ودق قلب الحجر لميفو سلطان

بدر كان يجلس محتضنا احد الفتيات لتستدير وتضع يدها حوله هتفت.....منور دارك يا بدر اني حاسه اني ملكت الدنيا.
تنهدت.... هو حرام يا بدر اني احبك واعشجك دانت من ساعه ما شفتك واني ھموت عليك.
هتف.. ده العادي يا جلبي تشوفيني تعشجي بدر اللي يشوفه يجع فيه انما بدر يجع في حد دي ما هتحوصلش.
هتفت ضاحكه ......ولو خليتك تحبني.
. لاه بدر جواته حجاره ماتتعبيش نفسك الحب ده للرجاله الواجعه اللي الست تركبه حب ايه مفيش حاجه اكده اساسا فيه حب تاني لتهتف.. والله بحبك يا بدر حس بيا.
ضحك.... ماني هحسس اهوه وههيص انما بدر مش بتاع الكلام ده اعجلي خلينا نجضي وجت من غير رط وكلام فارغ.

هتفت.. مسير جلبك يدج يا بدر. 
هتفت... يعني عشان رضيت عشان بحبك تجول اكده امال لو وجفتلك. 
هتف.. كت خدتك برضك بدر ما يجفش جصاده حد انتو النسوان اتخلجتو تبسطونا يا جلبي 
تابعونا علي صفحه Mevo ll
عند صبا بدات الاستعداد للذهاب الي مكان عملها مع صديقتها لتهتف بالصعيدي ....هنجضي شهر هناك بين الزرع وتوكليني فطير وعسل وجبنه وتشفيلي راجل احبه بجولك اهه.
لتضحك سناء.... ربنا يشفيكي جايه الصعيد تاخدي رجالتنا اياك
ضحكت صبا.. الله مش عايزه واحد كده جامد شديد انتو رجالتكو شديده يا سلام بقه ويغير عليا والبس واغيظه يقلي هسخمط عيشتك و اجلعي المحروج ده لتضحك وتضحك سناء.
لتهتف.... انت عايزه واحد يغفلجها علي دماغك
تنهدت صبا يغفلجها حب وغيره عايزاه يغير عليا من الهوا وما يخليش حد يبصلي.. يا لهوي امتي بس.
هتفت سناء.. لاه ماعندناش النحنحه دي يا مزغوده وهمي يلا عشان نلحجو الجطر ورانا مشوار لتنهي تجهيز اشياؤها وتبدا رحله حياتها بحلوها ومرها وماينتظرها وهل ستجد ماتتمناه ...
ميفو السلطان 
في احد البيوت الكبيره كان يقف غاضبا .....انت يا ابوي مالجيتش الا اني اني كرم اخد من العبابده ليه. دا كرم البنته بتتحدف عليه
هتف والده.... عشان التار يا ولدي والكل اتفج علي اكده.
هتف كرم غاضبا....بس اني مش رايدها.
هتفت امه ......وماله يا ولدي نجوزك بت خالك بس نمشو امورنا.
هتف.... اه نمشي امورنا و كرم يلبس الهم .
هتف اخيه الكبير ....يعني نعملو ابه يا كرم اني متجوز واخوك فتحي متجوز ومسافر مافيش الا انت.
هتف.... تجومو تلزجوها ليا صوح دا حزن اسود طب اسمعو بقه البت دي هتدهل اهنه خدامه اني ماهجربش منها ولا رايدها وتعرفوهم اكده
هتفت امه.. يا مري عايز تفضحنا هيا مين اللي خدامه بت العبابده انت عايز بدر يجتلك انت مش خابر بدر
هتف.. واني كرم وما فيش حد احسن من حد.
هتفت امه.. مشي الامور يا كرم لما نخلص من الجصه دي لياتي عبد الرحمن ابن عمه كان شابا مثقفا وذو راي وتربي معهم في البيت يتيما والكل يحبه.. ليهتف.. اسمع يابن ابوي بلاش كبرك ده وحرام تظلم البنته عاملها بما يرضي الله ليه تجول اكده ولو ماحبتهاش تجعد اهنه معززه مكرمه.
هتف كرم ....اه.. احنا ناخد بناتهم نلبسهم ونوكلهم وهما جاتلينلنا ياما بطل بلاش نحنحه انت مالك اكده ايه الجرف ده ماتاخدها يا اخويا
هتف عبد الرحمن ...اخدها يا ريت بس العين عليك اميمه بت جميله وزينه وتاخد العجل انت اللي ماشفتهاش ولا وعيتلها اميمه حته الماظ عايزه اللي يجدرها
هتف كرم غاضبا...... بلا الماظ بلا طين.. تيجي تتسخمط وتجعد اهنه من سكات تخدم زي الكلبه ماعايزهاش اني.
هتفت امه....طب يا ولدي نروح بس ونتفجو ومالكش صالح بيها هملها اني هاخدها تحت جناحي وبعد عنها واتجوز اهه بجولهالك مالكش دعوه.
صړخ كرم وانفعل.. تاخد مين خدك ربنا ايه جي تسبسب وتحب واحنا متلغمطين في التار.
هتف عبد الرحمن.... مش انت مش رايد دا ايه المرار ده اخدها خلاص.
هتف الاب.. ماهينفعش يا عبدالرحمن الاتفاج كان علي كرم وخلصنا اما نشوف اخرتها .
وقف كرم مغتاظا فهو يكره تلك العائله بشده وعنفوانه و غروره يظن انه فوق الكل ليرضي اخيرا بتلك الجوازه ولكن في نفسه بعيدا تماما عن اي رغبه في تمشيه تلك الجوازه.
جلست زوجه عمه فهتفت.... ايه هتاخدو الواد والبت بتي اوديها فين اياك
هتفت امه.... اجعدي دلوك يا ناديه اما نشوف الحزن الاسود ده.. لتجلس ناديه تغلي فقد كان مقدر لابنتها ان تاخذ كرم .
دخل كرم علي صديقه وابن عمه لېصرخ اعمل ايه محروج بلوني ببت العبابده ھموت مجهور يا فضحتك يا كرم.
هتف اكمل.. اني ماخابرش كنا خدنا التار وخلصنا بت
ايه دي اللي هنجيبها نطفحها ونعيشها لاه ماتجف لابوك ايه المرار ده علي اخر الزمن يا كرم هتاخد بت العبابده دا الناس تاكل وشك هتبجي مجلته يابن الناس.
هتف كرم ...طب اعمل ايه اموت حالي والا اطفش الكبرات اتفجو وهيلبسوهالي ھموت يا اخوي.
هتف صديقه... خلاص نعملو ايه خليها تاجي وسخمط عيشتها لحد ماتجول حجي برجبتي وتطفش. اياك تجرب منيها والا تعملها مره علي الدار تترمي كيف الكلبه وخلاص لحد ماياجي يوم تطلجها وترميها بس اهه واني جارك لحد اليوم ده مستنينه اني وولاد عمك نفرح انك غورت بت العابد من دارنا.
واكتمل ثلاثي القصه ...حاجه تقرف ودق_قلب_الحجر
حكايات_mevo
البارت الثالث........وقف بدر يلملم ملابسه لتقف خلفه زوجته او هكذا ظنت ..... ايه يا جلبي رايح فين.
هتف... هعاود خلاص اكده كان وجت حلو وخلص.
هتفت......انت بتجول ايه انجنيت اني مرتك احنا لحجنا.
هتف..... بجولك ايه اظن اننا متفجين بلاش خربطه.
هتفت پغضب.. متفجين.. اني كت فاكراك بتضحك مامصدجاش انك تعمل فيا اكده دانت جريت ورايا ياما وحبتني.
ضحك.... احبك.. انت مخبوله احب مين ....اني اه جريت وراكي ماهنكرش بس اهه دلوك خلاص خلصت الجصه انما حب ونحنحه ماتلاجيش اعجلي اكده اني مهرك ادتهولك تالت ومتلت وانت اتشرطتي وطلبتي كتير واني مافتحتش بقي.
صړخت.......عشات فاكراك بتحبني
هتف.. هيا جصه وحكاوي جولتلك ما بتهببش اني واظن انت خدتي واستفدتي يبقي خلاص.
هتفت غاضبه.. ولو طلعت حامل هتطلجني برضك. 
صړخت.....يعني تاخدني لحم وترميني عضم.
هتف..... لاه انت خدتي زي مانا خدت واستفدتي والورجه هجطعها واطلجك يبقي خلصنا واعجلي انت مش جد بدر .بدر سكته واعره وكان اتفاج وعلي نور ...
صړخت....اتفاج ..انت ايه جلبك حجر كل اللي حصل بيناتنا ده ترميه ..ماتجولش انك ماحسيتش نحيتي بحاجه .
هتف ...من جه حجر ايوه وانت خابره وواعيه وايه حوصل بيناتنا اني اتجوزتك رغبه وانت داريه بده ورغبتي خلصت يبقي خلصنا .
صړخت ...لاه اني حسيتك بتحبني بطل تبعد جلبك .
ضحك ...مين يحب ..بدر العابد مابيحبش بدر العابد جلبه متبرشم مابيعرفش يا بت الناس اجيبه منين الحب ده للعالم الواجعه عشان انتو تتحكمو الست عندي جسم بورجه اخده وبس .
صړخت ولو وجفتلك المره .
انطلق ضاحكا...مين دي اللي تجفلي تجف لبدر العابد بدر لو بس فكر يجيب .
صړخت تعبان يعني .
هتف بغرور ..سميها زي ما تسميها تعبان حنش يلف ويجيب رجل اللي جدامه بس اني بسميها ثجه .بدر العابد يعرف يطوع المره ويجيب جلبها باي صريجه واهه انت لوعتيني وجبتك .
هتفت ..طب ولو مالهاش في العرفي ...ضحك هو ..
هتفت پقهر ..ليه ماهتجيبش عيال تجيب مره تحبها .
هتف ..ايوه هجيب مره تجيب عيال وتعيش انما احبها ماهيوحصلش بدر العابد لنفسه وبس وتركها ورحل لتقف هيا مغلوله..... طيب يا بدر ان ماكت احرج جلبك اني سمر ماهيهدالي بال ان ماكت اغفلجها عليك صوح مسيرك يجيلك يوم وتبقي تحت درسي عمري ماهسيبك واصل لتخرج تليفونها وتظل تتامل فيه لتهتف هيجيلك يوم يا بدر واحرج جلبك زي ما حرجت جلبي. 
ميفو السلطان تابعونا صفحه حكايات_mevo
عند بهيه عاد بدر وجلس بينهم فهتف ....بجولك الدكتور سعيد امه عايزه تاجي انهارده اجولهم ايه.
تنهد وهتف.. اصبري اما نخلصو موضوع اميمه الاول يا اماي وعدي الامور بدار ماعرفش ماله مش طايج الواد اصبري
هتفت.....طب الست عايزه تجيب حاجات. وتاجي تاني ونجعدو جعده حريم بجولك ايه سيبنا نفرح طيب ومانديش كلمه ماشي
هتف بدر....طب اجعدو بس ماتدهياش ريج ماشي
قالت... ماشي يا ولدي ربنا يهديك انت التاني
ليقوم هو.. لاه اني تعبان هجوم اريح بدل مانبتدي جصه كل يوم ليقوم لتقابله شكريه كيفك يا واد عمي عالله تكون راجع مبسوط
رفع جبينه.. وما ارجعش ليه ايه اللي يمنع يا شكريه.
هتفت ماهيمنعش ربنا يعينك بس مستنين الوجت اللي هتجعد وتشوف دارك وتعمل دار زي بجيت الخلج.
هتف.. هيحصل يا شكريه لما يجيلي مزاجي بس ساعتها تتحمل طبعي.
لتهتف ....جصدك الجواز واكده.. حجك يابن الناس ايه المشكله
قطب جبينه ...ايه ده الحريم ما بيتحملوش اكده.
لتقترب منه وتهتف.... واني غير الحريم يا بدر والا ايه.
نظر اليها مستعجبا ليسمعها تهتف المهم العيله والخلف والعزوه.
ليهتف.. والحب والنحنحه ما رايداهمش.
لتضحك..... حب ونحنحه اني زيك مش سكتي مصلحتي ومصلحتك وبس.
تنهد فهيا شخصيه جامده وصلبه هتف ....كل حاجه بوجتها يا بت عمي وتركها وهيا تقف.. ايوه بوجتها بس اخرتها هتبقي جوزي تتجوز ماتتجوزش اخرتها راجلي وبس.
دخلت بهيه علي شكران لتهتف جومي البسي اكده وسبسبي شعرك ام سعيد مرت خالك جايه وجايبه حاجات
لتنظر اليها شكريه.. مش بدار جال لاه.. بلاش يا مرت عمي ولدك واعر اني بخاف.
هتفت بهيه....بطلي هبل وبطلي خوف واجفيله انت بتسكتيله ليه
هتفت.....بخاف يا مرت عمي بخاف
هتفت.. بدار ولدي واني عارفاه تجفيله هيرتجع اسمعي مني وجومي سبسبي شعرك ده وحطي حاجات علي وشك فاهمه. لتقوم شكران وتمتثل لزوجه عمها .
نزلت بهيه لتستقبل والده سعيد كانت زوجه خالها سيده وقوره وطيبه وكان معها زياره جيده للبيت لتاخذها بهيه ومعها سلفتها اصاله وابنتها شكريه وجلسا لتنزل شكران كانت رائعه الجمال .
وقفت السيده وتقبلها اهلا يا بتي جمر ما شاء الله كانت شكران تضع وشاحا علي راسها وينساب شعرها من تحته يظهر رائعا كانت كملكه تضع تاجا علي راسها لتهتف السيده ايه الجمر دي كبرتي يا شكران من ياما ماشفتكيش ليه مالكيش خال تسالي عليه.. ماكتش اعرف انك حلوه اكده يا شكران
لتهتف شكران.. تسلمي يا مرت خالي وجلست وبدات السيده تتكلم وبهيه تجلس علي ڼار منتظره حضور ابنها ليمر الوقت لتسمع صوته في الخارح لتقترب بهدوء وتشد طرحه شكران وهيا تتكلم منهمكه مع السيده لتقوم بهيه وتستاذن.. دجيجه وهاجي لتخرج مكان صوت بدار هتفت....جيت بدري يعني يا ولدي
قطب جبينه... بدري ايه ماني باجي اكده علي طول.
لتتصنع الارتباك.. اصل اصل
هتف ...مالك ياما مش علي بعضك اكده. 
هتفت.. هاه لاه بس روح هاتلنا شويه جراجيش عندنا ضيوف.
هتف ...جراجيش ايه مابجبش اني ماتبعتي حد من الخدم اني مالي.
هتفت..