دائرة العشق الثامن

دائرة_العشق
الفصل_الثامن
بالفندق.. خرج ريان في الصباح الباكر من اجل اجتماع خاص بالصفقة التي جاء من اجلها
بينما كانت يارا بجناحها الخاص وهي تضع بعض الكريمات على وجهها حتى تخفي تلك الكدمات التي اصابتها 
لتعود ببصرها إلى الصغيرة قائلة بسعادة...... صباح الخير يا احلي سلين في الدنيا

ابتسمت الصغيرة بحب وهي تهتف....... يا يا ياي يااارا
اتسعت ابتسمت يارا بسعادة وهي تهتف...... ايه ده بدأنا نتعلم اهووو
لتصمت قليلا وتابعت...... وبمناسبة اسمي الي خارج من شفايفك ده هنخرج بره الجناح النهاردة 
لتحملها بهدوء وخرجت بها خارج الغرفة لتجد احمد بأنتظارها 
طالعته يارا بتساؤل..... خير يا استاذ احمد في حاجة
ابتسم احمد بخفوت قائلا...... لا يا آنسة بس ريان بيه كلفني اكون معاكي انتي والهانم الصغيرة و ده لسلامتكم انتوا الاتنين
تنهدت يارا بضيق وهي تطالع الرجلين الواقفين خلف احمد بأشكالهم المخيفة فقالت بتساؤل...... ودول لازمتهم ايه
احمد بهدوء..... علشان حمايتك 
نظرت إلى الصغيرة وقالت...... امري لله لحد ما نشوف الحصار ده اخروا ايه
لتكمل سيرها حتى خرجت حديقة الفندق وهي تجلس الصغيرة على احدي المقاعد قائلا لأحمد........ خلي بالك من سلين انا نسيت موبيلي و اكل سلين في الجناح هروح اجيبهم
احمد بهدوء..... تمام
ليشير لأحد الحراس بمرافقتها 
غادرت يارا وخلفها احد الحراس لتصطدم فجاء بشاب في اواخر العشرين لتهتف بأسف..... اسفه مأخدتش بالي
انتبه الشاب لصوتها قائلا....... يارا
رفعت وجهها إليه وهي تطالعه بضعف سكن عينيها 
لتهتف...... مكرم
طالعها بأشتياق وهتف..... عاملة ايه 
اغمضت عينيها بضعف قائلة..... الحمدلله اخبار سهي ايه
ابتسم بسخرية قائلا...... لسه بتسائلي عنها
مهما كان دي صديقه عمري....... قالتها بضعف
لتكمل بعدها..... بعد اذنك
كادت ان تغادر ولكن منعتها يده التي اطبقت على معصمها وهو يهتف....... ارجوكي استني... 
دفعت يده بعيدا عنها قائلة..... لو سمحت يا أستاذ مكرم التزم حدودك
في تلك اللحظة تدخل الحارس وكاد يتشاجر معه إلى ان هتفت هي..... لا معلش سيبه
ابتعد الحارس بهدوء ليهتف مكرم بتساؤل...... مين ده
طالعته بهدوء قائلة...... ده حارس شخصي
مين يارا....... قالتها الفتاة التي تقدمت إليهم وهي تقف بجوار زوجها قائلة بسعادة مزيفة..... مش معقول بتعملي ايه هنا
انتبهت لها يارا وهي تهتف بهدوء....... ازيك يا سهي عاملة ايه
ابتسمت الاخري بخبث وهي تحتضن كف زوجها قائلة....... بخير حالي احسن من حالك
طالعتها يارا بنصف ابتسامة قائلة...... يارب على طول يكون حالك احسن من حالي
لتهتف الاخري بتساؤل..... وانتي بتعملي ايه فأوتيل خمس نجوم اوعي تكوني من عمال النظافة بتاع الحمامات اصلها مش غريبة عليكم يمكن بتساعدي مامتك
اخترقت الكلمة جدار قلبها لتلمع عينيها بالدموع قائلة...... ماما الله يرحمها
تأثر قلبه لدموعها المتحجرة فقال بحزن....... البقاء لله ربنا يصبرك
وانتي بقا لسه متجوزتيش..... قالتها الفتاة بسخرية وهي تتابع........ اه نسيت ان مستحيل حد يفكر يتجوزك
سهي....... قالها زوجها پغضب 
لتهتف هي بسخرية....... في ايه مش متحمل تعرف متجوزة ولا لسه عايشة على ذكرى حب قديم.. 
وقفت صامتة ولا تعلم بما تجيب إلى ان شعرت بتلك اليد التي وضعت على كتفها تحتويها لتشعر بالامان وهي تنظر إلى صاحب الوجه الخالي من المشاعر وهو يهتف...... ايه اتأخرتي ليه كده
طالعته بعدم فهم فتابع هو....... سلين مستنيا واحمد قال انك رايحا تجيبي الموبيل من الجناح.. 
ايه ده انتي اتجوزتي يا يارا..... قالتها سهي بتساؤل
ليبتسم ريان بهدوء قائلا..... مش تعرفينى على اصحابك 
ليمد يده وهو يصافح مكرم قائلا....... ريان رسلان رجل اعمال
ثم انتقل ببصره إلى تلك الحيه وهو يصافحها
لتنظر له سهي بعدم تصديق وهي تري هيبته ووقاره واضافة على ذالك وسامته الطاغية لتهتف بتعلثم...... اه اهلا انا سهي صديقه يارا من ايام المدرسة
تشرفنا......