه ارتاحي كرم قدامك اهو لو تقدري تخليه يحبك فا مبروك عليكي
كرم دره
دره اخرس خالص انا مش طايقه اسمع صوتك او صوتها ابعدوا عني انا جيت هنا عشان اكون وسط اهلي جيت هنا عشان مبقاش لوحدي ومش همشي لو عملتوا ايه من اللحظه دي كل واحد يخليه عايش في حاله وانتي لو فكرتي بس تسمعيني كلام مش هيعجبني هوجعك يا سونه واطمني انا مش راجعه عشان ادور علي مكان فاضي في قلب كرم او أرجع حبه ليا ارتاحي كرم كارهني بما فيه الكفايه ودي فرصتك حاولي تستغليها لصالحك
سابتهم دره ومشيت عشان تركب وترجع
كرم دره دره استني
دره متجيش ورايا و ابعد عني بقي انا مش راجعه عشان اوجعك فا بلاش انت كمان توجعني وتحطني في موقف مش ليا يا كرم
وقفت دره تاكسي وبسرعه ركبت والتاكسي اتحرك
بص كرم لسونه پغضب 
كرم عاجبك الفضايح اللي عملتيها دي كان لزومه ايه كلامك المقرف ده ده انتي اكتر واحده عارفه ان الۏساخه لا هي سكتي ولا سكة دره
سونه انت ليه بتعمل فيا كده يا كرم ليه مصمم توجعني ليه مش قادر تحس بيا ده انا مبنحبش في حياتي حد قد ما بنحبك يا كرم عارفه انك مبتحبنيش وقلبك مع دره ورضيت وقولت مش مهم المهم اني ابقي في حياتك جيتلك بدل المره الف ورميت روحي تحت رجلك عشان بس تحس بيا وانت كل كره كنت بترفضني عارف يعني ايه الراجل يرفض ست بتحبه من قلبها عارف كام مره وجعتني يا كرك وكسرتني وحسستني بالنقص ومع كل ده كنت باجي علي نفسي واقول يابت معلش قلبه واجعه الحب مش بايدنا رضيت علي نفسي باللي مفيش ست في الدنيا ترضاه علي نفسها مع كل مره كنت بتوجعني يا كرم كنت بنروح نرمي روحي في راجل طالبني في الحلال كنت فاكره اني ممكن نوجعك زي ما وجعتني كنت فاكره انك لما تلاقيني مع غيرك قلبك هيتحرك ويحس بيا بس مع كل مره يا كرم كنت بنطلع انا الخسرانه انا اللي كنت بنتوجع وانا اللي قلبي مكانش بيطيق عشانك يا كرم سمعت من كل الخلق اۏسخ كلام اللي يقول بتاعت رجاله واللي يقول بتطلق عشان شمال واللي يقول العيب فيها كل ده كنت بنسمعه وبنحطه تحت رجلي لما بس نشوف عينك في عيني 
كان كفايه عليا نقف
في الشباك ونلمحك وانت رايح وجاي لما كنت تبتسم في وشي وقت ما نقولك كلمه نجروا شكلك بيها كانت الدنيا بتحلو في عيني ابتسامتك في وشي يا كرم كانت بتحسسني اني ست 
يوم ما الدكان اتقفل عليك وهو بيولع حسيت ان الدنيا بتضيق علي صدري ومتحملتش ان ممكن يجرالك حاجه بقيت بجري زي المجنونه پصرخ عشان الخلق تلحقك و متروحش مني وبعد كل ده جاي تلومني
عشان مش قادره اتخيل ان ممكن دره تيجي تاخدك مني
بصلها كرم بۏجع ومقدرش ينكر ان كلامها وجعه وصعبت عليه لانه اكتر حد عارف يعني ايه حب
كرم اهدي يا سونه اهدي
سونه بصتله وهي دموعها نازله متسبنيش يا كرم ابوس ايدك انا من غيرك ممكن اروح فيها والله قلبي مش هيتحمل بعدك عني صدقني يا كرم انا محبتش اي راجل من اللي اتجوزتهم انا كنت بنحاول نضياقك ونحرك قلبك بس والله مش هعملها تاني بس خليك في حياتي 
مسك كرم ايدها بهدوء بين ايده
كرم بطلي عياط يا سونه واهدي لو فعلا بتحبيني
سونه بصت لأيدها اللي بين ايده لاول مره وابتسمت بحب ورجعت بصتله وهزت راسها
كرم سونه يمكن انا عمري ما فكرت نتكلموا معاكي ونقولك علي اللي في قلبي ويمكن كمان عمري ما فكرت نتكلموا مع اي حد بس في حاجه يهمني انك تعرفيها كويس اوي انا مبنكرهكيش يا سونه بالعكس انا بنحبك وعارف كمان انك ست جدعه وبميت راجل اوعي تفكري ان اي كلمه بنسمعوها عليكي هي اللي بعداني عنك انا عارف انك مبتعمليش حاجه غلط وعارف كمان انك طول عمرك شقيانه علي نفسك وعلي بنتك و بتحاولي تربيها احسن تربيه عمري ما شوفتك ست شمال ولا شوفتك حد وحش يمكن مكنتش بنديكي وش عشان منعلقيش بيا اكتر بس انتي غاليه عليا يا سونهوبعدين ابتسم بهدوء وبصلها ويمكن كمان انتي اكتر حد كان ممكن يخليني نضحك في عز ۏجعي لما كنت نبقي مش طايق نفسي ونلاقيكي طالعه من الشباك ترخمي عليا وتقوليلي تعالي اشرب شي ولا قهوه كنت بنبقي عايز نطلعوا نكسروا راسك بس اول ما بختفي من قدامك بنضحك عارف انك طيبه يا سونه وعارف كمان ان العيب عمره ما كان فيكي العيب في الرجاله اللي انتي أتجوزتيهم ومقدروش يخلوكي تحبيهم ولا يكسبوا قلبك اللي مفيش منه
سونه انا لا عيزاهم يحبوني ولا يكسبوا قلبي انا عيزاك انت يا كرم حتي لو هنعيش العمر كله خدامه ليك 
كرم متقوليش كده يا سونه انتي ست الستات وتتشالي علي الراس مش تحت الرجلين انا بس عايزك تفهميني يا سونه وبصي عشان منضايقكيش انا لا هقولك بنعتبرك زي اختي ولا زي امي بس انتي تستاهلي حد يحبك زي ما بتحبيه
سونه مش عيزاهم يا كرم عيزاك انت
ليه مش قادر تحبني فيا ايه ناقص وانا نكمله 
كرم قولتلك يا سونه انتي ست الستات العيب فيا انا مش فيكي انتي
سونه ليه مش قادر تديني فرصه دره قدرت تديك ايه انا مقدرتش اديهولك
كرم هتصدقيني لو قولتلك ان حتي دره ملهاش ذنب في اللي انا فيه اوعي تفكري يا سونه ان رفضي للجواز طول السنين دي عشان أتعقدت ولا عشان لسه بنحب دره كل الحكايه ان قلبي محبش تاني بعد دره مش هنكدبوا عليكي يمكن حياتي وقفت شويه بعد دره بس كمان محدش أجبرني نوقف حياتي انا كنت مرتاح كده ولازم تعرفي ان لو كنت اديت نفسي فرصه كان ممكن احب غيرها وكان زماني معايا عيال طولي بس حتي لو الكل شايف اني رافض الجواز عشان اللي حصل فا ده نصيب ومكتوب بمزاجي او ڠصب عني كنت هنفضل قاعد من غير جواز ومن غير حب فهماني يا سونه
سونه فهماك بس جه الوقت اللي تدي روحك فرصه يا كرم وانا بنقولك انا اهو موجوده وصدقني هشيلك جوه عيني وقلبي وهخليك اسعد راجل في الدنيا وعمري ما هنزعلوك
كرم بتنهيده يا سونه افهميني انا مش رافضك ولا رافض الجواز عموما بس مش قادر
سونه طيب خلاص اهدي وادي نفسك فرصه وفكر يا كرم وانا هنستناك تفكر بدل اليوم ألف يوم متردش الوقت يا كرم عشان خاطري خد وقتك طيب اقولك
ادي نفسك فرصه تعرفني اكتر احنا صحيح نعرفوا بعض من زمان بس عمرك ما عرفتني من جوايا واقولك كمان مش هنعرفوا اي مخلوق باتفاقنا انت بس حاول تعرفني من جوه يا كرم مش يمكن لو عرفت سونه واللي في قلبها ليك تحبني ربع الحب اللي بنحبهولك صدقني مش