رواية همسات مبعثرة بقلم سيلا وليد البارت الثاني والثلاثون

الذي يقدم الأطعمة واضعا المنيو أمامهم منتظر أختيارهم للطعام
بعد لحظات سكون على الجميع نظر جواد للجرسون وطلب
هات لنا قهوة كلنا يابني شكل العشوة انضربت.. ربنا يسامحك ياللي في بالي
انحنت جنى على كفي صهيب وقبلته پبكاء قائلة
أنا آسفة يابابا.. سامحني مكنش قصدي ازعل حضرتك.. أنا كنت عايزة ابعد فترة عشان أعرف أنا عايزة إيه بالظبط
حمحم جواد ونظر لصهيب
خالو صهيب لو سمحت متزعلش مننا ونفسي تباركلنا والله أنا بحب جنى مبلعبش بمشاعرها ابدا
ادمعت عين جنى وهي تنظر بنقطة وهمية هاربة من نظرات الجميع وتحدثت
وأنا اكتشفت إني مبحبكش ياجواد.. يمكن اقترابنا من بعض في فترة معينة خلاني اتشتت وفكرت اني بحبك.. لكن الحقيقة لما قعدت مع نفسي لقيتك زيك زي اوس وعز وقولتلك دا قبل كدا بس انت بتقنع نفسك عليه
حاول جواد التماسك عندما أردفت بتلك الكلمات فكانت كالنيران الملتهبة التي اخترقت صدره لټحرقها
كذابة ياجنى.. انت واحدة كذابة.. بتقولي كدا وبس عشان ترضي خالو
هزت رأسها رافضة حديثه
والله مابكذب ياجواد.. أنت زيك زي اخواتي.. هب كالملسوع يوزع نظراته بين صهيب وجواد
شايفين.. شايفين ضغطكوا عليها عمل أيه.. عايزة تتنازل عن قلبها عشان ترضيكم.. ايه لسة فيه لعبة جديدة ياخالو عايز تعملها.. ضړب بكفيه على الطاولة
انتوا عايزني اموت نفسي عشان أكدلكم اني بحبها ولا ايه
توقفت جنى أمامه وصړخت بوجهه مما جعلت كل من بالمكان ينظرون إليها
أنا مبحبكش ياجواد.. دي الحقيقة اللي اكتشفتها.. كفاية بقى ۏجع لحد كدا
كان صهيب يستمع بذهول مما تقوله ابنته.. هل ماخمنه حقيقة.. هل لعبته انقلبت على ابنته.. نظر لجواد الذي كان جالسا ينظر بشرود وكأنه لم يستمع إليهما ولكن هناك حريقا شب بقلبه وكيف عليه إطفائه
نهضت غزل عندما وجدت هدوء زوجها وجذبت جنى للجلوس
جنى الناس بتبص علينا مينفعش كدا.. ثم اتجهت لجواد
وأنت مينفعش تصرخ كدا إحنا في مكان عام.. جمع جواد اشيائه
لا عام ولاخاص يامرات خالو.. أنا ماشي
قالها جواد ثم تحرك سريعا
ساد صمت مخټنق بحزن أكبر من إستيعاب الجميع لحديثها قاطعته نهى وهي تنظر لجنى
انا مش عارفة إنت عايزة إي ياجنى.. لما إنت مبتحبيش جواد.. ليه مشيتي.. وليه زعلتي مننا.. حقيقي يابنتي مش عارفة انت عايزة إيه
بكت بنشيج لم تعد تسيطر على نفسهاا فتحدثت من بين بكائها
عايزة اموت وأرتاح ياماما.. أهو ارتاح وأريحكم مني.. جذبتها نهى لأحضانها
بعد الشړ عنك ياحبيبة ماما ليه بتقولي كدا
نهض جواد يبسط يده إليها
تعالي نتمشى شوية ياجنجون.. الجو حلو وأهو ناكل درة مشوي إيه رأيك
عند أوس بغرفته
دلف جناحه الذي سيمكث به.. وسيكون عش الزوجية.. ووضع بعض الأشياء التي كانت تنقصه.. دلف ياسين إليه
كدا تمام ولا لسة ناقصك حاجة
ربت على كتف اخيه
تسلملي حبيبي.. كله بيرفكت.. بشكرك جدا ياياسو عقبال لما نتعب لك ياحبيبي
ضمھ ياسين بحب اخوي
ربنا يسعدك ياحبيبي.. تحرك أوس للخارج بعد انتهائه من كل شيئا
عمو ريان زمانه على وصول للمطار هروح استقبله.. سلام ياكوتش
عند بيجاد وغنى
كانت تتسطح على الفراش وبيديها كتابا تقرأه.. خرج بيجاد من المرحاض
اجبلك حاجه تاكليها ولا إيه
هزت رأسها رافضة
لا ماليش نفس.. إنت خارج ولا إيه
وقف أمام المرآه وقام بتمشيط خصلاته ورش عطره الذي فاحت رائحته حتى تسرب إلى رئتيها
أغمضت عيناها تستنشقه بلذة.. رآى إنعكاس صورتها بالمرآة.. تحرك متجها إليها
غنايا مالك.. فيه حاجة بټوجعك
أحاطته بذراعيها تمسد على خصلاته بحنو بالغ.. ثم دفنت رأسها بعنقه تستنشق رائحته مغمضة العينين تكبح غلالة من الدموع تجمعت بمقلتيها عندما شعرت بإستيائها من نفسها.. وكأنه شعر بها
اخرجها من أحضانه ينظر لمقلتيها
مالك حبيبي فيك إيه تعبانة
رفعت بصرها إليه تكاد تسمع دقات قلبها من فرط اضطرابها من قربه ورائحته التي اصبحت ملجأها الوحيد.. ثم هزت رأسها
لا مفيش.. كنت عايزة أحضنك بس
هنزل على البوابة اجيب حاجة وراجعلك
اديني خمس دقايق بس.. قاطعهما طرقات على باب الغرفة... دلفت ربى بعد السماح
وهي تحمل كيك من الشيكولاته وتنظر لغنى بشقاوة
محبتش اجي ازورك بأيدي فاضية
ضحكت غنى بصخب وهي تفتح أحضانها لأختها
وحشتيني أوي ياحبيبة غنى.. وضعت الكيك بجوارها وألقت نفسها بأحضانها
إنت كمان ياغنون.. وحشتيني والولد حبيب خالته دا..
تحرك بيجاد وهو ينظر لربى
هنزل تحت شوية خليكي معاها لما أرجع
هزت رأسها بالموافقة وتحدثت
لو عايزني ابات معاها كمان معنديش مشكله
اخذ هاتفه وهو يغمز بطرف عينيه لغنى
لا ياختي مستغني عن مبياتك... مراتي مبتنميش غير في حضڼي انا وبس وانت كمان مالكيش حضڼ ولا إيه
توردت وجنتي ربى خجلا من حديثه.. فأستدارت لغنى وهي تغمض عيناها
رفعت غنى حاجبها
بيجو حبيبي.. شوف رايح فين ياقلبي وماتقطعش الجوابات.. عايزة اقعد مع أختي شوية
مساء باليوم التالي
تجمع الجميع بمنزل جواد لعقد قران جاسر وفيروز التي وصلت بطلتها التي خطفت قلوب الجميع.. كانت ترتدي فستان من اللون الأخضر الذي