ابن ليل لأميرة اسامة

يا دارين هقولك علي حاجه اللي حصل بين مامي وبابي ميوجعش مامي بس ده يوجعنا احنا كمان بابي اتخلي عننا زي ما اتخلي عن مامي باعنا زي ما بعها ويمكن كمان احنا اقوي مش قصدي اقلل من ۏجع مامي بس الست ممكن تتعوض بست غيرها لكن الولاد مش هيتعوضوا حتي لو خلف غيرنا هنفضل شايلين اسمه ومسؤولين منه بس هو تخلي عن المسؤوليه دي والمصېبه ان ادم عار كل ده ول ما يبقي جنبك بيضغط عليكي اكتر اللي بيحب بجد يا دارين مبيساومش اللي بيحبه مبيضغطش عليه مبيبقاش سبب وجعه ودموعه اللي بيحب بيخلق الف عذر للي بيحبه و بيستحمله لكن ده ما صدق ومستناش حتي وقت بسيط عشان يقول اللي عنده ده من وقت ما جينا وهو

بيطلب منك ترجعي وهو عارف ان ده مستحيل يبقي ده شخص بيتلكك يا دارين ومينفعش ابدا تنزلي دمعه واحده عليه 
انا خلصت كلامي وحتي لو زعلتي مني هتعرفي بعد كده ان انا بحبك ومش حابه اشوفك كده ياريت تفوقي لنفسك انتي عندك قلبك مش اي حد يستاهل انه يملكه ومش بقول كده عشان انتي اختي بس دي حقيقه يا دارين انتي حد نضيف وطيب ومحترم وفيكي صفات كتير جميله بس أسوء صفه فيكي هو الضعف وانا محبش اخواتي يكونوا بالضعف ده
سابتها دارين وخرجت راحت علي اوضتها فضلت ديما واقفه ثواني تبصلها بحزن وبعدين خرجت هي كمان وسابتها
فضلت دارين ټعيط وكانت عارفه ان كل كلام دانه هي عندها حق فيه 
بعد حوالي اربع ساعات كانت العشاء بتأذن رجعت دره بدري مكانش في شغل كتير
لمحت كرم واقف ماسك الموبايل وساند علي ضهر المحل
بصت عليه بطرف عينها وراحت علي محل ابوها
دره سلام عليكم
زكريا وعليكم السلااام ورحمه الله وبركاته حمدالله علي سلامتك ياكتوره
دره الله يسلمك يا حبيبي
عبدالله بأبتسامه جميله ايه يابت الحلاوه دي
دره بضحك طالعه لاخويا حبيبي
عبدالله يا شيخه حرام عليكي انا قمر كده 
حسن افضلو عاكسو في بعض ولا كأني واقف جنبكم
عبدالله طيب احنا أخوات وبنعاكس بعض انت بتدخل فينا لينا
دره رخم اوي 
حسن ليه كده بس يا عمتيييي
دره ولااااا ايه عمتي دي عمتي في عينك
حسن 
زكريا يلا اطلعي ارتاحي شويه وهنحصلوكي
دره هنطلعوا اهو البنات فوق ولا تحت
عبدالله تحت عند امك واخدهم وواقفه في المطبخ وقالبين الدنيا فوق مع بعض
دره وصوت بلبله لسه مجابش اخر الشارع منهم
عبدالله لا ربنا هاديهم بس طلعت من شويه كانت قفشاهم تحت رجلها وبتعملهم ضفاير في شعرهم عشان ميقعش في الاكل
زكريا متقلقيش عليهم اندمجوا خلاص مع بعض
دره ربنا يهديهم يارب طيب يلا انا هنطلعوا ومتتأخروش
عبدالله ماشي يا حبيبتي 
منكش الف سلامه عليكي يا دكتوره عرفت اللي حصل انهارده وزعلت والله
دره بإبتسامه الله يسلمك يا منكش الحمد لله جات سليمه
منكش وانتي طول ما انتي في الشارع هتيجي سليمه ده الخلق هنا كلها عينها وحشه اكيد خدتي عين
دره وهناخدوا عين علي ايه بس يا منكش ده نصيب
منكش تاخدي عين علي ايه طب ده انتي معاكي 3 بنات يحلوا من علي حبل المشنقه وياريت علي كده وبس ده انتي اللي يشوفك بقول اختهم
عبدالله عرفنا يا ابن الفقريه العين خدتها من مين
دره كنت هقولوا والله بس خۏفت يزعل
منكش لا ملكيش دعوه بالمعلم عبدالله انا عيني بارده 
حسن لا واضح يا منكش انا بقول اطلعي بدل ما حد يحدف عليكي حاجه تجيب أجلك 
دره انا طالعه اهوسلام يا منكش
منكش حط ايده علي كتف حسن ايوووووه يا جدع شايف أسمي طالع من بوئها حلو ازاي
حسن احيه انت بتعاكس عمتي وانا واقف
منكش طب ما ابوك وجدك واقفين ومعملوش حاجه خدتها علي صدرك ليه دي حيالله عمتك
زكريا ياولا اتلم في يومك الازرق ده هنعلقوك علي باب الدكان والله
عبدالله طب حتي عاكسها بينك وبين روحك مش قدام ابوها واخوها متبقاش مغفل
منكش ونكتموها في صدري ترضهالي يا سيد المعلمين
عبدالله انا بنقول لازم تتجوز بقي كفايه عليك لحد كده
منكش لو الدكتوره العروسه انا موافق ومتخافوش عليها انا راجل كسيب وصاحب قهوه 
زكريا بقيت صاحب قهوه امته يا معفن
منكش لا ما انتوا وافقوا الوقت والصبح كلنا هنبقوا بنصلوا صلاة الجنازه علي روح المعلم صبري وعشان معندهوش ورثه القهوه هتبقي من نصيبي
عبدالله بضحك تصدق بالله لو الراجل ده جراله حاجه انا اول واحد هنبلغوا عنك عايز تقتله ياولا
منكش ايوووه عليك انت مش ليك اختك تعيش متهنيه هو اكل وبحلقه
حسن سيبك منه يابا الكلام معاه بيعطل اكل العيش يلا اتكل يا منكش
منكش بتكلم جوز عمتك كده
حسن بضحك امشي ياولاااا
منكش جري وعندك واحد شربات وصلحوووو
فضلوا يضحكوا عليه وبعدين دخلوا عشان يقفلوا المحل 
دره وقفت تاكل كانت مېته من الجوع طيب هاتوا حته من البسبوسه ريحتها فظيعه
نبيله لا هتسد نفسك خليها بعد الاكل
دره طيب ادوقها طيب
نبيله قولت بعد الاكل يلا اطلعي غيري وتعالي
دعاء لما تاكلي هديكي اكبر حته
دره ماشي يا ستي صحيح هي فين اختكم
نبيله هربت مني قال نايمه قال بنت مين يعني ما هي طلعالك 
امكم علي طول كانت تهرب من عمايل المطبخ والبيت
دره متصدقوهاش يابنات هي طول عمرها كده مبيعجبهاش العجب ولو فضلتي واقفه جنبها طول اليوم تساعدي فيها وجيتي أرتاحتي خمس دقايق هتقول انك موقفتيش معاها وانها عملت كل حاجه لوحدها
نبيله انا يابت 
دره اه انتي 
ديما لا حرام والله
كانت لسه بتقولنا انتوا تعبتوا انهارده معايا
نبيله قولولها 
دره ده عشان لسه فرحانه بيكم ادوها يومين وهتقفلكم بأبو ورده ولو مجابش نتيجه هتجهزلكم أجدعها ربع أسكندراني
نبيله أمشي يابت من وشي خروجها من المطبخ
دره بضحك هنطلعوا نغيروا ونيجي بسرعه
دعاء متتأخريش
دره حاضر 
طلعت دره علي فوق حطت شنطتها في الاوضه وخدت غيار عشان تدخل تاخد دش خرجت من اوضتها وراحت لدارين عشان تصحي وتفوق وبعدين ينزلوا مع بعض
فتحت دره الباب بعد ما خبطت كانت دارين قاعده علي السرير ودموعها لسه أثرها باين علي ملامحها 
دره الله طيب ما القمر بتاعي صاحي اهو امال اخواتك بيقولوا نايمه ليه
دارين احممم ااا انا صحيت الوقت يا مامي
دره بأستغراب دارين انتي معيطه ولا تعبانه
دارين بإرتباك اا لا خالص ولا ده ولا ده بس كنت نايمه يا مامي
قربت دره منها وقعدت علي حرف السرير وبصتلها
دره شكلك مش نايم يا دارين وبعدين وشك باين عليه انك زعلانه ومعيطه كمان انا هتوه عنك يا دارين قوليلي في ايه 
بصتلها دارين وبسرعه دموعها نزلت كأنها ما صدقت حد يتكلم معاها عشان ترجع ټعيط
دره پخوف ايه ده في ايه يا دارين مالك ياروحي
دره بحب طبطبت علي ضهرها اهدي يا دارين قوليلي مالك مين مزعلك حد من اخواتك ضايقك
دارين لا
دره طيب بلبله او اي حد تحت قال حاجه زعلتك حصل حاجه في الجامعه من اي حد قوليلي في ايه متقلقنيش
دارين انا تعبانه اوي يا مامي قلبي واجعني اوي
دره سلامت قلبك يا قلبي ابه اللي مزعلك اوي كده احكيلي
ره احكيلي يا دارين 
دارين هقولك بس مش عيزاكي تزعلي مني
دره عمري ما هزعل منك ابدا
دارين حضرتك فاكره ادم زميلي في امريكا
دره اكيد ماله
دارين بإحراج بصت علي الارض انا وادم يعني كان في بينا ااا يعني هو كلن بيحبني وانا كمان كنت معجبه بيه وحبيته عارفه انك ممكن تزعلي عشان خبيت عليكي بس مكنتش حابه اقولك وقتها كنت خاېفه ترفضي بس والله عمري ما تجاوزت حدودي معاه يا مامي
دره بإبتسامه حزينه عارفه ياروحي من غير ما تحلفي انا بثق فيكي انتي واخواتك وبعدين لو كنت عرفت اكيد مكنتش هرفض الحب مش عيب بس يعني لو كنت عرفت اكيد كنت هبقي مطمنه عليكي اكتر
دارين كنت هقولك بس كنت مستنيه الوقت المناسب
دره طيب وايه اللي حصل يخليكي مضايقه بالشكل ده
دارين ادم كان عارف الفتره الاخيره كل اللي بيحصل معانا في البدايه كان عادي بس لما عرف اننا هننزل خالص اتغير شويه بس قولت هو اكيد
زعلان اني هسافر واسيبه ولما جينا هنا معملته اتغيرت اكتر وبدأ يقولي لو عايزه علاقتنا تكمل يبقي ترجعي في الاول قالي انه هيبقي ينزل في الاجازه ويشوفني بس لما عرف اننا مستحيل نرجع اتغير خالص وبقي حاطت شرط لتكمله علاقتنا اني ارجع قولتله مستحيل اسيب مامي واخواتي ولو انا وافقت مامي مش هتوافق كمان كدب عليا في يوم كنت بسأله انت خارج قال لا هيفضل في البيت بعدها بكام ساعه عرفت انه راح عيد ميلاد صاحبه انا مش مضايقه انه راح لان ده طبيعي بس مضايقه عشان كدب ومس بس كده كانت متصور مع بنات صور مش لطيفه وكان في ايده كاس وهو كان معرفني انه مش بيشرب ولا عمره هيشرب بس كدب بردوا انهارده كلمني وقالي اننا مش هينفع نكمل خلاص وانه مش هيعطل حياته عشاني وكل واحد فينا بقي ليه حياته ومش هيقدر يستمر في علاقه وانا مش موجوده جنبه حتي مدانيش فرصه اتكلم وقفل وبعد ما قفل اتصلت عليه لقيته عاملي بلوك من كل مكان اقدر اوصله فيه انا موجوعه اوي يا مامي انا عمري ما عملت معاه حاجه وحشه وعمري ما تجاوزت حدودي في حاجه تغضب ربنا عشان يكون ده عقاپي بالعكس انا خليت ادم يواظب علي الصلاه خليته بعد عن طريق الشرب والخمور كنت بكلمه كتير عن الدين وعن الحلال والحرام هو اه مسلم بس في حجات كتير كانت واقعه منه بسبب المجتمع اللي هو منه يعني انا كنت معاه شخص بيعينه علي نفسه مستاهلش العقاپ ده من ربنا يا مامي
دره ابتسمت وهي دموعها نازله مسكت ايد دارين باستها بحب وبعدين مسكت كفها بين ايدها اولا لازم تعرفي اني مش زعلانه منك اه انتي خبيتي عليا ودي اول
مره تحصل بس عشان انا واثقه فيكي زي ما قولتلك وعارفه انك مش بتعملي حاجه غلط مش هقدر ازعل منك ثانيا لازم تعرفي ادم لو بيحبك زي ما بتحبيه يمكن اه كان زعل عشان انتي هتسافري ومش هتبقي جنبه بس كمان زعله مكانش هيبقي لدرجه انه يبعد بالعكس يمكن البعد ده لو الحب فعلا موجود هيخليه يعمل كل حاجه عشان يرجع يقصر بينكم المسافه
صدقيني يا دارين المسافه عمرها مكانت طريق النهايه لاي اتنين بيحبوا بعض عشان الحب كفيل انه يقرب المسافات ويمكن انا اكبر مثال حي قدامك علي اللي بقوله ده المشاكل اللي كانت بين العيلتين وبيني وبين كرم كان سببها اصلا الحب انا مش بس كان بيني وبينهم بلاد انا كان بيني وبينهم سنين
ولما رجعت يا دارين بعد عشرين سنه وبعد مسافه اميال بين البلدين لقيت كرم لسه مستني شوفت لاول مره حبه ليا في عينه يمكن عمري ما شوفت الحب ده زمان بس مقدرش انكر ان حتي وهو في عز غضبه مني لمحت الحب جواه أدم معندهوش عذر يا دارين لان علي الاقل هو عارف انك كنتي مجبره وعارف كمان انك بتحبيه يعني المفروض يكون واثق انك مهما بعدتي هتفضلي تحبيه وقلبك مش هيحب غيره بس هو واضح انه مبسوط و ماصدق وللاسف