الخامس مملكة الطوبجي

مصېبه ولا حاجه بس زي ما تقول كده شكلك يقلق 
زيد...انا ليه مكتوب على وشي شكل للبيع
أيمن...مش بالظبط
زيد.....بضحك هستنى ايه من ولاد راجح الطوبجي قال وانا اللي بقول عليك شبههي
أيمن...ياعم وانا أتكلمت
زيد....ماشي يا سيدي عموما انا لا جاي بمشك له ولا مصېبه كل الحكايه اني حابب أدردش معاك مش أكتر.
أيمن...بحب يا باشا احنا نطول زيد راجح الطوبجي بنفسه يدردش معايا.
زيد...بضحك طب والنبي سيب الطبله اللي داخل تطبلى بيها دي على جنب
أيمن...انا غلطان مش كفايه اني بمجد فيك
زيد....لا وحيات ابوك من غير تمجيد.
أيمن...ماشي يا عم يلا قول انا سامعك.

زيد...مفيش حاجه مهمه كل الحكايه اني كنت عايز أعرف ايه اخبارك مع صبا.
بصله ايمن باستغراب من سؤاله
أيمن...صبا مش فاهم يعنى ايه
زيد...هو أيه اللي مش مفهوم من سؤالي بسألك عن أحوالكم مع بعض خصوصا اني حاسس ان خلقتك مقلوبه
أيمن....بإبتسامه حزن متقلقش يا زيد أحنا تمام
زيد....مشك لتي إني لا بحب ولا بفهم كلمة تمام دى
أيمن....تمام يا زيد كويسين أصلي بصراحه مش فاهم سؤالك و حاسس ان وراه حاجه خصوصا يعني أنك اول مره من يوم ما أتجوزت انا وصبا تسألني السؤال ده.
زيد....لو سؤالي ضايقك اعتبرني مسالتهوش يا أيمن.
أيمن...ايه اللي أنت بتقوله يا زيد 
لا طبعا أكيد مضايقتش أضايق ان أخويا الكبير بيطمن عليا بس حقيقي مفهمتش سؤالك وحاسس ان وراه سؤال تاني أهم
زيد...هو من ناحيه في هو في بص أنت عارف اني مليش في اللف والدوران كل الحكايه ان انا وأخواتك رجعنا على الفجر كده لقينا صبا قاعده لوحدها في الجنينه وكان باين عليها انها زعلانه هي متكلمتش في اي حاجه على فكره بس ملامح صبا بتفضحها انت عارف هي مبتعرفش تداري بس فا حسيت ان في مشك له بينكم عشان كده قولت اسألك وخد بالك أنت عارف ان انا لا شخص فضولي ولا عمري إتدخلت في حيات أي حد زي ما أنت قولت انك مستغرب لاني عمري ما سألت يمكن عملتها مره واحده بس مع قاسم في بدايه جوازه من زهره زمان وكنت وقتها لسه صغير وحصل تاتش بسيط بينهم ومحبتش اشوفه مزعلها وكانت المره الأولي والأخيره والحمد لله قاسم وزهره بيتض رب بيهم المثل في حياتهم مع بعض 
أكيد بقى لما اشوف اخويا الصغير وبنت عمتي في بينهم حاجه لازم أسألك
أيمن....أنت عارف يا زيد اني بحب صبا.
زيد...عارف وعارف كمان ان هي بتحبك زي ما بتحبها عشان كده قولت اشوف في ايه خصوصا اني عارف انك شخص كتوم يا ايمن ومش سهل تعبر عاللي جواك.
ايمن...بابتسامه بسيطه طالعلك
زيد....بضحكه هاديه عارف وعارف كمان ان ده شعور وحش اوي انك تبقي شايل هم الدنيا كله و كاتم جواك انا عن نفسي جربته كتير او بمعني اصح طول عمري بجربه ومش عايزك تبقى زيي يا أيمن
أيمن...أوقات كتير يا زيد بيبقى جواك حمل كبير شايله لوحدك بس بيبقى صعب أنك تخرجه و مبتبقاش عارف اصلا تقول ايه
زيد....وليه تشيله لوحدك من الاول يا أيمن وليه شايف انك صعب تخرجه
أيمن....زي ما انت شايل اللي جواك ولحد الوقت مخرجتوش براك.
بصله زيد بتوتر بسيط...بس كمان اوقات لما بحس اني تعبان بتكلم
أيمن....يمكن عشان اللي أنت شايله سهل إنك تتكلم فيه لكن لما اللي لما تبقى شايل حاجه أكبر منك أنت شخصيا بيبقى صعب
زيد....بقلق أنت هتقلقني عليك ليه يا ايمن في ايه يا حبيبي قولي يمكن أقدر أساعدك ولو مش حابب تتكلم معايا أنا تقدر تتكلم مع