ابن ليل لأميرة اسامة

على قفايا 
دخلت سونه وقفت قدام باب الشقه
وهي رافعه حاجبها وفي ايدها فرده شبشب
فتحت سماح الباب بسرعه واول ما دخلت ولقتها في وشها اتخضت وحطت ايدها على قلبها 
سماح سونه خضتيني واقفه كده ليه وايه اللي في ايدك ده
سونه كنتي فين يابت
سماح بإرتباك ااااا انا اااا انا كنت بنجيب كارت شحن من الدكان تحت نسيت نقولك ان رصيدي خلص

سونه عليا انا يابت الكلب والمرسي ابو العباس يا سماح لو ما قولتي كنتي فين لا هخلي شبشبي يزغرط على نفوخك انطقي يابت
سماح ممممم ما انا قولتلك يا سونه
سونه يعني مكنتيش مع حسن الجمال يابت
سماح ححححسن
سونه اوعي تكدبي انا شيفاكي جايه من على الإمه وهو وراكي يعني مكنتيش بتجيبي كارت من الدكان زي ما قولتي
سماح اااا طيب انا هنفهمك انتي فاهمه غلط
سونه ملاقتيش يابت غير حسن يا سماح يابت دي عيله واطيه وقليلة الأصل خلاص مفيش واحد غيره ماله يابت محمد ولا احمد اشمعنى هو
سماح ااااه سيبي شعري طيب ايوه كنت مع حسن وايوه بنحبه يا سونه
سونه وبتقوليها في وشي يابت الكلب
سماح ايه مش طول عمرك بتقولي انك عايزه تفرحي بيا ماله حسن يعيبه ايه 
سونه ملاقتيش غيره تفرحيني بيه
سماح قلبي اختاره يا سونه زي ما قلبك
اختار كرم الرفاعي من زمان وانا عمري ما جيت حاسبتك ولا قولتلك بتحبي مين وبتختاري مين 
سونه وانتي يابت عايزه تحاسبي امك
سماح لا عيشت ولا كنت يا سونه بس كمان مش من حقك تجبريني احب حد غير اللي قلبي اختاره ومش عشان انتي بتحبي كرم يبقى تقربيني بالعافيه من ولاد اخته وبعدين احمد ومحمد دول اخواتي وولاد حتتي وعمري ما شوفتهم غير كده ولا هما كمان لانهم عارفين اللي بيني وبين حسن
سونه انا يا سماح بنجبرك تقربي منهم عشان كرم
سماح امال انتي بتعملي ايه يا سونه
سونه فكراني يابت هبني سعادتي على حسابك طب ده انا عايشه عشانك يا سماح
سماح ماهو لو مش بتعملي كده عشان كرم يبقى بتعملي كده عشان تغيظي ابله مها وفي الحالتين انتي هتبقي بتيجي عليا يا سونه
سونه يابت انا عمري ما جيت عليكي ولا استحمل اشوف حد بيجي عليكي بس مش حسن سبق وعمته باعت كرم وسابته وابوه نفسه خسر كرم بعد ماكانوا صحاب بسبب اخته حتى جده وسته خسروا عشرة عمرهم دول بياعين يابت و ملهمش امان
سماح الحدوته دي مبتخلصش بقي خلاص يا سونه دي فات عليها عمر بحاله وهما مش بياعين ولا حاجه وانتي عارفه كده كويس بس انتي عشان بتحبي كرم مش قادره تشوفي غير الحدوته اللي في دماغك ولو عمته باعت زي ما بتقولي هما لأ وحسن كمان لأ يا سونه انا عارفه ومتأكده انه بيحبني
سونه ولما هو بيحبك مجاش اتقدملك ليه يابت
سماح عشان انا وهو لسه بندرس انا فاضلي سنتين على المعهد وهو باقيله اخر سنه اللي هو فيها هيجي يتقدم ازاي الوقت بس
سونه ماشي يا سماح عموما خليني وراكي للأخر بس يكون في علمك من هنا وجاي لا في مقابلات معاه ولا حتى كلام ولو بيحبك وشاريكي بجد يجي لحد بابك ويخبط مفهوم يابت
بصتلها سماح وسابتها وراحت على اوضتها
سونه منك لله يا مها طبعا ما صدقتي تمسكي عليا انا وبنتي حاجه بس انا مش هنعديهالك
فتح حسن باب شقه سته
حسن امي امي يا دودو فين امي ياستي
نبيله ياواد طب ارمي السلام
حسن حبيبتي يا بلبله وانا نقدر منرميش السلام قرب منها باس راسها هي فين امي
نبيله في المطبخ بتعمل الاكل ادخلها 
دخل حسن المطبخ
حسن قرب من الثلاجه فتحها وخد ازازه مايه يشرب خير يا ست الكل ابويا قال انك عيزاني
دعاء بنظره ڠضب وبصوت واطي مش وقته ستك بره ومش ناقصين فضايح
حسن رفع ازازه المايه وبصلها فضايح ايه بس اعوذ بالله في ايه يا دودو ما تتكلمي
دعاء دودو في عينك يا حسن الكلب انت ياواد صحيح ماشي مع بنت سونه
حسن ايه
دعاء ايوه اعملهم عليا يا ابن عبدالله ايه اطرشيت انطق ياولا
حسن مين اللي قالك طيب
دعاء ده اللي فارق معاك يبقى اللي سمعته صح
حسن ياما طيب براحه و فهميني
دعاء نفهمك ايه ياروح امك الكلام عندك انت انا اللي عايزه نفهم انت بجد ماشي مع بنت سونه
حسن مسمهاش ماشي معاها ياما اسمها بنحبها
دعاء ضړبته في كتفه كمان بتقولها في وشي ومش هامك 
حسن وفيها ايه ياما بس مالها سماح
دعاء ملهاش كفايه انها بنت سونه
حسن ايووووه عليكيمش سونه دي اللي بتكلميها ومصحباها
دعاء ولا متغيرش الكلام انت عارف ابوك لو عرف هيعمل فيك وفيا ايه
حسن ابويا لا اطلعي انتي منها بس وسيبي ابويا عليا هو هيفهمني وبعدين هو فيه في طيبته
دعاء متعصبنيش يا حسن انا قولت كلمه ومش هتنيها تنسى البت دي خالص
حسن انسى ايه ياما بنقولك بنحبها
دعاء ياولا وطي صوتك ستك لو سمعت مش هتسكت 
حسن هو الحب بقى عيب ولا ايه 
دعاء اه في حالتك دي يا اخويا واختيارك عيب اسمع لما اقولك كله الا البت دي ياواد ده مفيش حد مبيتكلمش على سونه
حسن ومالها سونه بس عملت ايه غلط اتجوزت واتطلقت عادي ما نسوان كتير بتتجوز وبتطلق بتحب كرم الرفاعي والكل عارف وايه المشكله تحبه الحب مش حرام
دعاء خلاص بتدافع عنها كمان ايه هي سونه وبنتها عينوك محامي عندهم
حسن لا ياما محدش عينني محامي عند حد بس دي الحقيقه انا عمري ما شوفتها بتعمل حاجه غلط بس انتي بس عشان بتحبي عمتي زياده عن اللزوم مش قادره تشوفي سونه بتحب كرم
دعاء ياواد عمتك ايه وزفت ايه وانا مالي سونه تحب كرم ولا متحبوش هي عمتك ليها دعوه بكرم دي هي اللي سيباه يا غبي
حسن عارف بس اسطوره
عمتي وكرم الرفاعي مش راضيه تنتهي على الاقل جوه دماغكم انسوا بقى زي ما عمتي نسيت وعاشت حياتها وسيبوا كل واحد يعمل اللي يريحه
دعاء امشي من قدامي بدل ما احدفك بالمايه السخنه نسلخوا جلدك وانا قولتها يا حسن منسمعش الحكايه دي تاني وتنسى بنت سونه مفهوم
حسن انا نازل اشوف شغلي 
دعاء غور جتك الهم
حسن طيب بقول ايه مش هتقوليلي عرفتي منين
دعاء مرات خالك يا اخويا هي اللي قالتلي انا وسونه واحنا في السوق وكأنها ماصدقت تمسك علينا ذله 
حسن مرات خالي ماشي يا مرات خالي
دعاء غور يا ولا فورت دمي امشي
رفاعي بكر يا بكر
بكر ايوه يا معلم
رفاعي فاضي ولا وراك حاجه
بكر لا فاضي يا معلم قول عايزني في ايه
رفاعي كنت عايزك تاخد المبلغ ده وتعدي على كام واحد من اللي داخل المزاد تعرقه بعشر بواكي
بكر وايه لزومه نعرقهم وهما عارفين ان المزاد بتاعنا من الاساس الكل عارف وراضي يا معلم
رفاعي معلش اعمل اللي بنقولك عليه فرحهم عشان الكل يكون متراضي
بكر اللي تشوفه يا معلم بس اللي اقصده ان الكل بعد ما عرف ان انت ومعلم زكريا في المزاد خدوا جنب
رفاعي ياولا رزقهم هنمنع عن الخلق رزقهم
بكر لا طبعا خلاص زي ما انت عايز
رفاعي يلا خد الفلوس واتكل على الله 
بكر تمام يا معلم كرم عايز مني حاجه
هز كرم راسه بلأ من غير ولا كلمه
خرج بكر وراح يلف على الناس اللي كانت داخله المزاد وعرقهم بالفلوس 
بعد حوالي ساعتين خرج بكر من عند اخر واحد بعد ما اداله الفلوس 
واول ما خرج لقى عبدالله في وشه 
عبدالله اهلا يا ابو نسب
بصله بكر وسكت وبعدين راح على عربيته 
عبدالله طيب ارمي السلام حتى يا ابو نسب
وقف بكر وبصله عايز ايه يا عبدالله
عبدالله ايه يا ابن الاصول مش عايز تقف تكلم جوز اختك
فضل بكر يبص حواليه 
عبدالله ايوووه يا جدع قد كده خاېف حد يشوفك معايا ويروح يبلغ كرم
بكر اه يا عبدالله خاېف بس مش خاېف من كرم خاېف على زعل كرم
عبدالله بردوا هتقول زعله زعله عشان واقف معايا
بكر اه يا عبدالله عشان واقف معاك ومش هنفضل نعيد ونزيد في نفس الحورا كل ما تشوفني المفروض انك اتعودت من سنين على الحال ده
عبدالله يا جدع انا جوز اختك
بكر طلع اختي من الموضوع يا عبدالله جوز اختي على عيني وعلى راسي بس انت في حالك وانا في حالي يا ابن الحلال
عبدالله بحزن ايه يا بكر نسيت اني كنت صاحبك زي ما كرم صاحبك
بكر لا منسيتش بس انت اللي نسيت من زمان يا عبدالله نسيت ان احنا التلاته كنا اقرب لبعض من كلمة صحاب واظن انت بدأت وبعت كرم وانا اللي يبيع كرم ميلزمنيش ولو كرم كان مكانك كان زماني واقف جنبك انت مش جنبه
عبدالله تاني يا بكر هتقولي بعت كرم قولتهالك كتير مبعتش يا اخي و حكيت لدعاء اللي حصل زمان عشان تقولك وانت مش عايز حتى تسمع اديني فرصه يا بكر نقعد ونتكلم ونحكيلك كل اللي حصل
بكر مش عايز نعرف يا عبدالله ولا عايز نسمع انت جاي تشرحلي بعد عشرين سنه
عبدالله بعصبيه ايووووووه يا جدع يعني هو انت من عشرين سنه راضي انك تسمعني انت ولا هو ده انتوا ولا اللي مصدقتوا عشان تبعدوا و تاخدوا جنب مني
بكر مشكلتك يا عبدالله انك شايف نفسك ضحيه وانت متختلفش عن اختك كتير مش قادر تحس انتوا عملتوا ايه في كرم بقى هو ده كرم الرفاعي يا عبدالله انتوا دمرتوا كرم وغيرتوا شخصيته وكل ده بسببكم
عبدالله انا فعلا ضحيه يا بكر انا معملتش حاجه كل الحكايه اني كنت مجبر علي اللي عملته بس أوعى تفكر ان اللي كرم حاسس بيه انا مش حاسس بيه يا بكر لازم تفهم لو كرم اتوجع فا انا اتوجعت اكتر لما اتحرمت من اختي واتحرمت من كرم ومنك يا بكر يا جدع انا طول السنين دي بنتحاسب على حاجه انا مليش دعوه بيها وطول العمر ده كله بنتعامل أوسخ معامله من كل الخلق عشان خاطر عيون كرم الكل وقف في صفه واختاره هو و فضلت انا منبوذ وبندفع تمن غلطة أختي كلكم اختارتوا كرم يا بكر وسيبتوني لوحدي
بكر الكل وقف مع الحق يا عبدالله الخلق اللي بتتكلم عنها دول صعب عليهم كرم وانت واختك واهلك مصعبش عليكم ۏجع كرم اللي كان
واحد منكم
عبدالله بقلة حيله مفيش فايده يا بكر مهما نقول مش هتسمع ولا هتديني فرصه ندافع عن روحي انتوا خلاص اتعودتوا على اني منبقاش معاكم
بكر يبقى تقفل السيره دي الله يباركلك يا عبدالله مش عايزين نفتح في سنين اتردم عليها بس لسه ۏجعها صاحي متحاولش تنكش في ۏجع كرم يا عبدالله عشان لو اڼفجر انت اول واحد ناره هتطولك وانت عارف انه حايش نفسه عنك عشان العشره اللي بينكم وحبك اللي انا واثق انه لسه في قلبه
عبدالله تمام يا بكر عموما خليني في اللي جاي عشانه المزاد
بكر ماله يا عبدالله
عبدالله اطلع من الليله دي يا بكر عشان هي مش بتاعتك بلاش اللي بينا يتأزم اكتر ما هو متأزم متنساش ان في بينا نسب
بكر مش هنطلع يا عبدالله وقولتلك تطلع اختي من الليله دي ولا انت بتهددني بأختي
عبدالله لا يا اخويا انا مبنهددكش بس
انت اكتر واحد عارف اختك زنانه 
ومش هتسكت ولو حست ان في بيني وبينك مشاكل بسبب المحل هتنكد