ابن ليل لأميرة اسامة

لسونه منعرفش ليه اضايقت وليه حسيت اني بنتخنق بصت علي ايدها وهي دموعها نازله
أنا غيرت عليك يا كرم ودي حاجه مس من حقي لا من حقي اغير عليك ولا من حقي احس باي شعور تجاهك لانك كنت معايا زمان وانا اللي بعدت اه بعدت عشان كان ليا اسبابي بس بعدت
للمره الرابعه يرفع كرم دقنها عشان تبصله وهي بتتكلم ومتهربش من مواجهه عينه ليها 
دره عشان كده يا كرم متلغبطه مش عارفه أفسر كل اللي جوايا ازاي احس بكل ده وانا زمان عمري ما حسيته 
انا خاېفه أجرحك ياكرم اه انا واثقه ومتأكده من كل اللي جوايا بس خاېفه يا كرم 

مسك كرم ايدها بهدوء باسها من كف ايدها بوسه طويله وبعدين مسح دموعها بكل حنان
كرم زمان جرحتيني وانتي مش بتحبيني يا دره وزي ما قولتي مكانش قصدك تجرحيني بس المرادي اي السبب اللي يخليكي تجرحيني وانتي مشاعرك أتغيرت عن زمان
دره يمكن مفيش سبب بس هو مجرد شعور بالخۏف مش اكتر وده عشان انا شايفه انك مينفعش تتجرح يا كرم فا بقيت خاېفه من اي تصرف ممكن يوجعك
كرم بس انتي مش هتوجعيني يا دره
دره واثق فيا يا كرم
كرم اكتر من روحي
دره ليييييه ليه يا كرم اديني سبب
كرم اللي جوايا من ناحيتك ملهوش أسباب يادره واظن لو مكنتيش حسيتي بيه مكانش كل اللغبطه دي
حصلت جواكي دره انا زمان كنت بحبك اكتر من روحي بس يمكن مقدرتش ابين ده وقتها شخصيتي حتي طباعي كانت مختلفه بس لما بعدتي يا دره علي قد ڠضبي منك علي قد ما حبك في قلبي كان بيزيد ويمكن الوقت قدرت اوصلك حبي ده لان زاد مش قل يا دره
دره بدموع طيب بس انا بردوا لسه مش فاهمه اللي جوايا يا كرم
كرم بحب بيتهيألي هو مفهوم يا دره بس انتي اللي مش قادره تستوعبيه انتي خاېفه يا دره
دره منك اكيد لأ
كرم واثقه فيا
دره طول عمري بثق فيك يا كرم
كرم طيب مجاش في بالك اني ممكن مثلا اوصلك لأنك تحبيني وبعدين أردهالك و أوجعك و أخليكي تجربي اللي حسيت بيه يا دره
بصتله دره وهي دموعها نازله وبعدين نزلت عينها بإحراج 
كرم بابتسامه جات في بالك صح 
دره يمكن ومش هنكدب عليك اټرعبت لمجرد اني اعيش نفس احساسك واتوجع بس قولت لو حصلت هيبقي حقك واكيد من وجعك حبيت توجعني وتردهالي 
كرم بنظره حزن اللي يجرب ۏجع يقسم قلبه نصين يا دره لا يمكن يفكر انه يدوقه للي بيحبه عشان اللي بيحب مبيوجعش يا دره ودي اول قاعده في قواعد الحب 
أطمني يا دره انتي بتجري في دمي ووجعك اللي ممكن تحسي بيه كفيل يمسح بقلبي بلاط العالم كله 
نزلت دموع دره بغزاره وهي بتسمع منه كل كلمه ومصدقاها
سحبها كرم لحضنه وضمھا بأيده بكل قوه حط ايده علي شعرها وباسها من جبهتها بحب بحبك يا بنت قلبي
غمضت دره عينها و بكل تلقائيه بعد كلمتة لفت دراعها علي وسطه وحضنته
وانا حبيتك يا كرم 
بص كرم للسماء وخرجت منه تنهيده طوييييييله زي اللي كان نفسه رايح وما صدق لقي الهواء 
كرم أخيرااااا يا دره تعبتي قلبي معاكي حرام عليكي
دام الصمت بينهم وقت طويل وفضلت دره في حضنه الاتنين كانوا طايرين من السعاده بس سعادة كرم كانت تكفي اضعاف العالم 
لعب كرم في شعرها بشقاوه وهو بيبوسها من جبهتها
كرم ساكته ليه
دره مبسوطه وبنفكر
كرم امممم طيب مبسوطه وعرفنا السبب بس بتفكري في ايه بقي
دره هو احنا المفروض كده نعملوا ايه 
كرم والله شيطاني مش ساكت وقاعد بيقولي قوم خدها من أيدها اكتب عليها واحبسها في اوضتك عشرين سنه وعوض اللي فات بس الملاك اللي جوايا بيقولي أهدي لما عدتها تخلص
ضحكت دره وبعدين رفعت راسها وبصتله 
دره انا أشك انك جواك ملاك يا ابن
الرفاعي
كرم لو مفيش جوايا ملاك مكانش زماني عاتقك يا بت الجمال
ابتسمت دره بإحراج وبعدين بصت في عينه بحب تعرف انك بقيت حلو اوي لما اتغيرت كده زمان كنت رخم وساكت 
كرم بضحك مش بنقولك انتوا نسوان ملكوش كتالوج متحبوش الراجل السالك المحترم
دره بضحك لا بس بنحب الراجل المچنون اللي مش بيخبي مشاعره
كرم بغمزه يتقفل علينا بس باب واحد وانا مش هنخبي عليكي أي حاجه
دره ضحكت بإحراج وخبت وشها في حضنه 
سكتوا شويه وبعدين نادت عليه
دره كرم
كرم عيونه
دره هو احنا هنقولهم علي اللي حصل بينا ده 
كرم انتي مش عايزه تقوليلهم ولا ايه
يا كرم يقلق مني او يحس اني ممكن نوجعك تاني
كرم انا معنديش مشكله بس انا مش عايزك تفكري بالطريقه دي انتي عارفه انهم بيحبوكي وكلهم بيتمنوا اننا نبقوا مع بعض
دره عارفه وانا كمان بحبهم بس هما ليهم حق فيك وخوفهم عليك وعلي مشاعرك مش تقليل او تشكيك في حبهم ليا بس انا عايزه الكل يكون متطمن وكمان يتأكدوا ان المرادي وضعنا مع بعض غير زمان والاهم زي ما قولت انا لسه في العده يا كرم ولسه خارجه من تجربه مش بسيطه وده ممكن يشكك الكل فيا اكتر يعني ممكن يفكروا اني بهرب من تجربه فاشله وبروح لتجربه تانيه أو يفكروا اني ۏجعي بيلم بسرعه وحقهم محدش فيهم ممكن يصدق اللي حصل جوايا في الفتره البسيطه دي يا كرم
كرم بس انا صدقتك يا دره وبيتهيألي دي اهم حاجه
دره بابتسامه وده كفايه عندي يا كرم انك تكون متأكد من اللي جوايا وانه مش مجرد هروب من تجربه وجعتني
لماقولتلك اني خاېفه اوجعك او اجرحك مكانش قصدي اني ممكن اوجعك بايدي بس لو اي حد قالك ياكرم انك بالنسبه لدره مجرد مسكن لۏجعها انا واثقه انك هتتوجع وانا مش عايزه اي حاجه ټوجعك
كرم بأبتسامه حب واللي بتقوليه ده لوحده كفايه عندي وبيأكدلي مشاعرك يا دره بس عموما انا معنديش أي اعتراض
دره خليني بس كمان نفهم البنات واحده واحده متنساش ان مهما اللي بباهم عملوا وجعهم اكيد ممكن ميتقبلوش ده بسهوله كمان انا ليا حق عند يوسف يا كرم ولازم نرجعه
كرم بتركيز رفع حاجبه حق ايه
دره حق كل حاجه خدها مني ياكرم انا مرضتش نقف قصاده في محاكم او اطالبه بحقوقي اللي خدها مني عشان خاطر البنات مكانوش عارفين كل حاجه بس بما اني انهارده عرفتهم كل حاجه فا بيتهيألي جه الوقت اللي نرجع حقي وتعبي اللي خده مني ومن بناتي
كرم مش هقولك سيبي حقك يا دره بالعكس هقف في ضهرك كمان لو ده ممكن يريحك بس بيتهيألي انتي مش محتاجه منه اي حاجه
دره اسيبله تعب السنين دي كلها يا كرم 
كرم هعوضك عن كل حاجه خدها منك وكل ۏجع عيشهولك
دره وانا عارفه انك هتعمل كده بس انت ملكش ذنب يا كرم
كرم لو حبي ليكي ذنب فا ذنبي اني بحبك يا دره وهعوضك عن كل حاجه
دره بس هفضل طول ما انا عايشه حاسه بۏجع وكل ما هفتكر تعبي ومجهودي هفتكر يوسف واللي عمله فيا وانا عايزه اقفل صفحة يوسف دي خالص يا كرم عشان دي كمان من الحجات اللي ممكن ټوجعك وانا مش عايزه اوجعك بسيرته وعايزه ارجع كل حاجه منه ويبقي خرج بره حياتي خالص هو مش انت لسه قايل ان دره مبتتغصبش علي حاجه ولو اتغصبت بتفضل غضبانه
كرم قولت يا دره بس انا مش عايز اي حاجه تجمعك بيه تاني
دره مفيش حاجه هتجمعني بيه المستشار القانوني بتاعي هو اللي هيخلص كل حاجه انا هنبقي من بعيد مش اكتر
كرم شوفي يا دره انا عمري ما هنطلب منك تعملي حاجه مش علي كيفك ولازم تعرفي اني هنفضل الضهر والكتف اللي بتتسندي عليهم لو هترتاحي كده معنديش اي مشكله انا مش عايز غير راحتك
دره بإبتسامه حب عارفه ياكرم المهم بقي في حاجه كمان
كرم رفع حاجبه طلباتك كترت يابت الجمال
دره بأبتسامه انا براحتي علي فكره
كرم طبعا طلباتك اوامر قولي يا قلب كرم
دره يعني عيزاك توعدني انك متعملش اي حاجه قدام حد تخليني اتلغبط
كرم بضحك لا موعدكيش ده انتي جيتي تحت ايدي يا شبر ونص
دره بضحك ودي كمان تبطل تقولها عشان
منزعلكش
كرم انا هنخلصوا منك القديم والجديد ولو تقدري تعترضي قدامهم اعترضي
دره يعني يرضيك تخليني واققه قدامك زي العيله الصغيره ومش عارفه نرد عليك قدامهم
كرم اه يرضيني ولو تقدري تردي قدامهم ردي انا مش ماسكك
دره بضحك متبقاش مستفز انت لسه واعدني نستنوا شويه لحد ما نعرفوهم
كرم بحب لف ايده علي ضهرها وضمھا في حضنه خلاص يا ستي نوعدك بس انا بنقولك اهو لو استفزتيني هنحطوا الوعد علي جنب
ومتلومنيش
دره لا خلاص مش هنستفزك 
كرم هنشوف 
دره علي فكره انت هتتعب عشان قالع التيشرت
كرم رفع حاجبه لسه فاكره يا حنينه ده انا هاخد شويه التهاب رئوي عنب
دره بضحك بعد الشړ بس علي فكره انا كمان لابسه تيشرت نص كم
كرم طب يلا قومي البسي زمان لبسك نشف وانا كمان هنلبس
دره بأبتسامه ماشي
قامت دره خدت لبسها ولبست وكرم كمان لبس هدومه خرجت دره بعد ما ظبطت نفسها بصتله بأبتسامه
كرم بغمزه ايه الحلاوه دي
ضحكت دره بإحراج وخدها احمر
كرم بحب ايه يلا عشان نرجعوكي
دره هنمشوا خلاص
كرم ايه مش عايزه والله انا معنديش مشكله و هناخدك جوه في الاوضه
دره بسسسس اسكت بلاش سفاله
كرم أسلكي مش اللي في دماغك نقصد ناخدك في حضڼي وننام انتي نمتي شويه وانا فضلت قاعد جنبك
دره طيب خلاص نمشي انت شكلك تعبان انهارده
كرم لو عليا انا لا تعبان ولا عايز نسيبك وخاېف نكون بنحلم بس صراحه بكر صعبان عليا شال كل حاجه فوق راسه انهارده
دره مش معاه هيما ومحمد واحمد
كرم لا مع بناتك والولا حسن
دره طيب خلاص حرام اكيد تعب 
كرم بنقولك ايه اليومين الجايين دول عايزك تحضري روحك
دره لايه
كرم في كام حاجه كده لازم تعرفيها
دره باستغراب حاجه ايه
كرم لا ده مش وقته
دره طيب بتقولي ليه يا مستفز هنفضلوا نفكروا لحد ما تقول
كرم وايه المشكله فكري اشمعني انا طول عمري بنفكروا
دره اممم بتردهالي يعني
كرم بضحك يعني حاجه زي كده
دره ماشي يا سيدي وانا موافقه
كرم يلا بينا 
دره سكتت شويه وبعدين هزت راسها
كرم بحب هتوحشيني
بصت دره جمبها وهي مبتسمه ووشها احمر
مسك كرم دقنها بأيده ورفع حاجبه وهو مكشر بنقولك هتوحشيييييني
ابتسمت دره وهي حاسه ان وشها بيطلع ڼار من كتر الاحراج 
خدها كرم ورجع بيها علي المارينا
كرم يلا بينا
دره يلا
كرم طب ايه مفيش حاجه كده قبل ما نرجعوا من الحلم ده
دره بضحك بعينك يا ابن الرفاعي كفايه عليك كده ويلا نزلني
كرم بحب ماشي يا قلب ابن الرفاعي بس ليكي يوم
ضحكت دره ومسكت في ايده ونزلت 
وللحديث بقيه 
أبن ليل
صاحبة البطل الواحد
أميره اسامه
البارت السابع والعشرين 
بعد ما البنات اتصالحوا وكل واحده فيهم اعتذرت للتانيه وقدروا يفهموا ان مهما يحصل مينفعش انهم يقفوا قصاد بعض كملوا قعدتهم مع الشباب والمود اتغير تماما من وقت للتاني دارين كل شويه تبص لهيما واول ما تشوفه باصص عليها بسرعه تبعد عينها هيما كان مبسوط عشان قدر يقول اللي في قلبه وعشان اتأكد قدر فعلا يتخطي اي ۏجع وعرف ان قلبه يقدر يرجع من تاني ويلاقي الحب اه دارين مقالتش حاجه ولا كان ينفع تقول لانها لسه محبتهوش وهو كان