ابن ليل لأميرة اسامة

ابقي اعرف من كل واحد فيهم ايه اللي ناقصه وروح جيبه
حسن خلاص تمام هنخلع انا بقي عشان منتأخروش عليه
بكر تمام حسن خلي بالك عشان خاطري 
حسن بإبتسامه حب متقلقش يا خال هنخلص معاه ونرجعلكم علي طول 
بكر تمام يلا بالسلامه
حسن سلام 
نزل حسن ودخل بكر علي جوه عشان يعرفهم سونه كانت ماسكه سماح من ايدها عشان تخرج تمشيها شويه 
بكر علي فين هتمشي الوقت خلاص
سماح بضحك نفسي والله بس هنتمشي شويه مع سونه 
بكر طيب تمام براحه عليها يا سونه بنقولك صحيح يا سماح الولا حسن قالي هيخطف نفسه بسرعه كده يروح
يجيبلكم ملازم عشان لما تخرجوا تبدأوا تذاكروا بقي 

دعاء شوف الواد بيغطس من غير ما يقول 
سماح طب مش يسألنا الاول راح كده من غير ما يعرف عايزين ايه 
دارين ايوه صح كان عرفنا هو مش عارف المواد بتاعتنا وانا محتاجه كذا حاجه 
بكر لا ما هو قالي هيروح يشوف المراجعات نزلت ولا لأ ولو نزلت هيكلمكم من هناك تعرفوا اللي محتاجينه 
سماح ماشي يا حسن لما نشوفك 
سونه يلا اخرجي وبعدين الحق عليه بتستحلفيله كمان 
خرجوا بره مع بعض سونه وسماح وبدأت تمشيها شويه 
جات دره تبص عليهم هي وكرم لمحت حسن مش موجود بصت لبكر عايزه تسأله ومش عارفه الكل واقف استغلت ان كلهم بيتكلموا مع بعض قربت من بكر بهدوء 
دره حسن مشي يا بكر
حسن اه مشي من عشر دقايق 
دره هنخرج نكلمه بسرعه قبل ما يوصل
بكر سبيه بقي عشان ميتلخمش
دره مش هنقدر لازم نكلمه
بكر متقلقيش وصيته انا علي كل حاجه وهو عارف هيعمل ايه وهيروح فين مټخافيش عليه
دره بقلق ربنا يستر انا مړعوبه وبفكر نقوله يرجع وبلاش يروح
بكر بلاش ايه بطلي هبل هو رايح بصفته سواق مش بصفته يقربلنا يعني مټخافيش عليه خلينا نعرفوا عايزه في ايه
دره ربنا يعديها علي خير
بكر هتعدي متقلقيش 
دره يارب 
فضل كرم وراء هيما ودارين لحد ما قومهم يتمشوا شويه هما كمان
بص لدره وهو حاسس انها مش علي بعضها 
كرم مالك يا دره انتي كويسه 
دره اه بخير متقلقش
كرم امال ليه حاسس انك مش علي بعضك
دره لا خالص يا كرم انا بس بنفكر ازاي هناخد كام يوم اجازه ونسيب الحالات اللي معايا
كرم قولتلك متحمليش هم اصلا اغلبهم اللي خارج بكره واللي خارج علي مدار الاسبوع يعني متقلقيش انا معاهم وهنتابعهم بنفسي 
دره كرم هو احنا لما نخرج من هنا انت هتفضل هنا مش هتروح خالص انت من يوم الحاډثه وانت قاعد هنا 
كرم لا يا حبيبي اكيد هنروح انا اصلا الكام يوم دول قاعد عشانك انت والبنات والشباب بس لما تخرجوا بكره هنروح واكيد هنرجع تاني يعني هنفضل رايح جاي
دره طيب وشغلك التاني
كرم لا شغل الجزاره هستني عليه كام يوم تكون الحالات كلها خرجت واطمنت عليهم
دره بس انت هتروح بكره عشان ترتاح شويه كفايه عليك كده
كرم هنروح متقلقيش وبكره باذن الله لما نروح نقضي اليوم كله راحه وتاني يوم هنيجي علي المستشفي وعلي الساعه خمسه ولا سته هنقابلك
دره تقابلني ليه وهنروح فين
كرم ليه عشان احنا لسه متكلمناش يا دره واظن جه الوقت اللي تعرفي فيه كل اللي حصل وتعرفي اخر حاجه مخبيها كرم الرفاعي عنك واكيد الكل ليه نفس الحق في انهم يعرفوا ليه خبيت حوار دكتور كرم ده اما بقي هنروح فين خليها بعد بكره وهتعرفي هناخد مشوار بسيط نخلص في موضوع صغير وبعدين اخدك ونرجع علي عندكم وهنتجمع كلنا ونحكيلكم كل حاجه وبعدها كرم الرفاعي هيرجع كتاب مفتوح ليكي 
دره كرم لو انت فاكر اني شاغله بالي بالحوار ده تبقي غلطان اكيد عندي فضول اعرف بس لازم تعرف حاجه مهمه لو انت فاكر ان الموضوع ده ممكن يكون مزعلني تبقي مش عارف دره كويس
كرم عارف انك مش زعلانه يا دره وعارف كمان انك مبسوطه وحاسه ان هم من علي قلبك اتشال واحساسك بالذنب من ناحيتي راح بعد ما عرفتي ان حلمي قدرت اوصله 
دره بإبتسامه بتعرف اللي جوايا من غير ما نتكلم يا كرم 
كرم بحب انا مش ليه عارفك امبارح يا دره اللي جوه قلبك واللي جوه عينك ديما بقراهم وبحس بيهم المهم احنا علي معادنا بعد بكره وجهزي نفسك بقي عشان هيبقي في شويه مفاجآت حلوه
دره ربنا يستر من مفجآتك دي
كرم متقلقيش يا قلب كرم
دره طيب يلا خلينا نروح نشوف شغلنا 
كرم يلا يا حبيبي 
في الخارج عند سونه وسماح 
سماح بتعب كفايه يا سونه خلينا ندخل
سونه احنا لاحقنا اتمشي شويه عشان تخفي بسرعه
سماح طيب خلاص روحي انتي ارتاحي وانا هتمشي شويه والله
سونه ادخل واسيبك وبعدين انا يعني تعبانه في ايه ما انا طول الوقت مرتاحه
سماح صحيح مريم عامله معاكي ايه نسيتي انتي تربيه العيال الصغيره اكيد مجنناكي
سونه لا والله خالص البت هاديه ومش بتتنقل من مطرحها بديها شويه اللعب بتوعك بتفضل تلعب بيهم لحد ما تنام 
سماح بإبتسامه احيه عليكي بتفرطي في لعبي يا سونه
سونه لعبك زي ما هي البت معملتش فيهم حاجه وبعدين انتي صغيره ده انتي بقيتي عروسه خلاص
سماح انا بهزر طبعا خليهم معاهم علي الاقل تتبسط شويه كفايه انها مش مع ابوها انا قولت هتجننك خصوصا وقت النوم
سونه لا خالص احنا بقينا صحاب ومريم عشريه وبتحب الناس خدت عليا بسرعه وانا والله حطاها في عيني وجعت قلبي بس قبل ما تنام لازم اتصل بيها تكلمه
سماح ربنا يشفي اخوها ويرجعوا يتلموا من تاني صراحه الله يكون في عونه صعبان عليا اوي
سونه اه والله محترم اوي والدنيا جات عليه ملاحقش يفوق من حزنه علي مراته اتوجع علي امه وابنه بس إن شاء الله يعدي الفتره دي ويصبره بقي
سماح يارب
سونه بنقولك ايه تعالي نقعد هنا شويه عايزه نتكلم معاكي
سونه تعالي
راحوا قعدوا مع بعض علي الكراسي بصتلها سونه بحب 
سونه حقك عليا يا سماح اوعي تكوني لسه زعلانه مني 
سماح بحب ومن
امته وانا بنزعلوا منك يا سونه انتي اللي متزعليش مني انا عارفه اني زعلتك اوي يومها وقولتلك كلام ميصحش اني نقوله
سونه بالعكس انا مش زعلانه منك يا سماح كلامك ده فوقني انتي كان معاكي حق في كل كلمه بس انا اللي كنت محتاجه نسمع كلامك ده عشان نرجعوا لعقلي من تاني وكانت تتقطع ايدي قبل ما تتمد عليكي يا سماح
سماح بعد الشړ عليكي متقوليش كده يا حبيبتي
سونه كنت ھنموت عليكي يا بت لما عرفت انك في الحاډثه كان برج من عقلي هيطير ولما شوفتك قصادي روحي كانت بتنسحب مني وحسيت ان انا السبب في كل اللي حصلك ده 
سماح انتي السبب ايه بس يا سونه يعني انتي اللي عملتي الحاډثه وقلبتي الترام ده نصيب يا حبيبتي وانتي ملكيش ذنب في اي حاجه وسواء كنا اتعاركنا مع بعض او لأ بردوا كان هيحصل اللي حصل يعني انتي ملكيش دعوه 
سونه المهم لازم تعرفي حاجه مهمه اوي انتي عارفه انك حته من قلبي بس بعد ما حسيت انك ممكن تروحي مني اكتشفت ان مفيش اي حد في الدنيا يقدر يشاركك في حبي واني بحبك اكتر من اي حد في الدنيا
ابتسمت سماح بحب وباست ايدها 
سماح علي فكره بقي انا عارفه انك بتحبيني اكتر من اي حد في الدنيا بس كنت عايزه اضايقك
سونه من غير ما تضايقني ولا اضايقك انتي بس لازم تعرفي ان مفيش حد في الدنيا ممكن يتحط في اي مقارنه معاكي يابت انا قلبي شافك قبل عيني ما تشوفك وعشان اثبتلك انا بحبك قد ايه انا كمان كنت بنضايقك او كنت بنطلع همي عليكي وانا مرفضتش حسن عشان هو وحش ولا عشان اي حاجه كل الحكايه اني كنت مضايقه شويه او كنت
لسه مفوقتش لنفسي بس انا عارفه ان انتي لحسن وحسن ليكي وبس نخرجوا من هنا وتقومي علي رجلك من تاني هنستناهم عشان يجوا يطلبوا ايدك مني 
سماح پصدمه وفرحه بجد يا سونه انتب بتتكلمي جد
سونه بإبتسامه طبعا بنتكلموا جد يابت يعني انتي كنتي فاكره اني هنفضل منشفه راسي كده ده انا نفسي نفرح بيكي انهارده قبل بكر بس تقولي ايه للشيطان
سماح انا بحبك اوي يا سونه
سونه وانا بحبك اكتر يا احلي عروسه في الدنيا
حسن ابن حلال وباين انه بيحبك اوي ودعاء وعبدالله طيبين ومش هنلاقي نسب زيهم
سماح ولا هما هيلاقوا حد في طيبه قلبك يا احلي ام في الدنيا
وصل حسن قدام الفندق واول ما وصل كلم يوسف 
حسن الووو ايوه ياباشا 
يوسف ايوه يا ابو علي وصلت
حسن اه يا باشا وصلت خلاص انا قدام الفندق مستني جنابك 
يوسف طيب بص يا ابو علي ادخل استناني في اللوبي جوه وانا هنزلك حالا واطلب حاجه اشربها لحد ما اجي 
حسن بإصطناع ندخل فين يا باشا حضرتك عايزني ندخلوا الفندق
يوسف اه استناني جوه مش قولتلك اني عايزك في موضوع اكيد مش هنتكلم في الشارع 
حسن اه طبعا اكيد بس انا كنت فاكر اننا هنتكلموا بره في اي مكان 
يوسف انا قولت خلينا في الفندق احسن انت عندك مشكله يعني انك تدخل
حسن لا لا مفيش مشاكل ولا حاجه الحمد لله انا بس مليش في جو الفنادق ده خالص والكدب خيبه يا بيه انا عمري ما دخلت فندق اخري نستنوا الزبون بره وهو ينزلي و أوصله علي المكان اللي يقولي عليه 
يوسف بإبتسامه طيب يا سيدي واهو جالك يوم وهتدخل الفندق تقعد وتشرب حاجه كمان 
حسن كله بفضلك يا باشا بس متأخذنيش يعني عشان منعرفش هو انا ادخل كده عادي هيدخلوني يعني من غير بطاقه ولا فلوس ولا حتي انك تنزل تاخدني 
يوسف بضحك لا واضح فعلا انك مدخلتش فندق قبل كده يا حسن ادخل يلا ومتحملش هم محدش هياخد منك اي حاجه انت بس أسأل علي مكان اللوبي وانا هنزلك حالا
حسن بإبتسامه أمين يا باشا حالا هندخلوا وهنستنوك 
يوسف تمام سلام يا ابو علي
حسن سلام يا باشا 
قفل حسن وبص للموبايل بقرف
حسن فندق ايه يا معفن انا دخلت فنادق بعدد شعر راسك بس يلا ملحوقه شربتها يا كروديا
اتصل حسن علي بكر 
بكر ايه يا حسن في حاجه ولا ايه
حسن لا كله تمام انا بنتصل بيك بس عشان نطمنك لسه واصل اهو وكلمته بس قالي ندخل جوه وهو هينزلي في اللوبي بتاع الفندق هنتكلموا جوه 
بكر طيب حلو اوي الحمد لله وزي ما دره قالتلك اي حاجه يطلبها منك متحسسوش انك اڼصدمت او اتاخدت خليك هادي وقوله اديني وقت
حسن متقلقش عليا كله تحت السيطره المهم الوقت انا هنعمل موبايلي صامت عشان محدش يتصل بيا وانا معاه واول ما نخلصوا معاه هنعرفك وطمن دره
بكر طيب تمام خلي بالك من روحك
حسن ماشي يا خال يلا سلام الوقت
بكر سلام 
قفل حسن صوت الموبايل ودخل علي جوه طلب قهوه واستني يوسف ينزل مفيش دقايق وصل الويتر في نفس الوقت اللي وصل فيه يوسف
يوسف مساء الخير يا ابو علي
حسن مساء الفل يا باشا 
يوسف بص للويتر قهوه مظبوط من فضلك
الويتر تحت امرك حالا
قعد يوسف وشاور لحسن بأيده 
يوسف اقعد يا ابو علي 
حسن اتفضل يا باشا قهوتي انا كمان
بنشربوها مظبوط 
يوسف لا اشرب انت هو هيجبلي
حسن والله ولا يمكن
يوسف يا سيدي سيبك من القهوه الوقت وخلينا في المهم 
حسن تحت امرك يا باشا أؤمرني 
يوسف لو قولتلك اني عايزك في مهمه بسيطه