للقدر حكاية بقلم سهام صادق
دموعها
تعرفي انك بتجيلي في أحلامي وبتنادي عليا انا بقيت اشوف يامها بقيت اشوف بس مبقتش فاكره حاجه عن لحظاتنا سوا قالولي انك كنتي أطيب واحن اخت لكن هو ضحك عليكي
وازدادت دموعها انهمارا
ربنا اخدلك حقك قټلته واحده بعد ما كان عايز ېفضحها وسط ولادها وجوزها
صوت بكاءها وحديثها كان يصله ولكنه فضل البعد حتى يتركها تتحرر مما تشعر به
ومسدت فوق بطنها بعد أن شعرت ببعض الآلم
انا حامل في بنت ياماجده هسميها على اسمك
وألتفت بعينيها نحو شريف تنظر له فتقدم منها متمتما
سامحيني انا كمان ياماجده ياريتني كنت وقفت معاكي وورتلك قذارته بعينك يمكن كنتي فوفتي قبل فوات الآوان
مش معقول كل ده حصل ياسماح
وطالعت شقيقتها وهي ترقص بسعاده ثم عادت ترمق سماح حانقه
وحضرتك جايه تقوليلي ده في الفرح اندمج ازاي مع واحده فيكم
ضحكت سماح وهي تطالع زوجها الواقف مع حمزه
فضولك ياحببتي هو اللي مخليكي قاعده جانبي
ياقوت طول عمرها فضوليه ياسماح ياساتر عليها
هناء
احتضنت الصديقتان بعضهم بشوق
وحشتيني اوي ياام العيال
وانتي وحشتيني يافيل ياصغير
وكظتها هناء بتذمر وابتعدت عنها
بس ياارنبه
ولم يتمالكوا ضحكاتهم على مشاكستهم فأنفجروا ضاحكين ولولا الموسيقى الصاخبه لكانوا قد فضحوا وانتهى الأمر
مقدرتش مجيش حتى لو كنت تعبانه ياياقوت عملت حفله نكد على مراد وخليته يجبني
ياسمين هتفرح اووي
فأندفعت هناء نحو العروسين
تعالي يلا واه نعمل تمارين الرقص معاها
وياقوت التي لا تتفاعل بالرقص كانت هناء تجرها لفعل ما لا يفعل بمتعه وسماح ومها معهم فتشجعت ندي واقتربت منهم هي الأخرى بعد أن حثتها مريم علي النهوض
واعين بعيده كانت تترصد مبتغاها بلهفة ولولا تحذير هاشم له لكان اعترف لها بمشاعره وتغيره وانه أصبح الان شخص اخر
لم تكن مريم متواجده بذهنها مع الحاضرين عيناها كانت ذابله ويداها قابضه فوق مقعدها المتحرك بقوه انحدرت دموعها رغما عنها
هعمل المستحيل عشان تكوني ليا يامريم
مريم
صوته وكفه التي مسحت عنها دموعها جعلوها ترفع عيناها اليه راجيه
وافق اسافر معاهم يابابا من غير ما تزعل مني
رغم انه كان قد قدم لها موافقته الا انه كان يشعرها بالذنب لأنها ستبتعد عنه ولكن اليوم قدم موافقته عن طيب خاطر لأجلها
هستني بنتي ترجع قويه زي ما كانت
وحمزه هو والدها حتى لو لم تكن دماءه تسري بعروقها
تسطح فوق فراشه شارد الذهن ف غدا ستنقص أفراد عائلته الملتفه حوله وهم يظنون انهم سيعطونه فرصه ليكون اناني لمره واحده ويعيش مع زوجته وأولاده
ثرثرة ياقوت عن تفاصيل الفرح ومجئ هناء وعودت سماح لزوجها جعلوه يفيق من شروده
حمزه انا بقالي ساعه ارغي وانت ولا هنا
واقتربت منه بعدما اعتدل من فوق الفراش
معلش ياياقوت دماغي مشغوله شويه
وقبل ان يستمر في تبرير سبب شروده تمتم حانقا
ماشاء الله عليكي ياحببتي درجه اولى
اتسعت عيناها فرحا
بجد ياحمزه انا رقصي حلو ده انا مبعرفش ارقص اصلا
امتقع وجهه وألتف نحوها بعدما جاورته فوق الفراش
لولا انه فرح اختك وعارف مدى فرحتك كنت علقتك ياياقوت
ضحكت والضحكه كانت من أعماق قلبها
وانا اللي كنت فاكره ان رقصي عجبك ضيعت فرحتي
الصبر من عندك يارب هو الحمل المرادي جاي معاكي بهبل ياحببتي
اماءت برأسها مقتنعه لتقترب منه
فاكر ليله ډخلتنا ياحمزه
أخذه الحنين لذلك اليوم محرك رأسه لها
وديه ليله
تتنسي
طب فاكر ليله صباحيتنا
امتقع وجهه ثانيه وابتعد عنها
مش لازم تفكريني
عادت لتضحك وتقربه إليها
ما انا لازم افكرك عشان ضميرك يأنبك ياحبيي
نامي ياياقوت وقال ايه انا قولت هنعيد الذكريات الحلوه
تذمر كالاطفال لترفع شفتيها نحو خده تلثمه
بحبك
كده بقى نعيد الذكريات والامجاد
وكأن نهايه الفوز قد حسمت والرايه رفعت وبعد فتره كان يضمها اليه يقبل يدها ويغمضوا عيناهم ولكن بكاء صغارهم كان يخرجهم للواقع
استيقظت من نومها فزعا تنظر حولها الحلم يتكرر كالمعتاد
ولكن تلك المره طفلها كان بين ذراعيها ترضعه
نظرت ليداها الخاويه وصوت أنفاسها يتصاعد
هو راح فين راح فين
ووثبت من فوق الفراش تركض الي غرفته تهتف بأسمه وهي تهز جسده ليستيقظ
شيلتوا بين ايديا يافرات
انتفض من رقدته وهو لا يستعب شئ
مين ده ياصفا اللي بتتكلمي عنه
ابتسمت من بين دموعها
ابننا عايش
واندفعت لحضنه تتمتم بأمل
هيرجع يافرات هيرجع
ألتمعت عيناه بالدمع وهو يرى حالتها ولم يشعر الا وهو يضمها اليه بقوه وعادت تسأله بصوت مهزوز
هيرجع مش كده يافرات
هيرجع ياصفا
ابتعدت عن حضنه تنظر لعيناه تضم وجهه بين راحتي كفيها المرتجفان
والقلب ضعيف عندما يريد ان يهوي لا ماضي ولا ندوب ولا عقل يحسم القرار
تعلقت عيناها بالنتيجه التي اظهرها اختبار الحمل المنزلي وهاتفها يعلو بالرنين برقم حوريه التي تنتظر اجابتها بلهفه
طمنيني ياصفا
همست وعيناها عالقه بالنتيجه
انا حامل ياحوريه
أبتسمت حوريه وهي تزفر انفاسها براحه قد وصلت لمسمعها
كده بقى الراجل ده قدرك ياصفا
واردفت بعبث ومازالت ابتسامتها فوق شفتيها
بس الله واعلم من أنهى ليله
تصبخت وجنتي صفا خجلا ف الليلتان كانت هي من تذهب اليه بضعفها وهو لم يكن الا مرحبا بهذا الضعف
تعلقت أعين مريم بالفساتين التي تعرضها لها ياقوت عبر الهاتف حتى تقرر معها ايهم ترتديه
ها يامريم
ضحكت مريم وهي تقرب رأسها من شاشه الجهاز الإلكتروني الخاص بها تمط شفتيها معترضه
ما انتي اللي بتختاري الوان كئيبه ياياقوت دوري تاني يمكن نلاقي حاجه
لتلقي ياقوت الثياب من يدها وتتجه نحو البقيه تبحث عن شئ زاهي كما تحب الصغيره التي ستظل صغيره
وعادت بفستان اخر صاړخه
اوعي تقولي ده كمان لاء
مسحت مريم فوق ذقنها مفكره
مش بطال
لتغلق ياقوت الهاتف في وجهها حانقه والأخرى تضحك تحت نظرات ندي المشغوله في تحضير أوراقها قبل الذهاب للجامعه التي تكمل دراستها فيها
حفل تكريم راقي فعله موظفينه تقديرا واحتراما له وهي كانت تجلس وسط الحضور ترى زوجها واقفا يلقي كلمته شاكرا لهم
اقترب منها يضمها إليه ويده موضوعه فوق بطنها المنتفخه قليلا
لتأتي ناديه مقتربه منه
مش هتطير ياقوت ياحمزه
ليضحك فؤاد على أفعال زوجته كما ضحكت ياقوت
معلش يابنتي لازم تستحملي حماتك
ضحك حمزه هو الآخر على مزاح زوج شقيقته فأمتعضت ناديه من حديث زوجها
بتتريقوا عليا
ونظرت لياقوت ثم شقيقها حانقه
ماشي ياحمزه ده لولا خدماتي مكنتش اتجوزت ياقوت ودلوقتي واقف تتريق عليا
معاش ولا كان اللي يتريق عليكي ياحببتي ده انتي اللي في القلب مش كده يا ياقوت
غمز لها ل تؤمي الأخرى برأسها وهي تضحك ولكنها لم تكن الا سعيده ف ناديه لا تؤذيها بشئ إلا بغيرتها التي لا تكون الا كلاما ودفاعا عن حب شقيقها إليها
وحمزه يفصل بين حبهم واحتوائهم بذكاء
تعلقت عيناها بملامح المرأه الواقفه أمام زوجها ورجاله بعد أن حمل منها الطفل يتحسس جسده ويقبله والصغير يبكي ويميل من بين ذراعيه ملقيا بجسده نحو المرأه الهزيله الباكيه هي الأخرى
الله يخليك يابيه خليني امشي انا رجعتلك ابنك سليم عايزه اروح لبنتي زمانها بتصرخ من الجوع
مافيش مشي من هنا غير لما يجي البوليس
انتفضت المرأه مفزوعه وهي تبحث عن مخرج من وسط الرجال الواقفين
لا بوليس لاء
اقتربت صفا منهما بصعوبه وهي تظن ان ماتراه مجردا حلما
ورده
تمتمت اسمها بأرتجاف لتلتف المرأه نحو الصوت كما التف فرات صوب زوجته
صفا انتي صفا
نطقت بها ورده وهي لا تصدق انها رأت صفا هنا تعلقت عيناها بالصغير وعيناه الزرقاء الدامعه فهتفت پصدمه وتعلثم
هو ده ابنك
والاجابه كانت واحده كم كان القدر عجيب والماضي يعود لزنزانه مغلقه
امسك كفوفها بين كفيه بحنان يطمئنها
حببتي اتنفسي براحه واهدي
ابتسمت اليه بوهن
انا تعبانه اوي ياحمزه خليهم يولدوني بقى
التف نحو ياسمين الواقفه خلفه وهاشم يجاورها
ياسمين تعالي هديها شويه لحد ما اشوف الدكتور مش كفاية كده انتظار
اماءت ياسمين برأسها واقتربت من شقيقتها بقلق تطمئنها فالشهور الاخيره مرت عليها بتعب شديد
وبعد وقت كانت ناديه تجاور شقيقها وهاشم يضم ياسمين اليه
انا خاېفه ياهاشم انا مش عايزه اولد
ضحك على عبارة زوجته
ياحببتي اختك هي اللي بتولد مش انتي انتي لسا حامل في شهرين وعايزه تولدي
ابتعدت عنه ممتعضه ليعود لادخالها بين احضانه
والحال كان هكذا مع فرات الذي وقف ينتظر مولوده الثاني والأخير فالطبيب حظرهم من انجاب اخر
ولد وفتاه فهو لا يريد شئ اخر
وعلي بعد خطوات منه كان يقف عنتر رجله الوفي دوما وبجانبه ورده زوجته فقد كان زواجهم ليله امس وقصه حب بدأت بينهم من أول لقاء في المزرعه وكأنها مزرعه الحب
بعد اربع سنوات ثلاث صغار كانوا يركضون مع بعضهم متشابكين الأيد
وقفت صفا تنظر إليهم من شرفة غرفتها وفرات يقف جوارها يتأمل صغاره بحنو
سليم متعلق اوي ب بنت ورده اكتر من اخته ياصفا
الټفت نحوه مصدومه من حديثه
فرات بلاش الجزء اللي اتربيت عليه يظهر ارجوك
انا خاېف على ولادي الأصل غلاب ياصفا واسم ابوها مش هيتمحي ابدا ديه بنت واحد اتعدم عشان اقتل
بهتت ملامحها من صريح عبارته صحيح ان فرات يتعامل مع تلك الصغيره بلطف ويجلب لها مثل أولاده لكن مكنون نفسه كان شيئا اخر
لو انت شايف كده في تقي البنت الصغيره يبقي شايف فيا انا كمان وشايف ان ولاد فاديه وعزيز كده برضوه ما انا اصلي مكنش مشرفش يافرات وكنت خريجة سجون
اياكي تقولي كده
ضمھا إليه بقوه نادما عما تفوه به
انا اسف ياصفا عندك حق ساعات طبيعتي بتغلب عليا البنت فعلا ملهاش ذنب
كان صادقا في ندمه ونهر نفسه عن تفكيره الذي بثه الشيطان داخله فهل يلوم طفله على نسبها طفله لم تثقل الحياه كتفيها بعد طفله لم تعرف ان الناس لا يرحموك الا وقذفوا سمۏم ألسنتهم داخل قلبك ليتحول بعدها المرء لصوره هم من صنعوها واما النجاه واما الڠرق
تعالي ننزل ليهم
وامتدت يده لها لتضع كفها في راحه كفه الممدوده
وبعد دقيقه كان فرات يلهوا وسط الصغار تحت نظراتها اللامعه الفرحه
اليوم كان عوده شهاب وندى أما مريم
فقد عادت منذ عامين فلم تتحمل البعض عن الصغار الاربعه
بعد أن أتمت شفائها بالخارج
عاد حمزه من عمله بعدما تلقي ذلك الخبر المفاجئ عبر الهاتف
اربع سنين يامفتري
ابتسم شهاب وهو يحتضن شقيقه ونظر نحو ابناء شقيقه ومريم التي تركض وهم خلفها
انت جبت العيال الحلوين دول لمين يااخي
طالعين شبهي طبعا ياشهاب
اقتربت منهم ياقوت وجوارها ندي التي تحمل طفلتها بين ذراعيها ولم يتجاوز عمرها الا شهران
حمدلله على السلامه ياندي شايفه جوزك
وتعلقت عيناه بالرضيعه ليمد يداه إليها مبتسما
اهي البت ديه هي اللي شبهي اهلا ببرنسس لارا في مصر
ومع الوقت كان يتوافد باقي أفراد العائله واصبحت الفيلا
صاخبه بركض الصغار وثرثرة الكبار
وفجأه نهض شهاب هاتفا بعد نحنحته وقد تولي الأمر عن هاشم
حمزه فارس طالب ايد مريم
اندفع كلا من حمزه وشريف واقفين
لاء
اما مريم وقفت تتابع ردت فعلهم ضاحكه فقد أخبرته ان الوصول إليها صعب ولكنه مصر
هتف هاشم برأيه هو الاخر
أدوا فرصه ليه طيب
وبعد محاولات كانت من طرف النساء رضخوا لإعطاء الفرصه ل فارس لا أكثر
التفوا حول الطعام بعدما تم تحضير مائده شهيه الكل كان منشغلا بتناول طعامه الا أعين ناديه التي كانت تترصد ياقوت التي وضعت يدها فوق فمها لا تستطيع تناول طعامها
ياقوت انتي حامل!
لينظر الجميع إليها منتظرين الاجابه وحمزه يضحك بصخب مستمتعا بهيئتها
قوليلهم ياحببتي
لينفجر الجميع ضاحكين وللقدر حكاية أخرى وبين حكاية وحكاية فالكل يسير نحو قدره
تمت بحمدالله
رواية للقدر حكاية
بقلم سهام صادق
