رواية لأميرة اسامة

خلاص بس يكون في علمكم اي رد فعل دره هتعمله هيكون حقها والواطي ده ميستاهلش ولو هتسمعوا رأيي اللي باع مش هو اللي هيرجع ويداوي اللي يقدر يبيع ضناه
مره مش هيفرق معاه لو باعهم تاني حتي لو كانوا محتاجينه قليل الاصل هيفضل قليل الاصل
بكر ياجدع اسكت بقي وقفلوا السيره دي الوقت دره وكرم طالعين خلاص 
مها اه والنبي سيبوها تيجي وتاكل زي باقي مخاليق ربنا 

هيما والشباب كانوا سامعين كلامهم و ساكتين كل واحد فيهم حابب يقول رأيه بس مش قادرين يتدخلوا 
دخلت عليهم سونه 
مها ايه يا سونه تعالي
دعاء مكالتيش ليه يا بت الاكل هيبرد
سونه لما تيجي دره انا كنت جايه نشوفها بلبله قالتلي نشوفها عشان تاكل معانا
مها يا اختي انا عارفه هنا فين كل ده
دعاء طيب كلوا وهي جايه عشان البنات جاعوا حرام
سونه لا متقلقيش انا حطتلهم اكلهم علي الترابيزات بس بلبله مش راضيه غير لما دره تطلع
مها والقمر الصغنن ده مكالش ليه
سونه مش راضيه تاكل غير لما ناكلوا معاها 
عبدالله اهم طلعوا اخيرا
كرم سلام عليكم معلش اتأخرتا بس كنا بنقنع اخينا ده يطلع ياكل لقمه
مريم بابا
عمرو بابتسامه بسيطه حبيبه بابا ايه الحلاوه دي
مريم شوفت اللبس دي سونه ادتهولي وحمتني وسرحت شعري كمان
عمرو تسلم ايدك يا ست سونه مش عارف نودي جمايلك دي كلها فين كلفتي نفسك والله
سونه جمايل وملفت روحي ايه بس دي هدوم سماح بنتي وهي صغيره شايله كل لبسها ذكري واهو جم بفايده وبعدين متقولش كده دي حاجه بسيطه والله 
عمرو تسلمي يارب 
رفاعي ايه يا دكتور مش عايز تطلع تاكل معانا ويبقي عيش وملح
عمرو لا والله يا حاج ده يشرفني بس صدقني انا طلعت بس عشان دكتور كرم يرضي يطلع وقولت نيجي ناخد مريم شويه
بكر تاخد ايه وتمشي ايه انت هتاكل معانا انت بخيل ولا ايه
عمرو لا والله بس بالف هنا صدقني مليش نفس
عبدالله بنقولك ايه احنا عملنا حسابك وحساب مريم قبلك يعني مش هتاخدها وانت كمان هتقعد تاكل 
زكريا ادخل يا ابني لازم تاكل الاكل ملهوش دعوه بالحزن ربنا يارب يرحم والدتك بس لازم تاكل عشان تقدر تصلب طولك وتاخد بالك من عيالك 
بص عمرو لمريم بسرعه 
مريم بإبتسامه بريئه يلا يا بابا كل عشان تيته متزعلش منك سونه قالتلي انها راحت عند ربنا وبتحس بينا ولو عرفت انك مش كلت هتزعل منك 
عارف نقولك ايه انتي شيلتي من علي قلبي هم كبير وحقيقي مكنتش عارف نقولها ايه لو سألت هي وياسين واديكي ريحتيني من اسئله مريم اللي مبنعرفش نرد عليها 
سونه لا متقلقش مريم شاطره وعارفه كل حاجه وانا وهي اتكلمنا مع بعض وهي فهمتني واتققنا كمان انها متعيطش ولا تزعل وكل ما تفتكرها تدعيلها عشان تجيلها في الحلم صح يا مريم 
مريم صح يا سونه
كرم اهي البت الصغيره طلعت عاقله يلا يا جدع بقي الاكل هيبرد 
نجوي اتفضل يا ابني 
عبدالله تعالي هنا يا دكتور وانت تعالي جنبه يا كرم 
كرم يلا انا جاي 
سونه تعالي يلا احنا يا دره عند البنات 
دره تمام يلا 
عمرو تعالي يا مريم
مريم لا انا هاكل مع سونه مسكتها من ايدها بسرعه 
عمرو بقي كده يا مريم طيب 
سونه بابتسامه سيبها براحتها احنا بقينا صحاب خلاص
رفاعي يعني اطلع منها يا دكتور
عمرو بإبتسامه خلاص هنطلعوا منها
خرجت دره وسونه ومريم وهما كلوا مع بعض عمرو مكانش ليه نفس ولا قادر ياكل اصلا بس هما مسابوهوش
نبيله ايه يا دره كل ده
دره قربت دره باستها من راسها بحب معلش يا امي كنت تحت
نبيله طيب يلا عشان الفراخ هتبرد يا بنتي انتي مبتحبيش الاكل بارد 
دره يلا يا حبيبتي 
سونه محتاجين حاجه يا بنات
دانه لا يا سونه شكرا يلا كلي انتي وانا بأكل سماح عشان دراعها
سونه هتعرفي تاكلي منها يا دانه
دانه اه متقلقيش باكل وبأكلها يلا كلوا انتوا بقي 
نبيله سبيهم هما مع بعض بقي ويلا كلي وطلعي للبت الصغيره اكلها 
سونه يلا يا مريومه كلي حبيتي 
نبيله تخلصي اكلك كله يا مريم
مريم حاضر
دره ديما يلا كلي حبيبتي
ديما باكل يا مامي كلي انتي بقي
دره دارين محتاجه حاجه يا روحي
هزت دارين راسها من غير ولا كلمه 
سونه بصت علي دارين ولمحت الحزن في عين دره غمزتها بهدوء يلا كلي انتي سبيها هي بتاكل متقلقيش عليها
اتنهدت دره وهزت راسها لسونه وبعدين بدأت تاكل هي كمان 
بكر بنقولك يا كرم هما مش المفروض بعد العمليه عموما لازم الواحد يتحرك
كرم هو مش في كل العمليات احيانا في عمليات مينفعش منها حركه زي الكسور مثلا بس لو بتسأل علي الشباب متقلقش انهارده كنت هقولهم يبدأوا يتحركوا يعني هيما ودارين وسماح لازم انهارده كل شويه كده يتحركوا عشر دقايق ويريحوا
مها بس سماح مكسوره
كرم ايوه الكسر في ايدها مش رجلها ولا ضهرها لا قدر الله او الحوض الحالات دي
مينفعش فيها حركه غير علي الاقل ثلاث شهور 
بكر طيب ومحمد يتحرك عادي
كرم والله ابنك اللي كسلان محدش قاله اقعد
محمد يعني ينفع اقوم عادي
كرم حد ماسكك ما تقوم العمليه في عينك مش في رجلك
عبدالله طيب شد حيلك يا بطل وبعد ما تاكلوا وتظبطوا نفسكم اتمشوا حبه بلاش القاعده دي 
محمد ماشي
احمد طب وانا يا خال انا زهقت من القاعده دي اوي
كرم اتحرك يا احمد بس حركه هاديه متتعبكش عشان اي حركه غلط رقبتك هتطول
بكر انا هنمشيه براحه متقلقش 
زكريا طمني علي ابنك يا ابني حالته ايه
عمرو والله يا حاج الحمد لله علي كل حال طلع من الرعايه انهارده والحمد لله حالته مستقره
زكريا ربنا يطمنك عليه يارب
عمرو يارب يا حاج ويطمنكم علي الشباب والبنات
بعد حوالي ربع ساعه كانوا خلصوا اكل
نجوي ما تاكل يا ابني انت مكلتش
عمرو لا والله الحمد لله كلت و شبعت كمان تسلم ايديكم يارب
نجوي بألف هنا يارب 
عمرو هنستأذنكم انا بقي عشان نروح نشوف الشغل وكمان هناخد معايا مريم شويه 
كرم هتاخدها فين سيبها هنا مش هتعرف تتحرك بيها
عمرو عشان نريح منها الست سونه شويه وكمان عشان مريم متحسش اني سايبها 
رفاعي لا مواخذه يا ابني في السؤال
عمرو اتفضل يا حاج 
رفاعي انت ناوي تعمل ايه مع ولادك خصوصا يعني اني عرفت ان والدتهم متوفيه 
عمرو بتنهيدة حزن والله يا حاج انا ناوي اشوف مربيه هي مش هتبقي مقيمه معاهم شغلها هيكون من الصبح لحد ما نرجع من شغلي بس طبعا انا لسه انهارده بحاول استوعب اللي حصل بس اكيد من بكره هدور كمان انا محتاج واحده بمواصفات معينه يعني تكون بتقدر تسوق عربيه عشان دروس الولاد
ومدارسهم وتمارينهم فا لسه مش عارف والله هنعمل ايه 
كرم متقلقش سهله إن شاء الله انت بس خد وقتك وكل حاجه هتتحل 
رفاعي خير يا ابني إن شاء الله وربنا يوقعك في واحده بنت حلال تقدر تطمن علي ولادك معاها
عمرو يارب يا حاج دعواتكم
نجوي ربنا يريح بالك وقلبك يا ابني 
عمرو تسلمي يا ست الكل يلا هروح انا عشان ناخد مريم بعد اذنكم 
الجميع اتفضل 
نجوي الجدع ده مقطع قلبي اوي 
دعاء وانا والله يا نوجا ربنا يكون في عونه حمله كبير اوي
مها ربك مبينساش حد وإن شاء الله حاله يتصلح
نجوي يارب 
خرجت سونه مع مريم لدكتور عمرو 
سونه هتروحي مع بابا وتسبيني يا مريومه 
مريم بإبتسامه جميله معلش بقي يا سونه شويه صغيره وارجعلك تاني متزعليش
سونه لا يا قلبي انا مش زعلانه بنهزر معاكي روحي يلا وانا هنقعد نستناكي
عمرو ست سونه انا مس عارف نقولك ايه والله علي كل اللي عملتيه 
سونه ايوووه عليك كل ما هتشوفني هتقول كده ما قولنا احنا مفيش بينا الكلام ده مريم زي بنتي وانت زي اخويا ربنا يعلم والله اني حبيت مريم اوي ولو يطلع في ايدي نعمل اكتر من كده مش هنتأخر
عمرو اكتر من كده يبقي طمع انتي شيلتي من عليا حمل وهم كبير اوي يمكن انا عمري ما تخيلت اني اعيش لحظه من غير ولادي ولا نقدر نقعد بعيد عنهم بس انا مضطر وبصراحه انا مطمن علي مريم معاكي وده اللي مصبرني ان هي كمان مبسوطه
سونه متقلقش عليها دي في عيني والله
عمرو تسلمي يارب عموما بكره اخر يوم ان شاء الله اكون لاقيت حد يقعد بيها 
سونه بنقولك ايه دور علي اللي هتجيبها دي براحتك ومتجبش اي واحده والسلام عشان تكون مطمن علي ولادك ولحد ده ما يحصل مريم معايا وطول ما بنتي لسه مخرجتش اديك هتشوفها كل يوم ولما تخرج من هنا مريم بردوا هتفضل معايا لحد ما تيجي بنفسك وتقول انك لاقيت واحده ثقه زي والدتك وزي مراتك الله يرحمهم و هنسلمك مريم بنفسي وغير كده مفيش كلام تاني قولت ايه 
عمرو بإبتسامه خلاص بقي هنقول ايه بعد كلامك ده غير ان جمايلك بتكتر عليا ومهما عملت مش هنقدر نوفيها 
سونه احيه عليا تاني هتقولي جمايل لا انا مش هنكلم بقي عشان تعبت
عمرو بضحكه هاديه خلاص هنسكت حقك عليا عموما انا موافق ان مريم تفضل معاكي لحد ما نلاقي حد كويس يقعد بيها ويكون كمان ياسين شد حيله وخرج بس اسف يعني اسمحيلي نقولك اني عندي شرط 
سونه اتفضل قول
عمرو بصلها بإحراج ثواني وبعدين طلع من جيبه مبلغ وبصلها تاني ادام مريم هتقعد معاكي الكام يوم دول ياريت المبلغ ده يكون معاكي عشان يعني لووو
قاطعته سونه وهي بصاله بإستياء بسيط وبعدت ايده بهدوء 
سونه شيل فلوسك يا دكتور عيب
انت اسكندراني وتفهم في الاصول ايه بتديني تمن اكل مريم وشربها فاكر يعني اني مش هنقدر ناكلها ونجيبولها كل اللي هي عيزاه 
عمرو لا لا لا استني متفهمنيش غلط ياست سونه انا منقصدتش كده والله
سونه وهي متتفهمش غير كده يا دكتور انا بنت بلد بردوا ونفهمها وهي طايره
عمرو صدقيني والله ما قصدت اني اضايقك بس عشان يعني
سونه ماقلقش علي بنتك يا دكتور انت آمنتني علي حياتها ومسلمهالي وانت يادوب تعرفني من امبارح بس تفتكر يعني مش هتآمن عليها في اكلها وشربها كمان شيل فلوسك يا دكتور دي عيله صغيره يعني اكلها وشربها وكل طلباتها لا هو حمل عليا ولا حتي تكلفه تطلب هي بس كل اللي تحتاجه ويوم ما نقصر معاها هنيجي نقولك هات تمن اكل وشرب بنتك 
عمرو بإحراج بالله عليكي ما تزعلي مني بس الموقف بالنسبالي محرج وانا اول مره نتحط في موقف زي ده وبنحاول بس منتقلش عليكي اكتر من كده 
سونه لما نبقي نيجي نشكيلك ابقي اتصرف وعموما انا مش زعلانه خلاص بس متعملهاش تاني 
عمرو حاضر يا ست سونه يلا انا هناخد مريم شويه بقي وهنرجعهالك تاني
سونه تمام وانا مستنياها 
عمرو ماشي يلا قولي لطنط سونه باي
مريم اسمها سونه بس هي مش بتحب طنط دي 
سونه جدعه يا مريم ابوه كده فهميه
عمرو بإبتسامه خلاص هنخرج منها خالص
مريم باي يا سونه
سونه باي يا مريومه
دخلت سونه علي جوه
نبيله ايه خد البت بردوا
سونه اه قال عشان البت متزهقش بس انا عارفه انه محرج وعايز ميفضلش سايبها كده معايا
نبيله وهيتحرج من ايه بس دي عيله يعني هتعمل ايه يعني 
دره سيبوه علي راحته لما يحس ان الدنيا رايحه جايه بينكم علي الاقل مش هيبقي محرج
سونه ما عشان كده سيبتهالوا والله يلا ربنا يكون في عونه ويقويه علي ولاده 
نبيله يارب يا بنتي لسه الجدع صغير علي الهم ده صحيح الراجل من غير ست وهو معاه عيال بيبقي حاله يصعب علي الكافر
دره بسخريه وهي بتقوم وبصوت واطي عشان بناتها ميسمعوش مش اي راجل يا امي 
اعرف رجاله بترمي