رواية تمرد عاشق الجزء الثاني همسات مبعثرة البارت التاسع والعشرون لسيلا وليد

قريبين من المستشفى
تحمحم ثم تحدث
وبعدين مينفعش كل يومين الدكتور دا يجي ومفيش راجل معاكم.. يمنى عايزة تيجي مرحب بيها.. هنشوف دكتورة نتابع معاها مش عايز دكاترة رجالة انا
استدار ينظر إليها
مش بتوقمي ليه.. عندي شغل ضروري لازم نتحرك عشان منتأخرش.. زمان باباكي ومامتك وصلوا
نهضت من فراشها دون النظر إليه ثم اتجهت لخزانتها وقامت بتغيير ملابسها وتحركت
وصلوا بعد قليل وجد جواد وعز وغزل أمام المنزل ينتظرهما
تحرك جواد يضم إبنته وتسائل
عاملة إيه يابابي !!
كويسة حبيبي.. ضمتها غزل تستنشق رائحتها ثم تحدثت بصوتا حزين
وحشتيني أوي ياغنى.. يعني لو جيتي عندي مش تريحي قلبي يابنتي
وضعت رأسها بحضن والدتها
أنا حابة أسكندرية ياماما أكتر من القاهرة.. بختنق من الزحمة
عندك حق ياحبيبتي اسكندرية جميلة ومريحة للأعصاب وخصوصا هدوء المكان دا
حاوطها بيجاد بذراعيه عندما وجد الألم يغزو ملامحها.. واتجه للداخل بعد سلامها على عز
دلفت غرفتها ساعدها على التسطح فوق الفراش ثم قبل جبينها
عندي مشوار ساعتين تلاتة كدا لحد ماترتاحي وهنتصافى.. ماأنا مقدرش غنايا تبعد عني دقيقة واحدة بعد كدا
جلس بجوارها يمسد على خصلاتها ثم رفع ذقنها عندما وجد صمتها
هقولك حاجة واحدة بس ياغنى.. أنا أكتر حاجة كنت بحبها السما.. بعشق الطيران في السما.. يعني بحب شغلي پجنون.. وبابا حاول معايا بكل الطرق عشان أسيب شغلي بس رفضت رفض قاطع حتى بدون مناقشة
لحد ماحسيت إن شغلي هيبعدني عنك.. كرهته عشان كدا.. مفيش حاجة هتبعدني تاني عنك... خلاص مش عايز الشغل دا
هعمل شركة سياحة كويسة وخلاص.. إيه رأيك
ألقت نفسها بأحضانه تتمسح بصدره
بيجاد آسفة متزعلش مني أنا بحبك أوي.. وبيغير عليك كمان مش من حقي أغير عليك
من حقك تعملي كل حاجة ياروح بيجاد
توقف عندما استمع لطرقات على باب الغرفة وتحرك للخارج بعدما دلفت غزل إليها
خرجت من شرودها عندما استمعت لرنين هاتفها اجابت
يمنى آسفة حاولت أكلمك وأقولك أنا رجعت مع بيجاد ولو عايزة تيجي... قاطعت حديثها عندما تسائلت يمنى
يعني وافقتي على جوازه ياغنى.. وياترى روحتي الفرح معاه ولا لأ
ذهلت غنى من حديث يمنى ثم هزت رأسها بالنفي
لا حبيبتي.. بيجاد قالي دا مقلب مش اكتر
نعممم هو بيشتغلك ولا إيه.. ليه مشفتيش الحفلة وهو واقف جنب البنت وبيضحك لها
هزة عڼيفة أصابت جسدها بالكامل.. وارتجفت شفتيها مع تساقط دموعها كالشلال دون توقف فتسائلت
فين دا يايمنى... بلاش هزارك السخيف
افتحي فونك على كل المواقع ياغنى.. بجد بيجاد دا لو بيضحك عليكي عايزة اموته
أمسكت هاتفها بيد مرتعشة ومقلتين محجرتين بدموعها بعدما مسحت دموعها پعنف وتخيلات شيطانية ټضرب قلبها بقوة
يعني جالي امبارح يردلي القلم اللي عملته معاه.. جه يعيشني ليلة في الجنة وبعدها يرميني في الڼار
صاعقة ضړبت قلبها بقوة وهي تراه يميل على تلك الحقېرة ويبتسم... أعتصر قلبها وهي تراه بأناقته كعريس يوما زفافه
حدثت حالها
دا راح غير هدومه فين.. عندها.. يعني لبس قدامها وممكن يكون.. كورت قبضتها پعنف ثم أطبقت على جفنيها
صړخة بآهة عاليه.. وهي تراه.. وهو يجذبها من خصرها متجها لمكانهما.. هنا لم تقو على اكمال المشاهدة.. انزلق الهاتف من بين يديها
وترنح جسدها تمسك أحشائها ثم چثت بركبتيها على العشب وهي تصرخ بآهة من أعماق قلبها... نظرت لنور القمر الذي يضاهي السماء بإنعكاس صورته الخلابة على صفحات المياة وانسدلت عبراتها..بغشاوة دموعها.. ظلت لدقائق تحاول التنفس.. ضغطت بقوة على أحشائها عندما تضاعف الألم بها..
.. تمنت مارأته ماهو إلا كابوس.. لا ليته كابوسا وتفيق منه.. هنا تزلزلت الأرض تحت قدمها.. نظرت لنور القمر بالسماء مرة أخرى وتساقطت عبراتها بقوة كالشلال عندما وجدته كالمنشق لحالتها.. جلست على العشب وهي تتمنى بأخذ انفاسها لتسلب حياتها للأبد.. فيكفي لها تلك الحياة من قساوة وغدر البشر
هنا تفاقم الألم فصړخت بقوة صمت الآذان.. أسرعت غزل إليها وهي تحمل أكوابا من العصائر.. ثم تصنمت بوقفتها تنظر بذهول لأبنتها حينما وجدت دمائها تتساقط من بين ساقيها.. لم تتحرك غزل كأن عقلها لم يستوعب ماتراه.. صړخت ربى عندما وجدت أختها تجثو بجسدها بالكامل على الأرضية فسقطت كالمغشية
فاقت غزل سريعا وكأن صړاخ ربى أفاقها من صډمتها فحاولت إنقاذ مايتم إنقاذه
أسرعت إليها تحمل رأسها تحاول افاقتها ودموعها تسبقها
غنى حبيبتي فوقي.. خليكي معايا.. غنى سمعاني.. فتحت غنى عيناها للحظات وهمست بصوتا متقطع
طلع بيخدعني.. أنا عايزة أموت واريحكوا
هزت والدتها رأسها رافضة حديثها.. بينما ربى التي قامت الأتصال بالأسعاف وبكائها يزداد على حالة أختها
رفعت الهاتف سريعا تتصل بزوجها
كان عز يقف بجوار بيجاد يضحك وهو يرى الشرطة تقبض على تاليا والذين معاها.. بحضور هائل لإعلاميين
صراحة العرض كان هايل.. لا والدك دا عفريت خطط بتكنيك عالي الجودة يابني
ابتسم بيجاد بسخرية ثم أجابه
يابني انت واقف قدام غول اقتصادي كبير.. بلاش أقولك من اذكياء العالم لكن الصراحة ريان المنشاوي بصوره بالذئب المفترس.. طرق على الطاولة وأكمل
ومتنساش