ابن ليل لأميرة اسامة

ايد الكنبه وحطت راسها وغمضت 
مر حوالي ساعه الا ربع ودخل كرم بهدوء لقاها نايمه
سحب كرسي بهدوء حطه قدامها وفضل باصصلها و شارد وايده بتمشي علي ايدها بحب فاق من شروده علي صوت جاي من وراه 
انا كمان بحبها أوي زي ما انت بتحبها 
بص كرم وراه لمح ديما واقفه وراه ومبتسمه بهدوء 
وللحديث بقيه 

أبن ليل
صاحبة البطل الواحد
أميره اسامه
البارت الثاني والأربعون 
مر حوالي ساعه الا ربع ودخل كرم بهدوء لقاها نايمه
سحب كرسي بهدوء حطه قدامها وفضل باصصلها و شارد وايده بتمشي علي ايدها بحب فاق من شروده علي صوت جاي من وراه 
انا كمان بحبها أوي زي ما انت بتحبها 
بص كرم وراه لمح ديما واقفه وراه ومبتسمه بهدوء 
ديما بتحبها 
ابتسم كرم بإربتاك قعدت ديما بهدوء تحت رجل دره فضلت بصالها بحب وبعدين بصتله 
ديما مردتش ليه
كرم بصوت واطي علي ايه
ديما علي سؤالي بتحبها
ابتسم كرم و لأول مره يحس انه مش عارف يرد علي سؤال حد ديما لغبطته 
كرم يعني اكيد كلنا بنحبها
ديما بس ده مش رد علي سؤالي
كرم ابتسم و رفع حاجبه وبص بعيد وبعدين بصلها
ديما هو سؤالي صعب اوي كده
كرم بالعكس بس يمكن متوقعتهوش منك
ديما ليه عشان انا بنتها
كرم يمكن ويمكن كمان عشان مش متوقع رد فعلك لو جاوبت
ديما بإبتسامه هاديه بصت لدره مامي كانت ديما تقولي لما تتسألي سؤال صعب او سؤال متتوقعوش من شخص معين وتقلقي من رد فعله جاوبي بأول إجابه تطلع من قلبك لا تفكري في صعوبه السؤال ولا تقلقي من اي رد فعل ادام إجابته خارجه من قلبك عشان لو حاولتي تلاقي مخرج من السؤال الصعب هيجيلك السؤال اللي بعده أصعب ولو حاولتي تجملي إجابتك عشان تتلاشي رد فعل الشخص اللي قدامك هيبان إنك بتكدبي وهيقدر بسهوله يخرج منك إجابتك الحقيقيه بس وقتها مش هيبقي عندك فرصه تقوليها بالطريقه اللي كانت هتخرج من قلبك ولسانك هو اللي هيقولها وهيفقد المعني الحقيقي للإجابه لأن ديما القلب اصدق من اللسان
ابتسم كرم بإعجاب وفضل باصصلها 
ديما طبعا انت الوقت مستغرب كلامي وحاسس انه اكبر من سني
كرم بضحكه جميله انتي ايه بجد واقعه من دره
ديما بإبتسامه لأ بس انا عمري ما خدت كلمه من مامي وعدتها بسهوله مامي ديما كلامها بيدخل جوه عقلي ومش بيخرج إلا في الموقف المناسب و الموقف ده انسب وقت لتطبيق كلام مامي 
كرم طيب قبل ما ارد علي سؤالك ممكن اعرف ايه هو الموقف اللي اتحطيتي فيه عشان مامي تقولك الرد ده ويفضل معلق معاكي اوي كده
ديما من كام سنه كنت لسه صغيره وجالنا مدرس ماث بدل المدرس اللي كان بيدينا من بدايه السنه و بعد ما شرح الدرس في نهايه الحصه سأل كل الكلاس وقوم واحد واحد وسأله فهمت مني الدرس
كرم وانتي قولتي اه طبعا مع انك مفهمتيش صح
ديما بإبتسامه بالعكس قولت قدام الكل إني مفهمتش وإني كنت بفهم من المدرس اللي اكتر 
بصلها كرم پصدمه وضحك 
ديما لما روحت حكيت لمامي وكنت حاسه اني مضايقه من نفسي وحسيت اني قليله الذوق
مامي وقتها قالتلي طيب لو الزمن رجع بيكي ونفس الموقف ده اتكرر كنتي هتعملي ايه قولتلها مش عارفه بس بيتهيألي اني كنت هعمل زي باقي زمايلي واحاول اقول اني فهمت
قالتلي لا مش صح اللي عنلتيه هو اللي صح يمكن السؤال كان صعب ولو كنتي حاولتي تهربي منه بطريقه شيك كان هيبان انك بتكدبي وقتها كان ممكن يسألك سؤال اصعب ويقولك طب اشرحيلي الجزء ده وساعتها مكنتيش هتعرفي تشرحي وهيعرف انك كدبتي ولو حاولتي تلاقي إجابه عشان تتلاشي رد فعله بردوا كان هيقدر بسهوله يعرف انك مش بتقولي الحقيقه فا ديما قولي اللي يطلع من قلبك ومتقلقيش ولا تخافي من اي حاجه و الشخص اللي قدامك مجبر يتقبل رأيك ويحترمه وانا لما سألتك السؤال ده كنت عامله حسابي اني أتقبل رأيك و أحترمه 
بصلها كرم بحب وفخر 
كرم انتي جميله اوي يا ديما وانا مش هتحرج منك و هتعرفلك ان اول ما سمعت سؤالك حاولت الاقي رد تاني وحاولت بردو اتلاشي رد فعلك بس يمكن مقدرتش لان اللي في قلبي لدره صعب اكدب فيه واه يا ديما بحبها بس حبي لدره مش حب عادي
ديما بإبتسامه عارفه إجابتك من غير ما تقولها يمكن سؤالي كان بس عشان اسمع إجابتك
كرم يعني انتي مش مضايقه
ديما خالص ومبسوطه كمان وخليني كمان اقولك علي اللي في قلبي بكل صراحه يمكن اول ما نزلنا مصر وشوفتك كنت بخاف منك اوي
كرم بضحكه جميله مني انا طب ليه انا حتي عمري ما ضايقتك انتي او اخواتك واول مره شوفتكم لما جيتوا عندنا كنت بتكلم معاكم عادي
ديما عارفه بس مش عارفه ليه كنت
بحس اني خاېفه منك يعني ممكن عشان اول مره شوفتك لما طلعت واتخانقت مع مامي بس بعد كده بقيت احس انك شخص كويس
كرم اولا انا اسف بجد علي طريقتي والصوره اللي خلتكم خدتوها عني بس انا مش شخص مؤذي والاهم اني لو اذيت الناس كلها مستحيل اذيي دره
ديما متتأسفش انا مش زعلانه لاني اتاكدت انك مش شخص وحش ولا شخص مؤذي ويمكن كمان انت اكتر حد في الدنيا بطمن علي مامي وهي معاك ومش بس مامي بصتله بتوتر ودموعها اتجمعت في عينها لكن منزلتش
انا بقيت اطمن علي مامي واخواتي وعلي نفسي وانت موجود ارجوك خليك ديما موجود
بصلها كرم پصدمه وتأثر وحزن ومسك ايدها بحب
كرم انا موجود يا ديما واوعي تخافي ابدا طول ما انا عايش انتي واخواتك و مامي في امان
ديما انا طول عمري حاسه بأمان وعمري ما حسيت اني خاېفه او قلقانه وجود بابي معانا كان ديما مطمني بس أصعب أحساس في الدنيا إن الشخص اللي كنت بتطمن علي نفسك معاه هو نفس الشخص اللي يخليك خاېف وديما قلقان هو نفس الشخص اللي يسرق منك الثقه في نفسك وفي الناس هو نفس الشخص اللي بعد ما كنت بتحس انك بني ادم طبيعي وسوي بسببه تبقي إنسان مهزوز وديما خاېف من كل حاجه
بس انت ظهرت في حياتنا واه كنت خاېفه منك بس بعد كده بقيت احس بالامان
في وجودك بدأت احس اني رجعت تاني طبيعيه مش مهزوزه يمكن لسه معنديش ثقه في نفسي ولا في الناس بس انا عندي ثقه فيك عشان انا عمري في حياتي ما شوفت حد بيحب بالشكل ده يمكن شوفت في عينك حب لمامي مشوفتوش في عين بابي نفسه خليك مع مامي وخليك معانا من فضلك
كرم بتأثر حس ان قلبه بيدق پعنف قبض علي ايد ديما اكتر انا عمري ما هسيبكم ولا عمري هبعد وهفضل ديما موجود يا احلي ديما في الدنيا 
ديما ابتسمت من بين دموعها هو انا ممكن اطلب منك طلب 
كرم طبعا انتي تطلبي من غير ما تستأذني
ابدا وعلي قد ما تصدمت علي قد ما قلبها كان طاير من الفرحه و قدرت تطمن من رد فعل اول واحده في بناتها 
اول ما بعد عن ديما اتقلبت دره بهدوء وبعدين فتحت عينها
كرم صحيناكي 
دره بإبتسامه هاديه لا خالص انتي كويسه
ديما بإبتسامه جميله الحمد لله 
دره الحمد لله انت لسه راجع يا كرم 
كرم اه جيت من شويه
دره دكتور عمرو عامل ايه
كرم تعبان اكيد انا قولتله يروح يرتاح شويه ويغير كده ولو حابب يجي يجي
دره كنت قولتله ياخد اجازه واحنا هنا بداله
كرم قولتله والله بس هو مرضيش قال كفايه يرتاح شويه ويغير وكنلن عشان مش حابب يكون بعيد عن ابنه وعشان يطمن علي مريم 
دره ربنا يعينه و يصبره
كرم يارب انا هنروح نبص علي منكش تيجي معايا
دره اه طبعا يلا ديما شويه وهنرجعلك تاني خلي بالك من اخواتك
ديما بأبتسامه عبيطه حاضر متقلقيش روحي واتأخري براحتك انا معاهم يلا شوفوا شغلكم
خلي بالك من مامي يا دكتور كرم ختمت كلامها بغمزه بسيطه لكرم
كرم بسعاده غمزلها في عيني متقلقيش 
ابتسمت دره ڠصب عنها علي شقاوة بنتها وبعدين خرجت هي وكرم 
بصتله دره اول ما خرجوا 
دره خير شيفاكم بقيتوا صحاب
كرم الله وانتي مالك بتغيري ولا ايه
دره لا وانا هنغير ليه ربنا يخليكم لبعض
كرم يارب ويبعد عننا الناس اللي عينها وحشه
دره لا والله تقصدني انا
كرم بضحكه هاديه وانتي خدتي الكلام علي نفسك ليه انا بأمن وراكي ولا عايزه العين تدخل بيني انا وبنوتي الصغيره
دره بصتله بحب بنوتك
كرم ايه عندك مانع انا ربنا رزقني بأربع بنات زي القمر اقول لا
دره بتنهيده حب بحبك يا كرم
كرم وانا بمۏت فيكي يا بنت الجمال وبطلي تبصيلي كده بدل ما يحضر 
دره بإبتسامه هاديه هو مين
كرم شيطاني 
دره ضحكت ومشيت جنبه وهي ساكته وصلوا قدام اوضه منكش ودخلوا
دخلت دره الاول
دره اهلا حمد الله علي سلامتك يا منكش 
منكش بإبتسامه تعب الله يسلمك يا دكتوره
دره عامل ايه الوقت طمني عليك
منكش زي الفل عشان شوفتك تصدقي بالله 
دره بإبتسامه لا إله إلا الله
منكش لو نعرف اني هنتعالج علي ايدك كنت رميت روحي تحت الترام من زمان
ضحكت دره ودخل من وراها كرم وهو رافع حاجبه 
كرم طب دماااااغنا وعدي يومك بدل ما نرقدك ومتقلقش مش هنحرمك من العلاج بس علي ايدي انا
بصله منكش پصدمه وفضل ساكت
كرم بإبتسامه وهو رافع
حاجبه ايه سكت يعني الترام داس علي لسانك ولا ايه
دره ضحكت وخبت وشها 
منكش دكتوره دكتوره
دره بضحك ايه يا منكش 
منكش هو ممكن الواحد بعد العمليه بيومين يحصله حاجه في دماغه
دره حاجه زي ايه
منكش يعني تخيلات وتهيؤات
دره ليه انت بيتهيألك ولا ايه
منكش فاكره احلام العصاري اللي قولتلك عنها 
دره بضحك اه فكراها 
منكش اهي رجعتلي تاني تتخيلي انها زادت معايا وحالتي بقت صعبه 
دره ايوه بتشوف ايه احكيلي
منكش شوفت المعلم صبري جالي مرتين لا وايه جاي وجايبلي عصير
دره طب وانت مش مصدق ليه ماهو يمكن جالك 
منكش قولي كلام غير ده ده الجنيه لو طلع من جيبه ينصب صوان العزاء وبعدين سيبك من المعلم صبري تتخيلي اني شايف المعلم كرم دكتور
دره ضحكت انت مصېبه يا منكش 
كرم ايه ياولا مش عاجبك ولا ايه
منكش احيه لا وبيتكلم كمان
كرم بضحك تحب نعرفك انك صاحي وندخلك عمليات من غير بنج
منكش لا خلاص قلبك ابيض بس انا معذور يا ناس بنشوف حجات مينفعش نشوفها قولوا انكم متفقين عليا وده برنامج رامز جلال ولا حتي الكاميرا الخفيه بتاعت اديني عقلك
كرم بضحك حمد الله علي سلامتك يا مصېبه شكلي هنكتبلك علي خروج كمان  
دره حمد الله علي سلامتك يا منكش 
خرجوا الاتنين وسابوا وهما بيضحكوا ومنكش بيرفع راسه يبص عليهم 
منكش لا والمرسي ابو العباس دي الكاميرا الخفيه او انا مۏت وبنتحاسب
كرم مبسوطه اوي
دره حرام عليك جننته هو مش ناقص
كرم اديكي قولتي هو مش ناقص يعني هو مچنون خلقه 
دره تقوم تجننه زياده
كرم انا جيت جنبه هو اللي بيتلكك
دره كرم
كرم نعم
دره انا قلقانه علي دارين اوي وبفكر اعرضها علي دكتور نفسي
كرم ليه ده كله يا دره دارين بخير ومش محتاجه دكتور نفسي
دره بخير فين بس دي من امبارح علي نفس الوضع مش بتنطق وطول الوقت بټعيط وبتاكل بالعافيه
كرم طيب من امبارح مش وقت طويل عموما لو حابه أرشحلها دكتور كويس تمام بس اللي دارين فيه ده طبيعي الحاډثه مكانتش بسيطه يادره والبنات اول مره يمروا بحاجه زي دي فا