الحادي عشر مملكة الطوبجي لأميرة اسامة

ما بقع مع حد بيلف وبيدور وبيحاول يلاقي كدبه يقنعني بيها بفقد كل أعصابي او بسيب الشباب تتصرف وانا بصراحه مليش مزاج أفقد أعصابي عشان كده حلال عليكم يا شباب ساب شعرها ودفعها بكل قوه وقعت على الكرسي وقبل ما يخرج جريت عليه
شمس...ابوس ايدك أوعي تعمل كده ابوس ايدك متسيبهمش معايا
وقف سالم وبصلها بأبتسامه ش ر يبقى تنطقي
حطت شمس أيدها على قلبها بتحاول تقوي نفسها خلاص هيغم عليها وبدأت تحس ان نفسها بيروح
شمس...طيب هقول بس من فضلك خليهم يخرجوا بره
سالم....محدش هيتنقل انطقي
شمس..ضغطت على قلبها بهيستريا أرجوك انا قلبي هيقف لما بتوتر أو بخ اف مبقدرش اتنفس وبتخ نق خليهم يخرجوا من فضلك

بصلها سالم بعمق حس انها فعلا كأنها بتلفظ أنفاسها الأخيره.
بص سالم للجارد و شاورلهم براسه على بره وبسرعه هزوا راسهم وخرجوا وقفوا بره
سالم....اديهم خرجوا اتكلمي
شمس....انا مش حراميه صدقني انا عمري ما عملت كده
سالم...امال انتي ايه ياروح امك وصورتك اللي ظهرت قدامي دي كنتي بتعملي ايه واقفه على سجاده الصلاه.
شمس...بدموع بصتله لأ كنت بسرق
سالم.....امممم حلو و حظك الأسود وقعك فيا انا ده واضح ان امك داعيالك من قلبها.
شمس...بدموع والله العظيم كنت هرجعهملك يمكن انا متوقعتش انك تلاقيني بالسرعه دي عشان كده انا رجعت على البيت يعني مكنتش ناويه أهرب
سالم.....سړقتي وجيتي على البيت بكل بساطه ده ايه يابت الفجر ده
بصتله شمس بوج ع
سالم...لا والله ده فجر رسمي ده انتي الشيط ان يقف يصقفلك على الجبروت والقوه دي
شمس...بدموع قهر انا لا قويه ولا حاجه انا أضعف مما تتخيل ظروفي هي اللي حطتني في الموقف ده صدقني والله العظيم عمري ماعملتها ولا كنت مرتبه اني اسرقك لاني باختصار معرفكككككش
انا شغاله في المكان وكنت بمر على التربيزات عادي جدا وسمعتك وانت بتتكلم مع اللي كان معاك عن فلوس وشوفتكم وانتوا بتبدلوها وقتها محستش بنفسي غير وانا بقنع نفسي ان دي فرصتي الوحيده عشان انقذ امي
صدقني والله العظيم كل اللي كنت محتجاه 300 الف بس اټصدمت لما شوفت المبلغ انا امي عندها القلب محتاجه تعمل عمليه خطيره لو فضلت اشتغل 100 سنه مش هقدر اجمع المبلغ ده حتى لو أستغنيت عن الأكل والشرب مش هعرف أوفره حاولت كتير أستلف من كل حد اعرفه بس كلهم ناس عاديه بسيطه محدش فيهم معاهم مبلغ زي ده والمستشفي رافضه تنقذ امي قبل ما اسلم المبلغ في الخزنه كل يوم بيعدي مصاريف امي في المستشفي بتزيد عليا وحالتها بتسوء اكتر فكرت اعملها العمليه بره على نفقه الدوله خدت دور بعد شهرين ولو أستنيت تكون 
امي مااااااتت
بصتله بوج ع انا مليش غيرها حط نفسك مكاني لو أمك في نفس الموقف وكل الظروف اللي حواليك واقفه ضددك مفيش فلوس قادر توفرها مفيش حد معاه عشان يساعدك و عشان تستني البلد تقف معاك فيها شهرين المستشفي اللي أمي فيها عداد فلوس مبيخلصش
لا قادره اديهم المبلغ و أنقذ امي ولا هما راضين يعملوا العمليه قبل ما ياخدوا المبلغ ولا حتى راضين يخلوني أستلمها قبل ما أدفع اللي اتصرف عليها حاولت اطلعها واستسلم واستنى الدور بتاع نفقه الدوله بس حتى الحل ده مبقاش متاح عشان اخرجها محتاجين خمسين الف جنيه طيب 
أعمل ايه
أسيب امي عندهم أرميهاااا 
انا حتي معنديش وسطه ولا حد يساعدني ان دورها يتقدم مكانش قدامي أي حل
سالم...اممم تقومي تسرقي تعالجي امك بالحرام تستحلي فلوس غيرك عشان تنقذي امك صحححح
شمس...بضعف واڼهيار مكانش قدامي حل تاني غير ده انا كنت مستعده اعمل اي حاجه عشانها مفكرتش في اي حاجه غير اني انقذها وبس وبسرعه وطت على ايده تبوسها.
أبوس ايدك خد كل فلوسك بس سيبلي المبلغ ده بس خليني ادفعه الصبح عشان يعملولها العمليه
خليني أنقذها قبل ما تروح مني
ولو عايزني أمضيلك على وصل أمانه صدقني همضي و هقدملك كل الضمانات اللي تحتاجها ولو مش مصدقني تقدر تيجي معايا و تتأكد بنفسك اني مش بكدب عليك وان امي فعلا محتاجه تعمل العمليه انهارده قبل بكره ابوس ايدك ساعدني
بصلها سالم بش ر وابتسم وقرب ايده من خدها بجرأه انا مستعد اديكي الفلوس.
رفعت شمس ضهرها بسرعه و بعدت عنه