رواية تمرد عاشق الجزء الثاني همسات مبعثرة البارت السابع والثامن والعشرون لسيلا وليد

وجنجون كمان بتعمل ورق عنب حلو.. عشان عارفة جاسر بيحبه
غمز جاسر لجنى وتحدث
مش كدا ياجنجونتي
ابتسمت جنى بخفوت عندما علمت مايدور بعقل جاسر
عقد جواد ذراعيه ينظر لغزل باستفهام
رفعت كتفيها بعدم فهم
اقترب جواد حازم من جاسر ينظر اليه بتحدي
بس انا كرهته ومش عايزها تتعلمه
جذب جاسر طبقه ووضعه امامه يتناول منه متلذذا.. ثم رفع واحدة يقربها من فم جنى وهو ينظر لصهيب
بعد إذنك ياعمو خطيبتي جعانة وعايز اغذيها
هب عز كالملسوع
ماتحترم نفسك يلا.. هتأكل اختي قدامي
طالعه جاسر مستغربا حالته فنظر لربى
لمي ابو الفصادة دا عشان محمهوش بطبق الشوربة دا.. قوليله لو كانت ناسي افكرك..بلاش هو اللي يعملي عنتر بن شداد.. دا كان بيسرق الاكل من ورا طنط نهى ويأكله لك في الجنينة
جحظت اعين عز وهو ينظر لجواد ثم اشار بيديه على جاسر
الواد دا مين
خطيب اختك وبعد شهرين هكون جوزها قالها غامزا لجواد حازم
سكب دلوه المثلج على رؤؤس الجميع.. فنظر صهيب إليه متسائلا
فرح مين ياجاسر.. مش لما تتخطبوا الأول
بدا يتناول من ورق العنب ويتحدث والطعام بفمه يلوكه بهدوء
تسلم ايدك ياست الكل.. يبقى قولي لجنى على الطريقة
ظلت نهى وغزل يضحكون بخفوت.. بينما أوس الذي يوزع نظراته على الجميع.. معجب بعقل جاسر فأردف
جدع ياجاسر هطول ليه في الخطوبة خليها كتب كتاب ودخلة على طول
رفع يديه يضارب اوس بها
حبببي ياأوس دايما فهمني.. بينما عز الذي يكز على شفتيه
دا في المشمش إن شاء الله
قطع جاسر اللحم ينظر لوالده
المرادي اللحم مطبوخة بطريقة الشيف بوراك يادادي اياك تعيب على غزالتك
وضع جواد خديه على كفيه ينتظر انتهاء المسرحية
رفع جاسر نظره لعز واجابه
والله يازيزو المشمش مالي التلاجة جوا.. يعني لو مراتك بتتوحم ولا حاجة ممكن ماما تديلك سبعين كيلو تحطهم على السرير وتنام وسطيهم
مضغ طعامه فأكمل مما جعل الكل يقهقه عليه سوى جواد حازم الذي ود لو أطبق على عنقه
مع إني اشك اصلا ان مراتك حامل.. يابني انت بتاع بوق بس.. نقدر نقول ربى هتحمل بعد عشرين سنة
وضعت غزل كفيها على فمها من الصدمة.. عندما استمعت لحديث ابنها.. بينما مليكة التي تستمع بذهول لجاسر اقتربت منه تنظر اليه
جاسر حبيبي انت طبيعي
غرس الشوكة بقطعة اللحم ينظر لعمته ثم نظر للشوكة وتسائل
ليه ياعمتو عشان باكل اللحمة بالشوكة ولا علشان باكل ورق عنب.. الصراحة دول اكتر حاجة بحبهم.. ممكن كمان اللي قدام ابنك دي كمان.. بس هو صعبان عليا عايز ياخد اي حاجة من غير مايتعب
قوس فمه ينظر لجواد ورجع لعمته
قوليله ياعمتو احنا بنقطع اللحمة بالشوكة والسکينة وبعدين ناكلها.. مابنجبهاش من الحلة وناكلها قطع كبيرة على طول ممكن نزور وبطننا توجعنا
نهض يمسح فمه ينظر للجميع
شبعت الحمدلله.. يارب تكملوا اكلكم
اتجه ينظر لجنى واردف بمغذى
جنى لما تخلصي أكل إعمليلي قهوة من آيدك وهاتيها لي في اوضتي عشان تشوفي ناقصك ايه
قالها ثم تحرك دون حديث آخر
قهقه جواد حتى ادمعت عيناه ثم نظر لغزل وتسائل
مين دا
ضړبت غزل كفيها ببعضهما واجابته
عليه العوض ومنه العوض... اعقل واحد في العيال مخه طار
اطلق ياسين ضحكة مرتفعة ينظر لجنى
سرك باتع ياست جنى.. لسة بنقول خطوبة والولد اټجنن امال لما يتجوز
غرس جواد حازم الشوكة باللحم ينظر لصهيب پغضب واجابه
هيروح مستشفى المجانين عشان الكل يرتاح..
جلست مليكة بين صهيب وجواد
ربتت على يدي جواد
طول عمرك أبويا ياجواد مش اخويا ابدا.. أنا جاية وكلي عشم فيك.. رفعت بصرها لصهيب وأكملت
صهيب مش واخد باله انه بيدمر تلاتة.. جواد وجنى وجاسر.. وجهت نظرها لجنى واكملت
عارفة ومتأكدة صهيب ضغط على جاسر عشان جنى.. رفعت يديها أمامه واكملت
لو سمحت سبني أكمل
شوفت اخرة ضغطك عليه وصله لأيه الولد مكسور ياصهيب.. بص لبنتك وإنت تعرف قد إيه كسرتها هي كمان..
ربتت على كفيه 
صهيب بلاش تكسرهم أكتر من كدا... نهضت جنى ترمق جواد بنظرات جانبية ثم أردفت
مين قالك ياعمتو أن بابا ضاغط على أن وجاسر.. مش يمكن جاسر عرف قمتي وبيحاول يحافظ على المتبقى مني اللي جواد ضيعه
نظر عز بذهول لحديث أخته ثم اتجه لوالده
لا أنا كدا لازم اعرف كل حاجة.. حضرتك قولت جاسر اولى بيها من الغريب.. طيب جواد عمل إيه في اختي وصلها لكدا
ابتسمت جنى لعز بحزن
وأنا مالي بس ياعز ماأنا حلوة اهو.. يمكن تعبانة بس.. معرفش إنت مكبر الموضوع ليه
نهض جواد بمقابلتها وصړخ بها
يعني افهم من كلامك دا إيه ياجنى
تحركت متجه للمطبخ واردفت
طنط غزل هعمل قهوة لجاسر... وصل جواد إليها بخطوة ووقف أمامها
انت بتعملي كدا ليه.. آه..دفعها وبدأ ېصرخ بها
نهض عز ثم لكمه بقوة وابعده عنها
انت ازاي تمد ايدك عليها ياحيوان.. وقفت ربى بينهما عندما اشتدت نظراتهما بالڠضب
صفق جواد بيديه وهو ينظر إليهم مشمئزا
لا برافو ياولاد الألفي.. ياحلاوة تربيتي فيكم.. برافو ماشاء الله عرفت تربي ياجواد وولادك بيضربوا بعض قدامك
نزل عز بنظره للأسفل
آسف ياعمو.. حضرتك مشفتش عمل ايه
خد مراتك وروح ارتاح.. أنت مش جاي من سفر
اقترب منه وتسائل
ايه اللي حصل في غيابي
اشار جواد لربى
خدي جوزك وروحو ارتاحوا يابابي
اومأت برأسها.. تجذب عز الذي وقف يناظر والده بصمت
وقفت نهى متجهة إليه
تعالى ياعز.. عشان نتكلم شوية
خرج عز مع والدته وزوجته... بينما جواد حازم وقف كالطفل أمام خاله
آسف ياخالو.. أنا معرفش بقيت عصبي ليه
نهض جواد يقف بمقابلته ثم اشار على جنى
لو بتحبها اثبت لنا إنك بتحبها ياجواد.. دا أخر كلام عندي.. ياله روح انت كمان
ادخلي ياجنى اعملي لي انا وبابا قهوة.. وسيبك من جاسر.. زمانه نام
عند فيروز
استيقظت على رنين هاتفها.. امسكته ثم ابتسمت بخفوت
عامل إيه
تنهد يمسح على جبينه بأنامله
مش كويس خالص.. إنت عاملة إيه
وحشتيني 
يااااه ياجاسر أخيرا نطقت بحاجة تفتح النفس
ابتسم راجعا بظهره على ظهر فراشه ثم همس لها
يعني جاسر مايفتحش النفس... لازم يتكلم
ضحكت بنعومة وأجابته
مغرور على فكرة.. بس بحبك
لفت انتباه كلمتها الاخيرة فسحب نفسا طويلا.. فكفى ماصار له.. يكفي شعوره بانين روحه من تخبطه
هتيجوا أمتى يافيروز.. مش كفاية بقى لحد كدا.. بجد وحشتيني أوي
لم يستطع تمالك نفسه أكثر من ذلك فاڼهارت حصونه بالكامل فأغمض عيناه مردفا
فيروز تعالي بقى... ارحمي روح حبيبك
دقات عڼيفة لكليهما.. لوهلة شعرت بأنها تتخيل ماقيل.. فأردفت بتردد عله يرحم قلبها الضعيف
جاسر إنت قولت إيه دلوقتي
ابتسم ووقف ينظر من شرفته على غروب الشمس فنطق بصوتا ممزوج بمشاعر خاصة بها وحدها جاهد كثيرا أن يدفنها واعلن مۏتها الزائف بقلبه فتحدث بهمس اطاح بقلبها الضعيف
ب. ح. ب. ك.. فيروزة قلبي
عند بيجاد
استيقظ بيجاد من غفوته.. فلأول مرة منذ فترة تغفو جفونه سالمة مطمئنة هادئا مرتاحا.. بعدما اخذ مايكفيه من اشتياقه لها
ظل يناظرها بعشق بعدما ذهبت بسبات عميق.. بعدما سقاها من عشقه... داعب انامله خصيلاتها بحنان.. استمع لتأوها وهي تضع يدها على أحشائها كأن هناك مايؤلمها
نزل بيديه