رواية لأميرة اسامة
المحتويات
ولما حس اني زعلت اتأسف وقال انه ميقصدش
والوقت هو واثق متأكد انه محتاجني انا بالذات عارف اني حبيت مريم وياسين بجد وعارف ان هما كمان بيحبوني عارف انه لو طلبني في اي وقت عشانهم مش هنتأخر عليه عايز يرتاح ويريح عياله وده حقه بس واثق انه لو رجع عرض عليا فلوس هتكون الناهيه معاه فا قرر انه يضمن وجودي مع ولاده بالجواز مني
سونه هي متتحسبش غير كده
دره هو يمكن خانه التعبير او يمكن نقاشكم في موضوع مريم وياسين واللغبطه اللي في حياته مع توقيت طلبه للجواز منك مكانش وقتها بس من كلامك انا شايفه غير كده ليه محسبتيش انه ممكن يكون هو حس بحنيتك وقلبك الطيب بجد وعجبتيه في كل مواقفك وحس انه محتاجك ليه قبل عياله
دره اديني سبب
سونه كذا سبب يا دره اولا انا من يوم ما شوفته وانا بنساعده هو وعياله عشان اللي حصلهم ۏجع قلبي وحسيت انه تايهه ومحتاج مساعده حبيت مريم بجد واي وقت كنت بعرض عليه مساعدتي في اي حاجه تخصها كانت من قلبي بجد لاني كنت بحسها زي سماح و بتفكرني بيها وهي صغيره وقفت جنب ياسين وانا عارفه انه اخو مريم مش ابن الدكتور اللي بيعمل العمليه لسماح جوه في اوضه العمليات
عملت معاه ومع عياله كل اللي نقدر عليه واللي كان ممكن نعمله مع اي حد تاني حتي لو كانت دكتوره مش دكتور
حسيت انه واحد مننا اعتبرته زي اخويا ومفكرتش فيه بالطريقه دي
دره يعني السبب انك حساه زي اخوكي ومش متقبلاه
دره لا مش فاهمه انتي تقصدي ان الموضوع كله مش في دماغك
سونه اه يا دره
دره طب وليه يا سونه دكتور عمرو راجل محترم ذوق دكتور ومتعلم يعني شيفاه زوج مثالي بجد ومفيش اي حاجه تعيبه يبقي ليه متفكريش فيه او فالجواز عموما
دره وايه مبتحبيش رقم سته يعني
سونه بإبتسامه بسيطه انتي بتهزري يا دره
دره والله ما بنهزر بس مش فهماكي يعني ايه متجوزه خمس مرات قبل كده فا خلاص الموضوع مبقتيش تفكري فيه خلاص يعني استكفيتي و لخصتي كل خبرات الحياه في الخمس جوازات دول
بتعرف تعيش من غير راجل ولا بتستكفي من خبرات الحياه بس يا دره انا واحده أتجوزت خمس مرات و عمري ما سلمت من كلام الخلق دي غلطه مني واكيد مستحيل نكررها تاني خصوصا بعد ما بنتي بقت عروسه والناس ما بتصدق يا دره تلاقي اي حاجه تتكلم فيها
دره ولما انتي عارفه كده فارق معاكي ليه كلام الناس اسمعيني كويس يا سونه سواء كنتي حلوه او وحشه ده ليكي مش لأي حد
بس لازم تعرفي لو انتي حلوه وحشه الناس مش هتبطل كلام
لو كل بني ادم في الدنيا يا سونه فكر في كلام الناس هنتردد ألف مره قبل ما ناخد اي خطوه في حياتنا لان دي طبيعة البشر
لو ركزتي في اللي ممكن الناس تقوله هتفضلي واقفه مكانك مش هتجيلك الجرأه انك تتقدمي خطوه هتخافي تجربي او تمدي ايدك علي الرزق اللي ربنا باعته ليكي ياما ناس يا سونه رفست برجلها النعمه والرزق اللي ربنا باعتهولها بسبب خۏفها من كلام الناس
ولازم تعرفي حاجه مهمه جوازك من خمسه قبل عمرو ميعبكيش ابدا واوعي تحطي في بالك ان الناس هتقول دي مش بيعيش ليها رجاله دي اكيد العيب فيها لان احنا اتفقنا الناس بتحب الكلام وديما ليها الظاهر
وحتي لو العيب فيكي و مش بيعيش ليكي رجاله بردوا مش من حق اي حد يحكم عليكي او علي شخصيتك
احنا جينا الدنيا دي يا سونه عشان نعيش فيها بالطول والعرض عشان نغلط ونتعلم محدش فينا
جاي وهو كامل ومتعلم او فاهم الدنيا وإلا مكانش هيبقي في جنه وڼار
لازم نغلط ولازم نجرب مفيش تجربه الواحد بيدخلها يا سونه ألا ولازم يطلع متعلم علي الاقل حاجه صح في حياته انا عن نفسي بحب اغلط اوي بس اللي اقصده من الكلمه دي ان الغلط بيعلم واللي اتعلم من غلطه صح يا سونه لا يمكن يرجع يغلط نفس الغلط تاني
سونه بإبتسامه سخريه ما انا غلطت خمس مرات ومتعلمتش من غلطي يا دره
دره بالعكس ده تصويرك انتي للمعتقدات اللي في عقلك يعني مثل ابو سماح لو كان فضل عايش كنتي اتطلقتي منه
سونه معرفش بس ميتهيأليش اه مكنتش بنحبه بس هو كان كويس
دره يعني مۏته هو كان سبب في انك متكمليش وده مش ذنبك
التاني اتطلقتي منه ليه
سونه كان بتاع نسوان ومستحملتش
دره وده طبيعي مفيش ست بتقبل علي كرامتها طب والتالت
سونه كان بخيل اوي مع انه كان معاه فلوس ومرتاح يمكن كان كويس ومفيهوش اي عيب غير البخل بس مقدرتش
دره وادي سبب تاني مفيش ست بتقدر تتعايش مع الراجل البخيل مهما كان مفيهوش عيوب تانيه العيب ده يمحي اي طبع حلو اصلا طب الرابع
سونه كان كويس والله يا دره بس ڠصب عني مكنتش بنحبه وحسيت اني هنظلمه معايا مقدرتش اكون معاه وانا مش بنحبه بصتلها بإحراج ويعني بردوا وقتها عقلي وقلبي مكانوش فيا وكنت فاهمه الدنيا غلط
دره وانتي يا صحي مينفعش يكون قلبنا وعقلنا مع حد تاني ونفضل مكملين مع راجل ميستاهلش مننا ده عمرها مكانت خېانه جسديه يا سونه تفكيرك في شخص غير الراجل اللي انتي معاه ده في حد ذاته واللي عملتيه كان صح والخامس
سونه كان نقره من نقر سماح وكل ما نكلمه يقولي ملكيش دعوه هي مش عايشه معايا يبقي اعاملها كأنها بنتي لحد ما فيوم مد ايده عليها حلفت ما اقعد علي ذمته دقيقه
دره يعني واحد خاېن وواحد بخيل وواحد مد ايده علي بنتك وواحد انتي قلبك مكانش معاه
مين غلطان ومين مش غلطان في النهايه في سبب اقوي من كل اللي قولته ده النصيب يا سونه لو ليكي نصيب تعيشي مع واحد فيهم هتعيشي وتكملي يمكن كل الاسباب اللي قولتيها دي مفيش ست تستحملها
بس لازم تعرفي ان النصيب اللي فرقك عن البخيل ستات غيرك كتير نصيبهم لسه متقطعش من نوعيه الراجل ده وبيحاولوا يتعايشوا مع بخلهم
النصيب اللي فرقك عن الخاېن
ستات كتير اوي متعايشه مع رجالتها اللي كل يوم مع واحده شكل
النصيب اللي فرقك عن الراجل اللي مد ايده علي بنتك
لسه موصول مع ستات كتير غيرك اتجوزت راجل غير ابو عيالها بتشوف معاه هي وولادها اسوأ
ايام حياتها ومكمله وبتحاول تتعايش
والاهم من كل ده النصيب اللي فرقك عن الراجل الكويس اللي مفيهوش عيب عشان بس قلبك مش معاه
ياما ستات كتير مكمله وقلبها لسه متعلق براجل تاني لا هي قادره تعيش وتدي نفسها فرصه هي والراجل اللي حبها ولا قادره تنسي الراجل اللي هي حبته ومع ذلك عايشه
وفي وسط كوووول ده يا سونه هتلاقي الناس لسه بتتكلم
اللي اتكلم عليكي وقال مش بيعيش ليها رجاله وقال العيب فيكي هما نفس الناس
اللي شاورت علي واحده غيرك وقالت هي ازاي قابله علي نفسها وكرامتها تعيش مع واحد كل يوم مع واحده غيرها
هما نفس الناس اللي شاورت علي واحده غيرك وقالت هي أزاي قابله تعيش مع راجل بيمد ايده علي ولادها وراضيه عليهم الذل
هما نفس الناس اللي شاورت علي واحده غيرك وقالت هي أزاي مستحمله تعيش مع واحد بخيل
ونفس الناس بردوا اللي شاورت علي واحده غيرك وقالت هي ليه مش سعيده والراجل اللي معاها يتمنلها الرضا ترضي دي بتتبطر علي النعمه
الناس للاسف يا سونه ليها الظاهر
محدش عمره هينصفك او يقف في صفك محدش هيبقي عارف تفاصيل حياتك عشان يحكم عليها بشكل صح احنا للأسف عندنا ظاهره غريبه وهي إن كلنا بنعين روحنا قاضي وجلاد علي غيرنا وعمرنا ما بنحط نفسنا مكان الشخص اللي بنتكلم عليه ولو ثواني بس العيب في اللي بيفرق معاه كلام الناس لو كل واحد فينا
حط كلام الناس تحت رجله صدقيني الظاهره دي مع الوقت هتنقرض ومش بس كده حياتنا هتكون احلي وأسهل لو سيبنا بعض في حالنا وكل واحد إتلهي في دنيته هنعيش في راحه
بس للاسف ده كمان مش هيحصل لان لو ده حصل الدنيا مش هيكون فيها جدال مش هيبقي في غلط وانا قولتلك لو مفيش غلط مش هيبقي في ڼار ويبقي الدنيا دي مكانش هيبقي ليها لازمه الدنيا مش عيشه و اكل وشرب وحياه الدنيا زي الامتحان يا سونه كل واحد فينا ليه مده للامتحان بتاعه ده منعرفش امته هيخلص ميعلمهاش غير ربنا
يعني كلنا كده علي بعض في نفس الامتحان لكن بمدة ووقت مختلف فينا اللي هيروح وهو ناجح وفينا اللي هيروح وهو يادوب ناجح بالعافيه وفينا اللي هيروح وهو مسلم ورقته فاضيه
اسمعي كلامي يا سونه لو هتوقفي حياتك عشان كلام الناس فا نصيحه اوعي تعملي كده ولو خاېفه من رد فعل سماح فا لازم تعرفي ان سماح عمرها ما هتقف قصادك لو حاسه انك المرادي هتفكري صح
انتي وعمرو أتقابلتوا في ظروف خاصه وكل واحد فيكم عاش نفس الۏجع والخۏف انتي علي بنت وهو علي ابنه فكري اكتر في الظروف اللي جمعتكم من غير اي معاد هتلاقي ان عمرو هديه ربنا ليكي انتي بنتك خلاص بقت عروسه وعلي وش جواز شويه وهتبقي لوحدك محتاجه ونس يكمل معاكي اللي باقي في رحلتك وامتحانك
وهو لوحده بطفلين ملهمش اي ذنب في فراق امهم وجدتهم مش يمكن ربنا عوضهم بيكي وعوضك بيهم مش يمكن يا سونه مريم وياسين يكونوا سبب في نجاحك في امتحان الدنيا وبسببهم يكون رزقك الجنه
بصتلها سونه بتأثر وكلام دره لمس قلبها بجد
دره فكري يا سونه الف مره قبل ماترفضي عمرو رفض قاطع
و وانتي بتفكري حاولي تشوفي عمرو بنظره تانيه غير انه زي اخوكي صدقيني يمكن وقتها تفكيرك يتغير حرري قلبك يا سونه وحاولي تحطي الحب اللي جواه ده في قلب بيحبك وعايزك بجد
سونه انا مش عارفه اقولك ايه يا دره كلامك بجد ريحني بس كمان حتي لو عملت كده عمرو ميعرفش عني حاجه يا دره
متابعة القراءة
